夫婦情感

跳至

首頁
12345...12

尾頁
   7


複式洋房

積分: 150


發表於 19-5-13 23:03 |顯示全部帖子
本帖最後由 hkugradute 於 19-5-15 08:52 編輯

長文,懇請睇完才給意見。


本人和太太結婚十年,有一個小朋友,五歲
自問對家庭十分盡責,婚後家庭開支全部一力承擔(供樓,飲食,日用品,旅行,幫老婆交埋稅...等等),對外家都盡責,例如:外母家中壞了電器,自動自覺買給她,外母的上網,家居電話,IDD等,我都會跟進埋(教點用同俾埋錢)

不煙不酒沒不良嚐好

太太對此並不滿意,她說放工要照顧小朋友辛苦,要我自動自覺幫手,我跟她說:我不是先知,我沒可能次次估你想我做乜,並且做對你心中所想,如你有需要,直接跟我說.

她認為我放工回家沒甚麼事要做,她要幫小朋友洗澡,讀書,跟功課,在她眼中我跟完全沒有付出一樣
事實上,我見她放工有時黑晒面都估到佢累,因為佢一累就成日發脾氣,我見到咁多數都會同小朋友講,我不如和你沖涼,讀書,睇你做功課,不過小朋友太痴媽媽,有時未必制.有時知道她忙碌,我會帶走小孩出街玩玩,讓她可以專心工作

她十分不滿意我回家打機,認為佢放工沒私人時間,我卻有私人時間,唔識自動自覺幫忙,所以覺得我好有問題

先說說平日生活


上班時

我媽媽住在我家附近,每天早上我媽媽會接小朋友返學,放學多數由我和我媽媽接回家,我媽媽會煮飯,放工後一家人吃飯,才回自己家,如太太忙碌,我會帶飯給她

放假時

我和太太自己照顧返小孩,小孩多數痴着她,太太覺得她要陪小孩,沒晒私人時間

其實我太太已經就這問題經常和我爭吵,她說沒有自己私人時間,要我自動自覺幫手,但我不是日日都會咁醒水知道佢諗乜野,加上我極討厭人發脾氣,所以佢一發脾氣多數嘈交收場.這問題已持續數年

我想問問各位先生太太,我是否一個低於水平的丈夫,還是我太太要求太高?其實成咁爭吵,佢和我都很累,你係我,你會怎樣辦?




翡翠宮

積分: 79224


發表於 19-5-13 23:08 |顯示全部帖子

回覆樓主:

本帖最後由 mini1204 於 19-5-13 23:20 編輯

原來已返工
咁請工人
大家放工都攰


侯爵府

積分: 22559


發表於 19-5-13 23:17 |顯示全部帖子
只係感覺到你太太唔想湊小朋友,想放工就返屋企hea


瑪瑙宮

積分: 127467


發表於 19-5-13 23:18 |顯示全部帖子
大家都返工, 大家都唔好對對方太多要求喇, 做唔切做唔到果 d 野, 咪請人做左佢囉. 聽你講你又唔係無餘錢.


別墅

積分: 521


發表於 19-5-13 23:22 |顯示全部帖子
mini1204 發表於 19-5-13 23:08
原來已返工
咁請工人
大家放工都攰

個女人好似有返工wo


別墅

積分: 521


發表於 19-5-13 23:25 |顯示全部帖子
hkugradute 發表於 19-5-13 23:03
本人和太太結婚十年,有一個小朋友,五歲
自問對家庭十分盡責,婚後家庭開支全部一力承擔(供樓,飲食,日用品,旅 ...

如果d小朋友單一痴媽媽 系米你同小朋友五親近忽略左 正正常常有用心湊小朋友兩個都親近


大宅

積分: 1077


發表於 19-5-13 23:53 |顯示全部帖子
我覺得小朋友痴媽咪但又唔多痴你,係咪中間可以同小朋友溝通吓呢,會唔會係個關係未夠堅固?

如果太太放工可以有一兩個鐘休息再陪小朋友會唔會好啲?又或者佢工作上遇到啲咩大壓力然後拎埋啲情緒返屋企?因為我有時都會,未必會記得去刻制。通常老公會自己陪個仔,瞓咗就whatsapp 話我聽佢感受,我有咩問題,邊度可以改進。我會諗吓再同佢溝通。

週末或者抽一日放小朋友去你媽媽度得唔得?咁你哋就可以休息吓,因為聽落就算有工人都未必會幫到太多,始終功課,活動,講故事之類,都係由父母親自做會好啲,建立一個良好關係。不過如果係放工有好多家務嘅,咁請個姐姐啦,幫輕吓
平平穩穩又過一日


男爵府

積分: 9816


發表於 19-5-14 00:14 |顯示全部帖子
hkugradute 發表於 19-5-13 23:03
本人和太太結婚十年,有一個小朋友,五歲
自問對家庭十分盡責,婚後家庭開支全部一力承擔(供樓,飲食,日用品,旅 ...

平時洗衫,煮飯等家務邊個做先? 就算你哋晚餐係你媽媽屋企食,除了照顧小朋友外,仲有好多家務要做的。有無考慮請鐘點呀?


複式洋房

積分: 150


發表於 19-5-14 01:12 |顯示全部帖子
回覆 Nancy20090615 的帖子

我不喜歡有個外人在家,同理覺得照顧小朋友應該不要依賴工人
她咁強調要有私人空間,都應該不想多一個人待在家


複式洋房

積分: 150


發表於 19-5-14 01:13 |顯示全部帖子
回覆 Nancy20090615 的帖子

係佢要求我,我無要求佢


複式洋房

積分: 150


發表於 19-5-14 01:14 |顯示全部帖子
回覆 SCherryKoS 的帖子

小朋友會跟我的,但只要太太和我一齊,就痴太太


複式洋房

積分: 150


發表於 19-5-14 01:17 |顯示全部帖子
回覆 jwy2 的帖子

一至五晚餐我媽媽負責
假期太太會煮飯,洗衫
我會做吸塵抹地

我跟她說累可以不用煮飯,出街食,休息下
她就會跟我說:不喜歡出街食味精野


大宅

積分: 1076


發表於 19-5-14 01:25 |顯示全部帖子
既然大家都番工,大家放工都累,大家快快手搞掂小朋友,再享受私人空間。不過打機真系好令人反感,有時過份沉迷都唔系太好。每日你問下你太太有咩可以幫手,如果無你先打。


複式洋房

積分: 150


發表於 19-5-14 01:27 |顯示全部帖子
回覆 bubblesb 的帖子

"又或者佢工作上遇到啲咩大壓力然後拎埋啲情緒返屋企?"

呢個我都覺得係原因,因為每一份工佢都係覺得辛苦多野做


"週末或者抽一日放小朋友去你媽媽度得唔得?"


一星期,我媽媽已幫左五日,間中要求還可以,如果每星期係咁,應該不可能
我媽媽是個較傳統的女人,如果成日外判D工作俾佢,佢會覺得太太好懶,到時衍生婆媳問題仲大鑊(兩個脾氣都好大)


複式洋房

積分: 150


發表於 19-5-14 01:38 |顯示全部帖子
回覆 一顆心 的帖子

大家放工都累,但我不會跟她黑臉發脾氣,這是我和她的分別
我會選擇打機減下壓,令佢反感我都無言了......

小孩大便後,打機的我會放低一下,先跟小孩抹大便(我知道太太不喜歡做這東西),當然我一打機,太太就話我沉迷,現在已經比拍拖初婚時打少很多



"自問對家庭十分盡責,婚後家庭開支全部一力承擔(供樓,飲食,日用品,旅行,幫老婆交埋稅...等等),對外家都盡責,例如:外母家中壞了電器,自動自覺買給她,外母的上網,家居電話,IDD等,我都會跟進埋(教點用同俾埋錢)

不煙不酒沒不良嚐好"


加埋你的建議"每日你問下你太太有咩可以幫手,如果無你先打。"


如果我做到你的建議,我應該係完美的丈夫了


每個人都有缺點,應該包容,可惜她容不下我,我也對她的脾氣很有意見,成了吵鬧的源頭


ANYWAY,你的建議有用,希望自己做到






子爵府

積分: 11538


發表於 19-5-14 02:42 |顯示全部帖子
hkugradute 發表於 19-5-13 23:03
本人和太太結婚十年,有一個小朋友,五歲
自問對家庭十分盡責,婚後家庭開支全部一力承擔(供樓,飲食,日用品,旅 ...

如果沒有經濟問題,俾個offer 太太做FTM, 太太自己湊小朋友,星期六或日其中1日你媽媽湊,放太太1天假,你地又可以拍拖,聽你講日常生活好似已經冇2人世界咁


男爵府

積分: 8096


發表於 19-5-14 03:26 |顯示全部帖子
我估你太太只係想你主動d關心下佢,同佢一齊分擔照顧小朋友既工作。

你打機令佢覺得你將工作都留俾佢,所有野都係佢既責任,好似你冇份一樣。下次不妨先問下太太有冇野需要幫手,沒有才打機吧!也可嘗試叫太太一同打機,令佢覺得你地之間有多d互動。

你大可不必在太太面前強調你為她所做的事,我指物資生活。因為我想真正愛你的女人,最在乎的不是你給她的物質,而是你在不在乎她,能否給她心靈上的慰藉。記得每天也抽少少時間岀來,兩人聊天訴說心中情,會令你們之間感情加分不少。

其實我估我同你太太係同一類人黎,因為我睇你打既文字都睇到嬲嬲地,明白佢點解會咁。


大宅

積分: 2580

MommyPanel勳章 好媽媽勳章 畀面勳章


發表於 19-5-14 04:09 |顯示全部帖子
hkugradute 發表於 19-5-13 23:03
本人和太太結婚十年,有一個小朋友,五歲
自問對家庭十分盡責,婚後家庭開支全部一力承擔(供樓,飲食,日用品,旅 ...

您做得很好,其實只是太太累了,工作辛苦回家都想有個人空間,每天無限loop的確好辛苦,可以建議太太平日放1日年假,唔洗比奶奶,小朋友知,好好自己休息下,抑或送個lush or 酒店spa2至3小時比太太relax, 唔洗多,1個月1次啦
個人會平衡點

有時都唔只係出錢,都要出力嘅
好明白吵架的累,我同先生都會有時吵得勁
不過我講完就算啦。


男爵府

積分: 8576

好媽媽勳章


發表於 19-5-14 04:10 |顯示全部帖子

回覆樓主:

聽你講你小朋友喜歡痴媽咪多D,即係你比小朋友既關心不夠多,講真兩公婆返工,放工去你媽咪到食飯,雖則無左買餸煮飯洗碗呢D工作,但兩公婆相處的時間又係少,回到家仲有幾多時間丫,你老婆要跟功課讀書親子,你仲有時間可打機減壓,咁你覺得呢?你話你唔知你老婆想你做D咩,話佢叫你自動自覺,呢個米係答案囉,你老婆自動會做既野,為何你又唔識自動自覺做?因為你覺得果D工作唔關你事?如果唔係無理由要問或者老婆叫先去做格。
其實大家返工都倦,放工又要家務又要照顧子女,真係好忙,我諗你好聲氣氹下老婆,主動幫下手,好過佢又黑你面,你又唔高興丫,你關心佢多D就唔會嬲你


大宅

積分: 1076


發表於 19-5-14 07:27 |顯示全部帖子
其實我先生都有打機,其實唔係太沉迷我唔會出聲,但有時需要到佢幫手,叫我等一下,組緊隊喎,又或者叫佢同佢講講野聽唔到,因為佢個人一心不能二用,咁就令我反感,如果咁我就會黑面或閙佢,咁佢醒水又改好一排。不過我系Ftm,其實我唔介意樣樣野做曬,反工辛苦,放工基本上都唔洗佢做d咩,系我洗碗沖涼時幫手睇下女,我都明無聊打下機都唔俾好過分,總之適可而止。

首頁
12345...12

尾頁

跳至