0-6個月 今日: 0 | 主題: 37136

積分: 345

1^#

發表於 19-5-16 01:00 |只看該作者 |倒序瀏覽 |打印

我同老公係奉子結婚嘅，雖然老公講到好愛我地禁，但係我真係感受唔到
佢做物流嘅，聲稱份工好忙無特定收工時間，每朝8點收工，晚晚都差唔多11.12點反，但佢中途又有時間去剪下頭髮盛嘅，佢亦唔會同我交代行蹤，所以我完全唔知佢去左邊做緊乜，就算佢早收工都會去踢波，每日就得我一個湊BB，BB夜晚訓左我就做家務，怕bb會醒，所以得我一個嘅時間都唔敢沖涼，佢屋企後，一係叫我煮面，一係直接沖涼訓教，每晚個廳得反我一個個陣，我都覺得好孤獨。唸住佢平日唔BB，放假應該會陪我地，結果佢朝早去踢波，下午反泥補眠，夜晚先可以同我地食餐飯，抱個囡就好似d外人禁抱幾下畀反我

0 0 0

私人傳訊

積分: 345

2^#

發表於 19-5-16 01:02 |只看該作者

KhloeNg 發表於 19-5-16 01:00
我同老公係奉子結婚嘅，雖然老公講到好愛我地禁，但係我真係感受唔到
佢做物流嘅，聲稱份工好忙無特定收工 ...

依家個囡都唔認得佢，唔要佢抱
真係好唔開心，每個星期娘家住先有家庭溫暖。依家個囡先5個月，我都唔知點行落去

私人傳訊

babyfung61

積分: 6058

2024年龍年勳章

3^#

發表於 19-5-16 01:28 |只看該作者

明白你嘅無奈。為咗bb, 點都堅持落去。又或者，可唔可以同佢傾吓？如果佢有返咁上下年紀，良心，正常都會有少少反應。少少改變都好。如果都係無用都唔怕，有你自己家人做後盾呀，凡事都有路行嘅。湊好bb捱到一歲就唔會太困身。一個月一個月好易過架咋！加油呀！

私人傳訊

積分: 345

4^#

發表於 19-5-16 01:54 |只看該作者

babyfung61 發表於 19-5-16 01:28
明白你嘅無奈。為咗bb, 點都堅持落去。又或者，可唔可以同佢傾吓？如果佢有返咁上下年紀，良心，正常都會有 ...

我又唔敢搵佢認真傾，因為佢每晚反到屋企都講到反工好辛苦禁，我好怕畀到壓力佢，搞到佢唔敢反屋企，有時都會忍唔住話佢成日踢波唔理屋企，佢就係留反係屋企。有時我真係會唸個囡係滿界佢嘅虛榮心，當初個囡都肯畀佢抱嘅時候，佢會約左朋友一齊出街食飯先會爭住抱。
我依家就諗做單親媽媽自己養個囡，係咪太偏激

私人傳訊

kissapplegirl

積分: 7232

5^#

發表於 19-5-16 02:38 |只看該作者

回覆樓主:

你老公忽略左你，但你唔講佢知，佢永遠唔知道嫁，男人好蠢嫁，要踢一腳郁一下，你唔講你死忍，負面情緒最終影響你地感情
我老公日日早上9點出門，夜晚10點先番屋企，佢工作體力勞動都幾大嫁，但我仍然會留番佢應有既工作比佢，因為我地無工人無長老，所以家務照顧bb既事我唔會一個人做晒，一定會分工，否則我會覺得呢個家只有我一人付出，咁我不如做番返工，將個b求其交比人湊，我最討厭自己一個人食飯自己一個人湊b既感覺，所以我老公一返屋企必須湊b，等埋佢10點番泥一齊食飯，佢要洗奶樽洗碗幫bb沖涼哄訓教
呢一切都係我地嘈交,傾談,慢慢磨合出泥,要放手比佢學湊bb

私人傳訊

積分: 345

6^#

發表於 19-5-16 03:42 |只看該作者

kissapplegirl 發表於 19-5-16 02:38
你老公忽略左你，但你唔講佢知，佢永遠唔知道嫁，男人好蠢嫁，要踢一腳郁一下，你唔講你死忍，負面情緒最終 ...

我老公好多時反到泥BB已經訓左教，試過叫佢氹bb訓教或做家務，佢都唔肯，有時佢將d鞋亂禁擺，成個門口都係佢嘅鞋，我早晚同佢講左一次已發我脾氣，食個生果都要剝好擺正面前食，叫佢分擔真係好難叫得郁，我開頭都會等我老公食飯，但佢每次同我講嘅差唔多收工都係呃我，由9點等到12點，有時煮好唒飯佢又唔食，同佢呻左幾句，佢就發脾氣話以後湊掂BB，唔洗煮飯畀佢。其實一開始打算生完請工人，佢後來又反口唔想屋企有外人，又話我反工就睇下佢邊個朋友得閒畀人湊，最終逼到我做ftm，到依家真係好似你所講，個家得我為個B付出，可以點開口講好

私人傳訊

圖圖

積分: 1555

7^#

發表於 19-5-16 09:10 |只看該作者

KhloeNg 發表於 19-5-16 01:54
我又唔敢搵佢認真傾，因為佢每晚反到屋企都講到反工好辛苦禁，我好怕畀到壓力佢，搞到佢唔敢反屋企，有時 ...

樓主你如果已開始諗係咪做單親媽媽，其實你都係要同你老公攤牌架啦，即係你點都會（要）「數」佢的罪狀出來....何不先同佢溝通吓，比最後「通牒」佢先？可能男人真係粗心，佢根本只係覺得你咩都攪得掂咪自己安排自己的活動而忽略左你們。
總之唔開心就找人或上黎傾訴下，唔好自己屈埋屈埋呀，加油(emoji)

私人傳訊

moksamuel

積分: 5317

8^#

發表於 19-5-16 10:00 |只看該作者

KhloeNg 發表於 19-5-16 03:42
我老公好多時反到泥BB已經訓左教，試過叫佢氹bb訓教或做家務，佢都唔肯，有時佢將d鞋亂禁擺，成個門口都係 ...

其實有部份男人係甘，以前未結婚之前你奶奶係咪乜都唔洗佢做

私人傳訊

kissapplegirl

積分: 7232

9^#

發表於 19-5-16 13:10 |只看該作者

KhloeNg 發表於 19-5-16 03:42
我老公好多時反到泥BB已經訓左教，試過叫佢氹bb訓教或做家務，佢都唔肯，有時佢將d鞋亂禁擺，成個門口都係 ...

站係佢角度，可能佢岩岩做左人爸爸幾個月，佢都未適應，原有既自由生活被剝奪，佢都有佢既壓力，但係我地女人眼中係唔成熟唔為家庭付出
你地點都要再認真傾下，比佢知道你既壓力你既唔開心，或者考慮搵本地ee湊，我問過價湊朝9晚5，幾千蚊一個月，咁你可以番工，放工自己湊番屋企煮飯
我聽你咁講，你老公而家都唔錫唔就你，咁仲需要同你一齊? 一定要鬧醒佢呀

私人傳訊

MinMinDes

積分: 1467

10^#

發表於 19-5-16 16:04 |只看該作者

kissapplegirl 發表於 19-5-16 13:10
站係佢角度，可能佢岩岩做左人爸爸幾個月，佢都未適應，原有既自由生活被剝奪，佢都有佢既壓力，但係我地 ...

好認同呢位媽媽既講法和建議。

樓主試下行出第一步，認真同老公對話，等佢知道你既感受。有需要可再上黎傾，有好多媽媽都係過來人，好有 heart 想幫你，最緊要唔好自己諗埋一邊。

私人傳訊

HappyMaMaBaby

積分: 6779

11^#

發表於 19-5-16 23:07 |只看該作者

係咪年紀好細，可能未想做爸爸

私人傳訊

積分: 345

12^#

發表於 19-5-17 00:42 |只看該作者

圖圖發表於 19-5-16 09:10
樓主你如果已開始諗係咪做單親媽媽，其實你都係要同你老公攤牌架啦，即係你點都會（要）「數」佢的罪狀出 ...

好，禁我搵佢認真傾下，希望大家能夠互相理解

私人傳訊

積分: 345

13^#

發表於 19-5-17 00:44 |只看該作者

moksamuel 發表於 19-5-16 10:00
其實有部份男人係甘，以前未結婚之前你奶奶係咪乜都唔洗佢做

可以禁講，所以依家我覺得好似幫人湊仔禁，有時見佢反工辛苦想幫佢做多少少嘢，但又好似變左佢呀媽，而唔係佢老婆

私人傳訊

積分: 345

14^#

發表於 19-5-17 00:50 |只看該作者

kissapplegirl 發表於 19-5-16 13:10
站係佢角度，可能佢岩岩做左人爸爸幾個月，佢都未適應，原有既自由生活被剝奪，佢都有佢既壓力，但係我地 ...

我都覺得佢好似未適應到，仲係好想要自由嘅生活，好似想比娛樂踢波，家庭反而排係後面。唉，加上依家BB太痴我，完全去唔到其他人屋企又唔比其他人抱，如果唔係會喊唔停，係無聲尖叫個種，好想訓練佢無禁痴我，出去做下part time

私人傳訊

積分: 345

15^#

發表於 19-5-17 00:53 |只看該作者

MinMinDes 發表於 19-5-16 16:04
好認同呢位媽媽既講法和建議。

樓主試下行出第一步，認真同老公對話，等佢知道你既感受。有需要可再上黎 ...

好，要認認真真傾，最怕係大家都覺得自己付出左好多，同埋以前我係大家庭生活，每日有人聲，依家由朝到晚得自己對住BB，無人傾到計個感覺好孤獨，同老公傾又唔理解我，因為佢係外面做嘢，反泥只係訓教

私人傳訊

積分: 345

16^#

發表於 19-5-17 00:56 |只看該作者

HappyMaMaBaby 發表於 19-5-16 23:07
係咪年紀好細，可能未想做爸爸

佢35歲啦，當初佢話一定要生個BB出泥，但我覺得佢依家嘅心態似係玩人地個BB，搞唔掂畀反媽媽嘅感覺

私人傳訊

Chinyauma

別墅

積分: 757

17^#

發表於 19-5-17 02:14 |只看該作者

回覆 KhloeNg 的帖子

睇完好鄧你心酸，為左bb同另一半好多時女人都會選擇死忍，但bb而家仲細，問題始終要解決，問下你老公究竟想點好等你知道條路應該點行。

私人傳訊

ar_ching05

積分: 2612

18^#

發表於 19-5-17 07:36 |只看該作者

KhloeNg 發表於 19-5-17 00:56
佢35歲啦，當初佢話一定要生個BB出泥，但我覺得佢依家嘅心態似係玩人地個BB，搞唔掂畀反媽媽嘅感覺
...

好多爸爸都係咁，咁大個人老好似大細路，佢會覺得自己做少少就已經係做左好多。我生左2個啦，我老公都係咁，唯有不斷教育佢，等佢知道爸爸有好多野要做。

私人傳訊

圖圖