想生BB

跳至

首頁

尾頁
   7


複式洋房

積分: 347


發表於 19-5-20 00:53 |顯示全部帖子
本帖最後由 ahchumum 於 19-9-12 01:07 編輯

超高齡40+,結婚多年,計劃生小朋友超過六年,用盡所有方法例如滴雞精,用紅d測排卵,睇中醫,食天喜丸 等等,最後一啲聲氣都無,真係好想知問題所在,所以去咗做生育測試,C6丁丁僅僅合格,而我....Amh只有0.14,醫生話能夠懷孕嘅機會非常微,即使做ivf醫生都未必會幫我做,所以我決定借卵,怕再拖的話連身體適合陀b嘅機會都無埋!

今次做呢個決定我希望得到屋企人嘅支持,所以決定同兩家人嘅家長商討, 首先我父母非常之贊同我嘅決定,其實我有向佢哋提議即使領養我都唔介意,但我媽咪話領養始終都唔及喺自己個肚出嚟,自己個肚生出來點都係血脈相連,然後再同老爺奶奶傾,佢哋都一樣非常贊成,我亦同佢哋講清楚丁丁係屬於C6嘅,所以一定係佢哋嘅子孫,C6家中人丁單薄,我知佢哋兩位老人家亦好希望抱孫,完全無介意我需要借卵呢個方案,非常之感恩四大長老思想都非常開通!
續.....


複式洋房

積分: 347


發表於 19-5-20 01:10 |顯示全部帖子
終於踏上借卵之路,由一開始我同C6都非常堅定,立刻找適合嘅生殖中心, 聯絡後問清楚中間嘅流程,便展開了這個旅程,療程唔算艱辛,同一般嘅ivf一樣,但就少了抽卵呢一part,過程中係可以要求及選擇捐贈者嘅條件,但係雙方嘅資料係絕對保密嘅,終於等到適合嘅捐贈者出現了,只要等待健康嘅卵子與C6嘅丁丁結合後,便可以植入了!
續......


複式洋房

積分: 347


發表於 19-5-20 01:36 |顯示全部帖子
受精結果唔錯,有AB Grade,AC Grade等等,準備可以植入了,就在 等待period過後植入期間,我忽然有啲忐忑,有一種不安嘅情緒覺得好似有一半嘅嘢我係唔知道咁,隨著植入嘅日子越來越近,呢種忐忑不安嘅感覺又好似慢慢淡下來,其實我由頭到尾都冇諗過會縮沙, 植入後我己經無再諗其他嘢便好像各位媽媽一樣等待派彩結果, 派彩日期終於來臨了,我同C6心情都一樣緊張,還記得自己去驗尿嘅一刻, 一放條驗孕棒落啲wee wee 度就見到兩行線,嗰一刻我真係好感動,想流出淚水,我叫C6自己睇,佢見到兩行線都非常高興,我哋終於有我哋自己嘅bb喇!
續.....


複式洋房

積分: 347


發表於 19-5-20 02:23 |顯示全部帖子
BB 8週大,我哋便要去check下BB究竟有無心跳,又係另一個緊張嘅時刻,我躺下來,醫生就用scanner喺我個肚度scan,我哋望住個screen, 忽然見到有啲嘢閃下閃下,好神奇呀原來就係BB嘅心跳,之後我就經歷咗非常厲害嘅孕吐,食乜嘔乜,但又經常肚餓,頻尿,以及孕婦各種不適,係呢段期間我已經完全無諗粒卵子係我借返嚟嘅,我完全覺得我係我肚裏面BB嘅媽媽,因為佢喺我肚裏面孕育出嚟嘅,吸收我嘅養份成長,非常之感覺到我哋係血脈相連,無人可以質疑BB唔係我個寶寶!我會同BB講嘢希望佢健健康康,某程度上因為呢一粒健康嘅卵子令我喺懷孕期間覺得好放心,而家已經24週了,B B已經識得係我肚裏面郁動,我同佢有互動嘅感覺又越嚟越深了,每次去做產檢時,見到佢嘅身體一日比一日長大,又覺得好amazing又覺得好欣慰! 幫我做產檢嘅醫生亦都好支持我做呢個決定,佢覺得我行咗一條正確嘅路,每次去做產檢嘅時候醫生都話BB好健康,'健康'呢兩個字係我最希望聽倒嘅!




複式洋房

積分: 347


發表於 19-5-20 02:49 |顯示全部帖子
本帖最後由 ahchumum 於 19-5-20 02:58 編輯

可能有啲人會覺得借返嚟嘅卵子根本無自己嘅基因,好似唔係自己嘅BB咁,其實唔係㗎,當BB喺你個肚裏面你就會感受到你自己一定係寶寶嘅媽媽, 我曾經聽有啲人講過,這樣做就好像C6同其他女人生BB咁,但我真係一啲都唔覺得,因為真係好清楚知道根本係兩回事!

我哋兩夫婦都好期待BB出世,我哋兩家人亦知道我哋作出呢個決定,而佢哋亦好期待呢個BB嘅來臨!

當然喇如果你唔係因為超高齡,卵子質素下降,甚至乎沒有卵子可用,都不必考慮這個方案,但係好似我咁AMH得0.14,即就快沒有卵子可用,就算有可能質素都好差,但唔駛咁快灰心住,其實還有另一個選擇,只是睇下你能唔能夠踏出第一步! 我C6係非常之感激我為佢做咗呢一件事,而我亦都好感恩自己有作出到呢個決定!


別墅

積分: 567

2019勳章


發表於 19-5-20 08:29 |顯示全部帖子
師姐,代朋友問...在香港做嗎?所有費用貴唔貴?


男爵府

積分: 5348

2019新春慶豚圓 2019勳章


發表於 19-5-20 10:00 |顯示全部帖子
回覆 Loonon 的帖子

香港無借卵


複式洋房

積分: 347


發表於 19-5-20 10:32 |顯示全部帖子
Loonon 發表於 19-5-20 08:29
師姐,代朋友問...在香港做嗎?所有費用貴唔貴?
唔係喺香港做嘅,我自己係喺台灣完成療程, 費用大約係十五萬幾港幣!


複式洋房

積分: 347


發表於 19-5-20 10:58 |顯示全部帖子
HOPEFORBB 發表於 19-5-20 10:00
回覆 Loonon 的帖子

香港無借卵
據我所知如果要喺香港借卵的話就要找身邊嘅朋友或親戚,當中不可涉及金錢交易!


大宅

積分: 2269

2019新春慶豚圓


發表於 19-5-20 13:23 |顯示全部帖子
㨂捐卵者時可以睇到乜資料架?


複式洋房

積分: 426


發表於 19-5-20 13:41 |顯示全部帖子
回覆 ahchumum 的帖子

請問你係台灣邊到借卵?


複式洋房

積分: 347


發表於 19-5-20 20:22 |顯示全部帖子
ayako 發表於 19-5-20 13:23
㨂捐卵者時可以睇到乜資料架?
你可以開出任條件,本身院方會同捐贈者作出全面身體檢查,如沒有任何遺傳病及傳染病,檢查有無毒理反應等等,你也可額外再加要求,例如可以要求捐贈者及其家族沒有情緒病,讀寫障礙症,沒有紋身等等,外型上亦可要求身高體重以及學歷程度,只要你諗到的也可要求,院方找到適合捐贈者後亦會比少少資料你描述一下樣貌,但重點當然係健康為大前提!


複式洋房

積分: 347


發表於 19-5-20 22:37 |顯示全部帖子
本帖最後由 ahchumum 於 19-9-12 06:22 編輯
Hilarysasa 發表於 19-5-20 13:41
回覆 ahchumum 的帖子

請問你係台灣邊到借卵?

係送X鳥,我覺得感覺良好,服務質素唔差,有港人資詢師,香港亦有office,不過佢係比其他的診所貴,我去台灣前亦有上網搜尋有無其他診所可借卵,我見王家X醫師網頁都有,你不防可以資詢下,我見王醫師係BK好有口碑,我覺得好似我呢d幾乎不育嘅女人真係要揀一間自己感覺舒服嘅診所,唔好比自己受氣或唔開心!


複式洋房

積分: 160


發表於 19-5-22 00:55 |顯示全部帖子
ahchumum 發表於 19-5-20 22:37
係送X鳥,啱啱我見倒有個post講話對送X鳥很失望,不過我自己覺得ok嘅,服務質素唔太差,不過佢係比其他的診 ...
首先恭喜你呀!
我本身都係高齡,喺香港做咗三次ivf都唔成功,都唔想再浪費時間。所以也打算借卵!

想問一問$15萬包曬所有嘢?咁比捐卵者實際係幾多錢?我見上網又話要去台灣律師嗰度搞公證。你成個過程大約用左幾耐?thanks


複式洋房

積分: 160


發表於 19-5-22 00:59 |顯示全部帖子
ahchumum 發表於 19-5-20 22:37
係送X鳥,啱啱我見倒有個post講話對送X鳥很失望,不過我自己覺得ok嘅,服務質素唔太差,不過佢係比其他的診 ...
想問多少少白痴嘅嘢,
到時出世紙爸爸媽媽係咪會寫返你同老公?
唔會顯示借卵人的身分?thanks


複式洋房

積分: 444

2019勳章


發表於 19-5-22 10:51 |顯示全部帖子
ahchumum 發表於 19-5-20 00:53
超高齡40+,結婚多年,計劃生小朋友超過六年,用盡所有方法例如滴雞精,用紅d測排卵,睇中醫,食天喜丸 等 ...

我跟你情況相同,我係王醫師,現在20week,不過就只有我和c6知道,其他人就只知是ivf。希望大家的bb都可以順利出生,加油(emoji)


複式洋房

積分: 160


發表於 19-5-22 11:02 |顯示全部帖子
蘇飛飛 發表於 19-5-22 10:51
我跟你情況相同,我係王醫師,現在20week,不過就只有我和c6知道,其他人就只知是ivf。希望大家的bb都可以 ...
唔好意思,想問問你在王醫師那邊做借卵,成個費用大概多少?可以好樓主開出條件嗎,例如,找一些沒有家族情緒病。成個借卵過程等左大約幾耐?介唔介意透露一下。謝謝。


複式洋房

積分: 444

2019勳章


發表於 19-5-22 11:13 |顯示全部帖子
hellomay123 發表於 19-5-22 11:02
唔好意思,想問問你在王醫師那邊做借卵,成個費用大概多少?可以好樓主開出條件嗎,例如,找一些沒有家族情 ...

我用他們卵子庫,不用等,立刻有20粒成熟的卵,選擇體重,身高,年齡,健康的,但是費用會多少少,因為現成,但是好處就不用等及保證有好多成熟卵,連pgs,era ,免疫等檢查,機票酒店,差不多20萬港幣,不過我一次ok,我覺得值得,因為之前香港已經ivf失敗多次


複式洋房

積分: 444

2019勳章


發表於 19-5-22 11:15 |顯示全部帖子
hellomay123 發表於 19-5-22 11:02
唔好意思,想問問你在王醫師那邊做借卵,成個費用大概多少?可以好樓主開出條件嗎,例如,找一些沒有家族情 ...

我12月初診及受精,1月放胎,之前10月在香港講座已經選了合適的卵子。共飛2次


複式洋房

積分: 160


發表於 19-5-22 11:36 |顯示全部帖子
蘇飛飛 發表於 19-5-22 11:15
我12月初診及受精,1月放胎,之前10月在香港講座已經選了合適的卵子。共飛2次
...

謝謝回覆(emoji)請問是找王家瑋E師嗎?

首頁

尾頁

跳至
你需要登錄後才可以回帖 登入 | 註冊