稱呼汪阿姐做太后 羅家英︰如果有下一世,我想早啲搵到你
有不少人借5 月20日向另一半表達愛意,前日羅家英在晚上發布一條短片,雖然是廣告片段,但家英哥剖白對汪阿姐的愛意,就感動得令人眼濕濕。
家英哥在片中提到二人當年在60多歲時結婚,是需要很大的勇氣,他更man爆向阿姐承諾︰「我絕對唔會俾人喺舞台上欺負你!」然而家英哥指一路而來也是阿姐為他忙前忙後。之後他又憶起患上重病那一年,阿姐主動向他說︰「等你病好之後,我哋就結婚啦!」令他非常感動,他續說︰「我知道喺大病當前,你想名正言順喺我身邊照顧我,當時我覺得你係需要一個跟我一齊面對生死嘅名份。呢個名份唔係朋友,只能夠係妻子。」
家英哥稱經歷過這麼多,才明白甚麼是摯愛。他說︰「我知道你明白我認定咗一個人,我就會一生一世去愛佢。我一生最大成說係執子之手,與子終老。」他說自己從未送過鑽戒給阿姐,之後從褲袋拎出鑽戒,並說︰「我好感激可以遇見你,呢30幾年好感激身邊有你,我同你相遇係晚咗啲,如果有下一世,我想早啲搵到你,陪住你,你願意嗎?」