夫婦情感

跳至

首頁

尾頁
   10


洋房

積分: 41


發表於 19-5-25 16:07 |顯示全部帖子
長文 求安慰...今年31歲 同老公同年 拍拖4年半 結婚年半 一共6年我地咁多年一直都好好 相處舒服 最多只有小磨察 第2日會和好個種。結婚後搬出來2個住 當然會多左家務同相處既磨察 但都係個個都有既小問題。直到近2個月 我發現老公越來越寡言 上個月有次我忍唔住問佢點解而家大家好似咁小野講咁 點知我老公話覺得同我相處唔到 大家價值觀越來越遠 我個下呆左 因為之前佢從來無好serious 同我講有咁多問題 佢話其實已經諗左2個月 決定分開 我好自責自己覺得結左婚就secure 無危機意識 我不斷求老公再試下 唔甘心無試過就分開 又唔係發生左咩大事解決唔到 我老公起初都唔願意試 只係我喊得太緊要就話ok 之後個星期我做好哂啲家事 但感覺只有我在努力 之後老公坦言覺得自己太早結婚 我唔係佢想要既另一半 亦直言對我淡左 但無第二個 對於今次我提出試多次 佢坦言無心再試。就係個晚我就見到有個女同事半夜whatsapp 我老公 女人第六感話我知唔會普通同事會半夜whatsapp, 呢個女同事係fresh grad 上年12月入職 過幾日 我知道佢地有睇concert, 我表明我介意同呢個女同事單獨出去,過多2日 我個日情緒好差 喊到工都返唔到 老公陪左我半日 下晝去返工 居然夜晚同個女同事睇戲。佢再三話心入面無第個 我想相信但無辦法說服自己... 之後比我朋友影到佢地有單獨食飯。佢家人好想同佢傾 但老公而家覺得全世界無人明白佢 唔肯同人傾。有次我睇到佢地whatsapp 對話極多 基本上行步路都同對方分享 雖然無我愛你既字眼 但個feel 就好似當年我同老公曖昧時咁...



問心 我唔甘心就咁就完 同老公好夾 亦搞左場大龍鳳結婚
真的有機會唔關第二個女仔事嗎?我老公有機會回頭嗎?呢段時間我應該默默等待定有咩可以做?


男爵府

積分: 7611

2019新春慶豚圓


發表於 19-5-25 16:16 |顯示全部帖子
睇完~一個感覺就係你先生已經變了心~雖然佢口裡說不~但佢嘅一舉一動已經表現晒出來我見你寫出post是求安慰~我只可以安慰你要好好愛惜自己~你仲年輕~我知道突然發生呢啲事係好難受~但傷心過後就要面對現實~男人出到聲話要分開其實真係好決絕了~變心了的人留低都冇意思~倒不如瀟灑地離開啦


男爵府

積分: 6568

2019新春慶豚圓


發表於 19-5-25 16:37 |顯示全部帖子
fancyshop 發表於 19-5-25 16:07
長文 求安慰...今年31歲 同老公同年 拍拖4年半 結婚年半 一共6年我地咁多年一直都好好 相處舒服 最多只有小 ...

其實睇到你話老公後悔早婚的時候,我已覺得你老公已變心。我不嬲唔贊成郁d就離婚,但你的情況我會。一來你哋無小朋友,二來襯大家年輕,放生大家。三來你自己都講了唔甘心甘就完,即唔係仲有愛啦,你老公對你又係無愛,倒不如大家快d出去搵真愛仲好。


瑪瑙宮

積分: 135109

2019新春慶豚圓 2019勳章 2018父親節勳章 2018母親節勳章 2018復活節勳章 畀面勳章 環保接龍勳章 BK Milk勳章


發表於 19-5-25 16:38 |顯示全部帖子
fancyshop 發表於 19-5-25 16:07
長文 求安慰...今年31歲 同老公同年 拍拖4年半 結婚年半 一共6年我地咁多年一直都好好 相處舒服 最多只有小 ...

冇得等
佢已經開到口話心淡,好難再有返轉頭嘅機會。就算女同事而家同佢冇嘢,佢都應該鍾意被關心
我會選擇離開
你哋應該冇小朋友?

月光很美麗☺


洋房

積分: 41


發表於 19-5-25 16:45 |顯示全部帖子
回覆 crystal媽咪 的帖子

無小朋友...


洋房

積分: 41


發表於 19-5-25 16:47 |顯示全部帖子
回覆 jwy2 的帖子

我仲好愛老公... 有無可能一時迷失 等到佢番轉頭...半年前一週年仲比surprise 我去旅行 仲好愛好愛 估唔到唔洗半年就搞成咁


男爵府

積分: 6568

2019新春慶豚圓


發表於 19-5-25 16:49 |顯示全部帖子
fancyshop 發表於 19-5-25 16:47
回覆 jwy2 的帖子

我仲好愛老公... 有無可能一時迷失 等到佢番轉頭...半年前一週年仲比surprise 我去旅行 ...

極同意4樓的意見,我想法同佢一樣。


男爵府

積分: 9511

2019新春慶豚圓


發表於 19-5-25 16:52 |顯示全部帖子

回覆樓主:

本帖最後由 chillimom 於 19-5-25 16:53 編輯

佢未必同個女同事有嘢,但係就肯定覺得你係個棵樹令到佢冇咗個森林佢而家後悔。始終男人30歲未夠就結婚,自己成熟左見到更多可能性後,好多人都會後悔。


男爵府

積分: 6568

2019新春慶豚圓


發表於 19-5-25 16:54 |顯示全部帖子
fancyshop 發表於 19-5-25 16:47
回覆 jwy2 的帖子

我仲好愛老公... 有無可能一時迷失 等到佢番轉頭...半年前一週年仲比surprise 我去旅行 ...

有小朋友,我會希望佢一時迷失,等佢回頭,但而家你哋無小朋友之餘,一齊的時間咁短,佢已後悔,比我唔會再做任何嘢去挽留。
或者試下分居,但保持聯絡,係呢段時間,大家都可以試下少見咗,大家會唔會掛住大家,唔排除係呢個時間,你搵到另一Mr Right


水晶宮

積分: 57270

2019新春慶豚圓 2019勳章 2018復活節勳章 開心吸收勳章


發表於 19-5-25 17:00 |顯示全部帖子
fancyshop 發表於 19-5-25 16:07
長文 求安慰...今年31歲 同老公同年 拍拖4年半 結婚年半 一共6年我地咁多年一直都好好 相處舒服 最多只有小 ...
睇完曬,最後都係離婚


子爵府

積分: 14080

2019新春慶豚圓 2019勳章


發表於 19-5-25 17:00 |顯示全部帖子
無常, 唔係妳的錯,妳好好, 係誘惑太多, 花花世界, 好想自由去探索, 他後悔被縛束, 唔想有第三者, 才離婚, 想明正言順追另一個


男爵府

積分: 7581

2019新春慶豚圓 2019勳章


發表於 19-5-25 17:02 |顯示全部帖子

回覆樓主:

其實30歲結婚吾算細啦,你老公似乎認真想離婚,怕你等既机會都冇,唯有接受現實,好好對自己,令自己開心


子爵府

積分: 14080

2019新春慶豚圓 2019勳章


發表於 19-5-25 17:16 |顯示全部帖子

人會變, 只差在變成店, 有人未結婚鐘意煮飯, 同想生bb, 但婚後唔鐘意了, 大有人在, 唔同步, 就是問題, 唉! 世事萬變, 真是好無奈, 但現實要變, 根本係無先兆, 唔抵唔甘心, 作為女性, 好明白的, 等時間接受, 唔容易, 不過, 如果現實如此, 妳就為下一站努力吧! 或許未來, 有更好更珍惜你的人, 等緊妳的, 加油, 站起來


子爵府

積分: 11329

2019新春慶豚圓 2019勳章


發表於 19-5-25 17:22 |顯示全部帖子
好明顯心已變,咩都聽唔入耳。如果你唔想放棄,或者set 定個時間比自己去等,但你會好辛苦,以及佢未必返轉頭。加油


侯爵府

積分: 22078

2019新春慶豚圓 畀面勳章


發表於 19-5-25 17:25 |顯示全部帖子
你老公一定已經變心,佢之前話比機會大家亦都係因為你喊得太勁而敷衍你同比時間你接受,我覺得已經冇得等,佢亦表明你唔係佢想要既人,趁現在自己還年輕又冇小朋友大家分開吧,好過糾纏一輪既浪費自己時間又攪到對方越來越憎恨自己而分開。你咁後生,人生仲有幾十年,不要浪費時間去一個不愛自己的人身上。


翡翠宮

積分: 78213

2019新春慶豚圓


發表於 19-5-25 17:31 |顯示全部帖子

回覆樓主:

佢未必鍾意左女同事
不過一定對你無左感覺
有D野無左就無左
你無得揀
我係你快手閃,等自己快D從新黎過


洋房

積分: 41


發表於 19-5-25 18:06 |顯示全部帖子
回覆 mini1204 的帖子

喊足一個月 撐得好辛苦 可以咁突然變心 我之後都好難相信愛情


大宅

積分: 1532


發表於 19-5-25 18:13 |顯示全部帖子
好想你得到安慰!
就咁睇,你老公肯定個心已經一步一步離開緊,佢咁直接同你講而唔隱瞞,其實佢對你已經夠殘忍了!老實說,如果你選擇留底同忍耐,你有無信心可以好好控制自己情緒同猜疑? 而且佢既然已經不再咁愛你/變心了!等同你唔喜歡甚至憎一個人,佢做乜都係錯,咁既然佢已不再愛你,無論你做乜去討好佢,其實佢都好大機會睇唔到感受唔到!加油呀!路是自己選擇的 ! 6年時間,你仲有條件犧牲過去6 年,搵自己幸福!


洋房

積分: 58


發表於 19-5-25 18:44 |顯示全部帖子

回覆樓主:

樓主,你無小朋友,認真諗係咪真係唔會有下次。
我而加同你情況一樣,老公話無第二個,但我check到有,佢都知道我知,佢每日返工都會見到個女人,佢已經好耐無再理我無關心我,甚至明知我知有個女人,仲可以一齊出街,我都等緊佢回頭,因我有2個仔,2個好細個,
但佢一次又一次地搵個女人,我個心已經好痛,好想放棄,但我仲想小朋友有個家
所以希望你想清楚,你無小朋友,唔需顧慮咁多嘢。係,你好愛佢,我都好愛我老公,但肯定佢唔會再有下次,我自己都唔緊我自己。


別墅

積分: 599


發表於 19-5-25 18:51 |顯示全部帖子

回覆樓主:

6年唔係短,但絕對不是長!
男人可以係任何年紀,都可以找過年輕的fresh graduate一起。
你仍年青,傷心痛苦後,還有時間!
不要回憶過去的他,無意義的!

首頁

尾頁

跳至
熱門主題
del ... 2 3
del ... 2 3 4 5 6
你需要登錄後才可以回帖 登入 | 註冊