夫婦情感

跳至

首頁
23456...7

尾頁
   2


複式洋房

積分: 113


發表於 19-5-29 00:18 |顯示全部帖子
meiky 發表於 19-5-28 15:44
你好似我,你老公好似我老公,你可以去看的最新的帖子

睇左你嘅po係真幾相似。不過我老公發脾氣只對我對個女,其他人或者物件就唔會。只要唔叫佢做任何野,等佢記得有我地,又願意陪我地佢就無脾氣。 呢幾年我自己有個總結,就係佢自己以為ready組織家庭,其實未。尤其個女出世後,佢覺得我同女綁住佢(呢個係我自己諗法,總結) 佢更喜歡一個獨處,有時話會一起出去玩,但我覺得佢都好似逼自己咁。


別墅

積分: 702

2019新春慶豚圓


發表於 19-5-29 00:58 |顯示全部帖子
YYYYau 發表於 19-5-27 22:22
背景:結婚第六年
有個小朋友3歲讀緊NP
無62 99

https://www.harmonyhousehk.org/
揾和諧之家傾下幫幫手吧!


男爵府

積分: 5657

2019新春慶豚圓


發表於 19-5-29 04:49 |顯示全部帖子
本帖最後由 cedarcone 於 19-5-29 04:58 編輯

【不喜勿插/觀點與角度】
每個人都不會十全十美的(包括樓主和先生)
每個人都有優點和缺點的(包括樓主和先生)
每個post都是來自發帖(單方面),
第三旁觀者只能夠聽一方表白。
不希望單靠一方就有公正評論結果 !
從文字故事沒分誰對誰錯,
因為要在生活上接觸或體驗才清楚,
加上每人角度感受不一樣。
舉例,樓主不喜歡他點點點,其他人對他點點點又可接受的。惟一評論是雙方須要檢討 ! 旁觀者只可以給輔導心聲,最終結果由樓主決定。
【若果樓主認定離婚可解決問題,那就考慮吧】



大宅

積分: 4337

2019勳章 好媽媽勳章


發表於 19-5-29 17:40 |顯示全部帖子
本帖最後由 babyhi 於 19-5-29 17:54 編輯

樓主,你話唔鍾意煮飯你老公話去煮,拍拖、新婚時可能會,時間耐左、環境有變化、各方面未必如意時一切就會變,但你好似停留在某處。你老公一個人搵錢三個人用,返黎又要煮飯又要照顧小朋友,我相信佢都好累有一定壓力。
今日你已成人母,除非你請工人幫你做哂全部野,唔係你鍾唔鍾意既問題,係你應該學下煮飯,第時晏晝果餐小朋友都要食,唔通要你老公煮定還是長期食外賣?資訊咁發達,你有心學煮飯一定唔難,唔明上網問吧。
你祈望佢會點樣對你時,我相信佢都有祈望你做一d野。你問返工辛苦定湊b辛苦,同你問你跌落水同佢阿媽跌落水時救邊個先一樣,都係廢話。因為大家都只會覺得自己付出最多,尼d問題一定嘈交,明知嘈交既問題都要講,尼d叫犯賤。永遠唔會有答案架,你地都唔係幽默既人何來可以討論呢?
家係自己既,老公/老婆自己揀既,仔女係你地帶佢黎尼個世界,唯一仔女最冇得揀,唔好分邊個為個家付出多少,除非個家你地冇份,有就好好保護佢。
大人事大人自己處理,成熟d啦,心情唔好、情緒唔好就發洩俾一個仲要靠你俾佢飲奶、仲要你幫佢換尿片既小朋友身上,你就上網傾姐,小朋友點?同邊個傾?
去到所謂最差時大不了分開,唔使下下諗要去死解決件事,你媽咪養到你咁大,今日睇住你結婚,睇住你有自己個家,到頭來遇到問題時你走去死,死真係幫你解決哂問題嗎?夠膽死就不如去面對啦,冇野解決唔到架,過程係辛苦,尼到好多jm都面對種種唔同問題,唔開心咪上黎傾,未必個個人講既野啱你心水,消化完自己再諗點行囉,行過左回頭再望時你就會明白真係一件好普通既事。
病人每日啱辛苦去注射藥物都係為左生存,人係求生 唔係求死。


複式洋房

積分: 113


發表於 19-5-29 21:01 |顯示全部帖子
babyhi 發表於 19-5-29 17:40
樓主,你話唔鍾意煮飯你老公話去煮,拍拖、新婚時可能會,時間耐左、環境有變化、各方面未必如意時一切就會 ...

好多謝你嘅分析同意見。可能我文筆差你未太了解,我話想死係岩岩生完果陣,果陣情緒唔算好,但我都有講見到我女嘅多變表情,每日唔同我就無再諗死,我都唔捨得我父母。家家真係有本難念的經,唔米客觀觀點就可以解決。而且我們只是討論,佢本身自己都願意討論果個問題。我亦無停留果刻,我文章都有話我有改變,而且我都有多謝佢負責煮飯,而且佢自己願意。我咁長篇都係主要講佢嘅脾氣同相處。 唔通佢返工就負責返工? 對於老婆女可以唔需要付出感情?組織家庭就為左俾家用? 咁何必結婚?我婚前都可以自己養自己都好好架。我選擇左小朋友,我自己都放棄做野架。


別墅

積分: 573


發表於 19-5-29 21:02 |顯示全部帖子
明白樓主好辛苦,明白樓主老公時常發皮氣。但恕我直言,我真係好怕啲又話要離婚解決問題但又話生活唔到,無經濟又盛,又話為個女唔離婚⋯⋯其實比個咁既家庭個女睇到,咁樣成長叫好咩?如果你老公日日拯你,唔通一句無經濟就唔走?為左生活做奴隸都唔出聲?你老公而加咪逼緊你獨立逼緊你成長囉,你要走!再難都一定會走到!唔好比借口自己dup幾年,女女同你都唔會有健康既心智。


複式洋房

積分: 113


發表於 19-5-29 21:07 |顯示全部帖子
babyhi 發表於 19-5-29 17:40
樓主,你話唔鍾意煮飯你老公話去煮,拍拖、新婚時可能會,時間耐左、環境有變化、各方面未必如意時一切就會 ...

講呢啲唔米覺得自己偉大,竟然我選擇組織家庭都要適應唔同嘅野,身份等。我知佢返工辛苦,唔同辛苦就可以發洩情緒落屋企人度,無論咩事都覺得自己岩嘅,鐘意就氹下唔鐘意就發下脾氣,連問下佢關心下佢都係有可能係錯嘅。飄忽嘅脾氣,每日忍佢脾氣,因為佢導致情緒有問題都係我錯? 有啲人有抑鬱都係錯?


複式洋房

積分: 113


發表於 19-5-29 21:12 |顯示全部帖子
Chujaimama 發表於 19-5-29 21:02
明白樓主好辛苦,明白樓主老公時常發皮氣。但恕我直言,我真係好怕啲又話要離婚解決問題但又話生活唔到,無 ...

你講嘅野我都諗過晒,唔健康嘅家庭環境對小朋友都唔好。好多次我女都話同佢爸爸講,唔好甘大聲同媽咪講野。 我係想離婚,但事情係無勇氣,因為我唔知點做,點可以俾到好嘅我嘅女,真係諗好多好多。好多謝你嘅回復。我都係第一出po寫呢啲野,可能都係為左呻下,又可能想揾多啲鼓勵同安慰或者意見 我真係多謝你地多謝大家


複式洋房

積分: 113


發表於 19-5-29 21:17 |顯示全部帖子
YYYYau 發表於 19-5-27 22:33
有左我女開始溫柔返 果啲臭脾氣都好似收晒 好照顧我 因為開始坨得唔好 所以都無返工 佢收工返黎會煮 ...

我要起度多謝大家唔同嘅意見同分析。 第一次咁出po寫野。雖然話想離婚,唔想繼續。但我真係唔知點做。我知唔好嘅家庭環境都會影響個女,我知我情緒可能都有問題,都想踏出改變嘅第一步,都想對家庭負責。但我真係唔知點做。我離,我真係諗唔到後果。唔離,我可能真係會癲,可能影響個女,可能有好多唔好嘅野。我都想努力經營下,都想另一半唔好再咁,宜家係連溝通都無,溝通唔到,佢唔想聽,肯聽果陣就會講,我聽左喇,你想點? 我講野後又係果句盡量或者你有你講我有我做。


子爵府

積分: 10519

2019新春慶豚圓


發表於 19-5-29 21:38 |顯示全部帖子
YYYYau 發表於 19-5-29 00:09
多謝你的分享同建議,我唔知佢脾氣係米同情緒病有關。但我好肯定,佢放假我唔叫佢一家三口出去玩,唔叫佢 ...

我認識有位太太曾以為老公有燥鬱症,都係見完心理輔導,有經驗嘅輔導員發現男方有自閉傾向。
我拍拖時一樣覺老公脾氣好好。佢係唔多鍾意出街同唔去得遠,唔鍾意見我屋企人。佢講嘢有啲語障,聲調係無抑揚頓挫、做任何事都無限拖延、好死板、啲嘢亂到七彩成日話搵唔到......

糖我話擺咗雪櫃度,個雪櫃一眼望晒都可以話無。個女一歲時發燒,我要煮早餐,朝早叫佢幫手睇陣(我由昨晚已經預約好,佢應承咗)佢可以發脾氣鬧我點解唔可以比佢瞓多陣。打完十號風又當無事發生,推搪清理,淨係話自己好攰要休息。每次整爛我啲嘢,佢都即否認,仲賴返我轉頭,總之千錯萬錯都係人地錯。


子爵府

積分: 14450

2019勳章


發表於 19-5-29 21:39 |顯示全部帖子
YYYYau 發表於 19-5-28 18:48
永遠唔會覺得自己有問題,我話可唔可以俾返啲責任個家庭,佢又咁話返我又或者我無責任咩,反正講咩都好傾 ...

其實你講嘢有少少難聽,你竟然同先生講『俾返啲責任個家庭』,咁佢工作都已經『俾了啲責任個家庭』。你呢句說話其實完全抹煞佢對家庭的付出,咁樣佢會好氣餒,又或者會令佢對你反唇相譏。
又例如你要大家調轉崗位,叫佢湊bb一日,佢唔餵早奶又有咩問題?
既然你叫得佢全權湊,點解你又指指點點?你做佢份工,然後佢話你呢樣做得唔好,那樣又做得唔好,咁你會唔會開心?

你話佢覺得自己啱晒,其實你自己又何嘗唔係放大自己的功勞,然後縮小先生的付出?


子爵府

積分: 10519

2019新春慶豚圓


發表於 19-5-29 21:45 |顯示全部帖子
YYYYau 發表於 19-5-29 00:09
多謝你的分享同建議,我唔知佢脾氣係米同情緒病有關。但我好肯定,佢放假我唔叫佢一家三口出去玩,唔叫佢 ...

以前我同你一樣,對老公情緒、行為、 反應好不解,佢經常令我傷心,講好多傷害我嘅說話、所有問題都話我錯、唔願意溝通、唔關心我同個女、冷待我..覺得佢唔愛我...
你唔能夠期望佢「主動」去關心身邊人,因為佢長時間活係自己世界,只關心自己有興趣嘅事,佢習慣封閉自己。當你了解佢、接納佢,佢會更樂意去同你溝通同識得關心你。佢要獨處時,你比空間佢獨處,佢情緒不穩時,你同小朋友入房,唔好硬碰硬。嘗試去了解自閉特質,對你明白老公有好大幫助,你會有所得着。
你先去處理自己情緒,要學識放下同善待自己。老公你暫時當佢透明,唔好決定去留,當間屋得自己同小朋友。


子爵府

積分: 10519

2019新春慶豚圓


發表於 19-5-29 21:52 |顯示全部帖子
YYYYau 發表於 19-5-29 00:09
多謝你的分享同建議,我唔知佢脾氣係米同情緒病有關。但我好肯定,佢放假我唔叫佢一家三口出去玩,唔叫佢 ...

本帖最後由 艾森 於 19-5-29 22:00 編輯

總有人對全職媽媽有偏見,無需在意,每個家庭有唔同安排。長期冷暴力之下令你情緒受困擾係人之常情,唔需要覺得自己情緒崩潰係錯。

以前我都同你一樣好沮喪、好不知所措,但依加嘅我生活得幾愉快,我可以渡過難關,你都一定可以。

你依加最重要係處理好自己情緒,你要有健康身心先有能力照顧到小朋友。搵網友傾訴之餘,真心希望你去接受心理輔導,唔好睇少日積月累嘅負面情緒。最應該對自己好嘅人係自己,推介你睇一本書 — 《善待自己的十個人生領悟》,由好多個短篇故事組成,講出善待自己嘅方法。
https://ebook.hyread.com.tw/bookDetail.jsp?id=54626


複式洋房

積分: 113


發表於 19-5-29 22:30 |顯示全部帖子
RAY媽 發表於 19-5-29 21:39
其實你講嘢有少少難聽,你竟然同先生講『俾返啲責任個家庭』,咁佢工作都已經『俾了啲責任個家庭』。你呢 ...

多謝,呢句係講的唔適當。多謝你指出。我知佢返工都係辛苦嘅。其實係想佢多啲關心家人。果句就近排講過一次,就呢次。因為太激氣爆發出黎。 以前jm分析過嘅例子我老公基本無。佢有朋友 有交際 願意同人相處,唔熟嘅人健談,第一次見我嘅親戚佢都相處得好好,交代下佢背景:佢父母早走,有三兄弟同屋住,但感情猶如陌生人。我老公份人講野有啲刻薄佢不自知。我有個表弟我大佢12年,自細睇佢大,感情好好,亦好多玩笑,可以話當仔咁,又係好朋友。但因為成績差,佢竟然會對我阿姨講你仔無得救放棄喇。我表妹,感情好好,會互踩,不是真的侮辱,佢就對我表妹講野刻薄,真係踩。


複式洋房

積分: 113


發表於 19-5-29 22:35 |顯示全部帖子
艾森 發表於 19-5-29 21:45
以前我同你一樣,對老公情緒、行為、 反應好不解,佢經常令我傷心,講好多傷害我嘅說話、所有問題都話我錯 ...

起我親戚面前踩我,佢以為講笑,但我親戚完全唔覺。講野唔分場合。起我媽面前發我脾氣。一起話落街買野,可以因為我唔小心踩親佢大發脾氣,佢覺得我特登嘅。 有時都係唔小心踩到佢,佢都會同我開玩笑,當我小朋友咁錫,有時真係好有愛,但多數會因小事發脾氣。以前會有時發脾氣,宜家係有時好有愛,有愛只維持一陣。


複式洋房

積分: 113


發表於 19-5-29 22:37 |顯示全部帖子
艾森 發表於 19-5-29 21:45
以前我同你一樣,對老公情緒、行為、 反應好不解,佢經常令我傷心,講好多傷害我嘅說話、所有問題都話我錯 ...

多謝你嘅開導。多謝你嘅建議。可能我都逼佢太緊吧。 其實係好想兩個人好好經營,大家努力?如果得一方真係好辛苦。


子爵府

積分: 10048

2019新春慶豚圓 2019勳章


發表於 19-5-30 02:34 |顯示全部帖子
YYYYau 發表於 19-5-29 21:01
好多謝你嘅分析同意見。可能我文筆差你未太了解,我話想死係岩岩生完果陣,果陣情緒唔算好,但我都有講見 ...

婚前你做野只係養自己
如果你做野係養一家人,供樓養囡養老公,放工仲要湊囡煮飯你就明

返工唔係就咁坐8個鐘就完⋯⋯ 有時真係要減減壓,衰d講句,返工係預左受氣,放工仲要嘈真係好煩


複式洋房

積分: 113


發表於 19-5-30 07:27 |顯示全部帖子
littlefunpig 發表於 19-5-30 02:34
婚前你做野只係養自己
如果你做野係養一家人,供樓養囡養老公,放工仲要湊囡煮飯你就明

多謝你留言。 請問一頭家唔需要愛? 我知佢工作辛苦,難道佢工作辛苦可以亂對家人發脾氣? 佢願意煮飯係我嘅錯?做老婆一定要好似古代妹仔? 我放棄工作放棄自由湊住個女係應該係預左。咁佢咧? 你清楚我地過程? 我咁長篇你睇完只見到我唔體諒佢?係米ftm宜家係咁低賤?可能有部分ftm做嘅野可能比我更多,佢地嘅老公可能更差,難道可以咁對比? 有啲人小朋友可能比較自私家長會接受,但好多家長都會教share,每個人標準唔同。


子爵府

積分: 10048

2019新春慶豚圓 2019勳章


發表於 19-5-30 08:54 |顯示全部帖子
YYYYau 發表於 19-5-30 07:27
多謝你留言。 請問一頭家唔需要愛? 我知佢工作辛苦,難道佢工作辛苦可以亂對家人發脾氣? 佢願意煮飯係 ...

而家你老公承受唔到壓力,搵家人亂發洩。
不如你同佢掉轉角色,你出去做野養家,佢屋企湊仔,睇下可唔可以改善。


大宅

積分: 2196

2019新春慶豚圓 2019勳章


發表於 19-5-30 09:20 |顯示全部帖子
原來身邊總有人跟自己有相似的遭遇。我有返工,放工要打多份工,就係做埋工人。執屋、打掃等。講真,好攰。每日都不可以瞓足八小時。有時瞓五、六小時又要上班。但個C6 又係經常發脾氣。有時我唔想理佢,瞓個覺,但佢就會係半夜叫我,話我唔應佢,咁又吵一輪!有時候,我喊完,第二朝返工眼都腫埋,同佢嘈完,可能瞓得四個鐘,又要返工!呢啲係咪精神虐待呢?佢自己發不到脾氣,就係度“唧唧”地,我現在一聽呢啲聲,就膽顫心驚,不知下一秒又要發咩大脾氣!我連瞓覺都受到威脅!點解唔可以俾大家冷靜下,一定要嘈,或一定要我氹佢先?


首頁
23456...7

尾頁

跳至
熱門主題
感觸 ... 2 3 4
你需要登錄後才可以回帖 登入 | 註冊