懷孕前後

跳至

首頁
1

尾頁
   2


大宅

積分: 2171


發表於 19-5-29 01:13 |顯示全部帖子
自有左之後,基本上每個月都會同老公鬧一場大交,感覺佢無體諒我有左而讓步,反而佢脾氣大得令我心寒。鬧起交上黎掉嘢講難聽說話,然後我會喊到抖唔到氣,每次鬧完個肚都會實晒,我而家覺得自己好似有產前抑鬱咁,然後又開始擔心影響到bb,又怕佢第時會因為我陀住佢時情緒差而令佢有過度活躍症嗰啲,我覺得自己就黎痴線,俾老公影響得太緊要,其實我好心灰,點解佢會咁唔體諒我...一諗就心痛。
有無jm懷孕期間都情緒好差,成日喊成日激動,但個b出世後係開心b同性格好架,我想要啲正能量。


男爵府

積分: 7303

2021勳章


發表於 19-5-29 03:04 |顯示全部帖子
一嚿大番薯 發表於 19-5-29 01:13
自有左之後,基本上每個月都會同老公鬧一場大交,感覺佢無體諒我有左而讓步,反而佢脾氣大得令我心寒。鬧起 ...

我未有bb之前有抑鬱,所要有左頭幾個月,我好辛苦
成日喊,過左12週,痴實,就驚bb有兔唇,到左結構,見到佢個厚咀唇,一天都光曬
用最原始既方法,e起棚牙,呃左個大腦
會好好多
加油丫
過左1半啦,好快就生啦,我而家都26w


大宅

積分: 4472


發表於 19-5-29 07:02 |顯示全部帖子
回覆 一嚿大番薯 的帖子

我記得第一胎,我同C6都係成日嗌交,當時唔知係咪年紀尚輕,佢仲未ready要做人爸爸,完全冇諗過我感受,成日去玩,我就晚晚都喊,曾經諗過落咗個BB,同C6分開,但係又唔捨得個BB。之後冷戰一段時間...大約個零兩個月,我返咗娘家,做多d自己鍾意既事,約多d朋友出嚟玩同傾計,如果可以,可以去下短途旅行,一來平靜時思索將來,大肚婆係易情緒波動,我反而會大喊嚟減壓,等自己喊到喊唔到就訓教,二來放鬆時分散情緒,唔好成日諗埋d唔開心既野。當然最後都要解決問題,同C6傾下大家內心感受,如果feel到大家開始情緒激動就停止對話,嚴重時都係搵返專業人士幫手啦。後來我同C6關係都有好大改善,自從大囝出世後就更加成熟,而家少咗嗌交,咩事都有商有量,互相尊重同體諒,第二胎都準備出世啦...我大囝雖然好活躍,有時都好曳,但係係我地屋企既開心果,感恩上天俾咗2個囝囝我地。
jm,挑戰先係岩岩開始,你同老公將來仲有好多挑戰等住你地一齊面對,加油


大宅

積分: 2171


發表於 19-5-29 10:46 |顯示全部帖子
ymyyy 發表於 19-5-29 07:02
回覆 一嚿大番薯 的帖子

我記得第一胎,我同C6都係成日嗌交,當時唔知係咪年紀尚輕,佢仲未ready要做人爸 ...

多謝你咁耐心地安慰我呀。有時覺得喺呢個平台講完先會舒服到。至少有人明白自己。我都對自己講,由今日開始,我唔再因為佢而唔開心,我只會因為bb而努力,希望佢出世後會係一個開心bb


大宅

積分: 2171


發表於 19-5-29 10:49 |顯示全部帖子
PhoebeChan333 發表於 19-5-29 03:04
我未有bb之前有抑鬱,所要有左頭幾個月,我好辛苦
成日喊,過左12週,痴實,就驚bb有兔唇,到左結構,見到 ...

多謝你呀,我b個咀又係望落好厚咁架,總算過左關。係怕之後搞到佢係成日喊或者性格會容易唔開心。仲有三個多月,真心希望以後嘅日子自己都可以開開心心咁過,你都加油,多謝你鼓勵我。


大宅

積分: 4085


發表於 19-5-29 11:08 |顯示全部帖子

回覆樓主:

本帖最後由 臭Patpat小B 於 19-5-29 11:09 編輯

其實已經六個月應該就唔似荷爾蒙影響你嘅情緒啦,我覺得你哋要好好咁傾下,第時BB出世可能仲多交嗌


大宅

積分: 4472


發表於 19-5-29 11:45 |顯示全部帖子
回覆 一嚿大番薯 的帖子

傻豬,「家庭」並唔係得你同個BB,C6都係呢個「家庭」既一份子,係一輩子既事,如果唔涉及第三者,我覺得仲有得傾,鼓勵你同C6坦誠相對。


大宅

積分: 1935


發表於 19-5-29 11:48 |顯示全部帖子
保持心境開朗,愉快心情好重要,試下同媽媽或好朋友傾下,心平氣和同老公傾下。


男爵府

積分: 7303

2021勳章


發表於 19-5-29 15:30 |顯示全部帖子
一嚿大番薯 發表於 19-5-29 10:49
多謝你呀,我b個咀又係望落好厚咁架,總算過左關。係怕之後搞到佢係成日喊或者性格會容易唔開心。仲有三個 ...

Btw 想喊就喊,喊大聲,舒緩左自己個人
唔好谷住,谷住仲加唔好
喊完洗個面,沖個涼會好d

首頁
1

尾頁

跳至