嬰兒食譜

跳至

首頁
1

尾頁
   0


複式洋房

積分: 447


發表於 19-5-30 18:17 |顯示全部帖子
15個月,男仔,9.8kg
三奶兩固
8am 5安奶
11am 一碗有菜有肉嘅爛飯/粥
2pm 5安奶
5:30pm 一碗有菜有肉嘅爛飯/粥
9pm 5安奶
中間有機會佢又胃口好就比生果同包 但係都係食好少
基本上每餐都要餵一個鐘左右要比九萬幾樣玩具又唱又跳先肯食,唔餵唔食唔肯自己食比佢自己食就會變左玩,本身想早餐轉固體但係蒸蛋,粟米片,蛋糕,麵包,饅頭(算係最鐘意但係都最多食四份一個),pancake 都只係食好少 代唔到一餐奶
有時佢太眼瞓根本連飯都餵唔到 搞到佢個時間都改唔到去跟我地大人
點算好?


男爵府

積分: 6622

2019新春慶豚圓 2019勳章 開心吸收勳章


發表於 19-5-30 22:12 |顯示全部帖子
keekee0424 發表於 19-5-30 18:17
15個月,男仔,9.8kg
三奶兩固
8am 5安奶

本帖最後由 janede1314 於 19-5-30 22:21 編輯

唔中意食野可能出牙。

想固體食得好要減奶。建議下午茶cut 奶,食佢喜歡嘅野加補兩安奶,下午茶份量減少晚餐肚餓就會開胃d食快d。就好似大人咁,想正餐食得好,下午茶唔會食正餐份量咁多㗎啦,午餐晚餐正餐先食多d。

另外多食生果有助消化。

而且可以試試食大人飯同餸(少鹽少油)睇下興趣會唔會大d。


大宅

積分: 4917

2019新春慶豚圓


發表於 19-6-2 01:15 |顯示全部帖子
keekee0424 發表於 19-5-30 18:17
15個月,男仔,9.8kg
三奶兩固
8am 5安奶

我個仔仔16個月大,作息同你個仔9成似,一樣係唔喜歡食野既BB,初頭係開電視之後變youtube喂佢食,但近呢一個月佢介左睇片食飯,食飯時就坐定定食,有時電視撈飯都ok,我唔再逼佢食,佢拍心口話飽飽我就收枱(就算只食左2啖咁小都照收),我會比d米餅或麵包或果蓉,比佢頂一頂肚,因為我個仔係逼唔到佢食,都唔會肯一邊玩玩具一邊食
我都仍然係比3奶,早餐/下午茶5安,宵夜奶200ml ,餐與餐之間會比d麵包/果蓉/生果BB食,每日去公園玩比佢活動多d,運動量大會胃口好d
同埋呀仔已經食大人飯同餸,因為佢之前出大牙絕食好耐,而家學緊用匙羹一齊食
我打算之後轉下午茶做固體,早餐太難喇


珊瑚宮

積分: 109921

2019新春慶豚圓 2019勳章 開心吸收勳章


發表於 19-6-2 06:08 |顯示全部帖子
keekee0424 發表於 19-5-30 18:17
15個月,男仔,9.8kg
三奶兩固
8am 5安奶


要轉3固. 早, 午, 晚餐要食固體, 可以的話跟大人用餐時間, 當然都要時間合理, 要佢捱眼瞓既話大家都辛苦. 朝早唔駛一定要代晒成餐奶, 可以麵包+半杯奶, 或者奶開麥皮等.


可以戒飲奶粉, 轉飲全脂鮮奶, 冇牌子介紹, 可以不時轉牌子.

全日計埋唔好食得多過7餐, 一來佢成日會飽就唔想食野, 二來會增加蛀牙機會.


食飯就食飯, 要專心食, 唔好用其他野去引佢.

俾佢自己食, 用手拎又好, 食到天一半地一半都好, 總之要佢自己食. 餐前響地下舖報紙, 咁之𢇌清潔唔駛咁辛苦.

最緊要係接受現實, 尊重佢決定, 湊第一個小朋友一定係緊張d, 當你你湊幾個b 就會明白呢個成長必經階段, 真係勉強唔到. 你負責俾最好既食物, 食幾多係由佢去決定. 食到45分鐘就要收枱, 佢喊肚餓都冇得食. 第日再大d 就係半個鐘用餐時間. 我大仔二仔由歲幾就練仙, 分別絕食5歲同8歲, 三女食量少左但尚算比二仔食得多.



大宅

積分: 1062

2019新春慶豚圓


發表於 19-6-3 12:39 |顯示全部帖子
睇到呢個post 好鼓舞,我仔17個月大,又是成日練仙,奶飲好多,早晚都可以飲到200ml,但午餐同晚餐食得少,生長線只有3,體重未到9kgs,已經整好多唔同花款,粉麵飯烏冬都唔like,鐘意雜糧如包,蛋糕,餅,所以有時真係食得少,我只好補包同奶,有時為左食得少搞得我同佢都心情好差,佢要俾我鬧
我又好勞氣,近來放開左D,佢唔食就補支奶,晚餐等自己食飽先慢慢餵佢,可能中午食得少,晚飯又晏食,所以晚餐食到8oz 飯連餸,已經收貨了,唔長肉唔吸收真係無計

2019新春慶豚圓

發表於 19-6-4 16:38 |顯示全部帖子
本帖最後由 [email protected] 於 19-6-4 16:38 編輯

回覆 keekee0424 的帖子

Hi keekee0424 ,一般小朋友係剛進食頭15-20分鐘會最專心架,比較常見唔食飯嘅原因: 未有餓意、食環境/食物唔能夠引起興趣、四周事物比食飯更有趣/吸引,媽媽避免佢玩到好投入時馬上進食,大膽D引入唔同食物種類,試多D唔同烹調方法,多D新鮮感可以刺激食慾,例如用唔同顏色鮮艷蔬菜煮熟壓成蓉做成濃湯,交替黎配唔同穀類食物(飯/粉/麵),將較多的維他命嘅糙米、紅米、麥米加入白米都OK,豆腐青豆濃湯+雞肉絲、豬肉碎+菠菜湯、牛肉碎+西蘭花湯,甜椒+三文魚湯都好簡單易烹調,媽媽仲可以加入少量奶或芝士,令濃湯醬汁更香濃幼滑,有試過俾囝囝拎住手握食物自己進食嗎? 做完運動小朋友胃口都好D,囝囝每日有去公園/playground 跑跑跳跳嗎?


NUTRICIA多年來一直專注BB首1000日營養研究,因為BB的健康是我們的動力。
讓我陪伴你在BB的成長路上,作出最好的營養選擇,帶動寶寶健康成長。

首頁
1

尾頁

跳至
你需要登錄後才可以回帖 登入 | 註冊