hi all
唔知大家仲記唔記得之前我講過話成日肚痛同埋有少少血絲呢?我15/11產檢時同醫生講返有哩個問題,之後醫生建議我入院做檢查,點知我下午入院,第二朝就生左喇!!!
哈哈!!!!我哩個媽咪連生得都唔知,不過亞b本身預產期係10/12,我都冇諗過會咁快生,我老公,媽咪佢地仲開玩笑叫我入院就生埋先好出院,點知又比佢地"開口中"喎!六合彩又唔我地中.............
我係屯門醫院生,其實屯門醫院d醫生同姑娘都好好人架!!佢地有時係惡左d,但係都係為我地好.另外有d人當佢地好似"賓賓"咁點佢地做野,咁佢地咪惡d囉!不過0個d人真係好過份,當自己住酒,有room service............
我會再開一個topic分享一下由我入院到出院既經歷,希望比各位將會生bb既媽咪一d準備