1-3歲

跳至

首頁
12

尾頁
   0


大宅

積分: 1542


發表於 19-6-7 20:19 |顯示全部帖子
本帖最後由 potato38 於 19-6-7 20:19 編輯

有時同bb 喺街,有野忍唔到老公,我串佢或佢串我,跟住其中一方就會大聲態度差,另一個亦永遠不甘示弱。我都明抱住歲半bb 唔應該大聲嘈交,但嗰吓唔還拖,真係忍唔到囉,道氣谷住,仲要唔還拖佢就以為自己啱晒,就會變咗上一句就佢話得我啱,但實情我唔認同。如等過氣後先講番,條氣都落咗,講嚟都冇意思,嗰吓唔同意,就嗰吓爆佢。如我同c6 性格都係咁,點先可以改善情況?向邊方面諗先可以死忍爛忍,忍到唔還拖?我夠知唔應該bb 面前鬧交啦,我夠知唔好,但真係好難忍到唔爆番對方,而現場又得我同c6, 冇人可幫我抱走個仔,我先嘈過。咁谷法,我忍死自己。
大家有冇呢d 情況?


大宅

積分: 3038

2019新春慶豚圓


發表於 19-6-7 22:43 |顯示全部帖子
我係死忍,為小朋友忍下,做媽媽要大局為重 


大宅

積分: 1057

2019新春慶豚圓


發表於 19-6-7 22:53 |顯示全部帖子
絕不讚成死忍!死忍只會谷到病㗎!

但係喺「死忍」同「鬧交」中間其實有一大距離,可以盡量控制情緒去「討論」同講自己感受。

比小朋友睇到大人由「意見分歧」、「冷靜討論」、再去到「達成共識」、「互相尊重」其實對佢地仲好,係最好嘅學習侍人接物方式。


大宅

積分: 1542


發表於 19-6-8 01:01 |顯示全部帖子
BlossomAlmond 發表於 19-6-7 22:53
絕不讚成死忍!死忍只會谷到病㗎!

但係喺「死忍」同「鬧交」中間其實有一大距離,可以盡量控制情緒去「討 ...

冇咁易有共識,如討論完有共識,就唔洗嘈啦。有d 野大家睇法唔同,我覺得佢咁講/諗係多餘,佢亦覺得我冇諗全面。本身要意見分歧的事,聽完d 說話好易博番對方咀轉頭,跟住態度差,大家都唔gur, 火滾,條氣谷住,我都好難對唔認同的事收口。
星期日冇工人,出街得我同佢同bb, 我都唔知點可以避開在bb 面前大家嘈,又冇人湊。如平日有工人,我叫佢抱走bb 老遠,我先大聲嘈過。但有時只得我,c6, 同bb. 但我真係唔想讓佢,我明明覺得件事唔啱,我做唔到忍住唔還擊。


洋房

積分: 33

2019勳章


發表於 19-6-8 12:06 |顯示全部帖子
好簡單
諗下第時你bb好似你老公咁同你意見不同駁你咀,你會點教育佢?
將教育佢既說話,套用係自己身上就得


大宅

積分: 3038

2019新春慶豚圓


發表於 19-6-8 16:09 |顯示全部帖子
BlossomAlmond 發表於 19-6-7 22:53
絕不讚成死忍!死忍只會谷到病㗎!

但係喺「死忍」同「鬧交」中間其實有一大距離,可以盡量控制情緒去「討 ...

唔會,其實你只要個下唔駁,之後就忙著湊B冇左件事根本,如果本身二個爆的人係冇可能討論,算吧啦,除非好大事商量,否則其實嘈的多是無聊野


男爵府

積分: 5261

2019新春慶豚圓 2019勳章


發表於 19-6-8 16:16 |顯示全部帖子
剛剛係街大爆炸同老公 bb 係度喊 嚇到佢 九個月大
te quiero mucho mi amo


大宅

積分: 1758


發表於 19-6-8 22:29 |顯示全部帖子
Whatsapp msg同佢嘈


複式洋房

積分: 321


發表於 19-6-9 17:36 |顯示全部帖子
potato38 發表於 19-6-8 01:01
冇咁易有共識,如討論完有共識,就唔洗嘈啦。有d 野大家睇法唔同,我覺得佢咁講/諗係多餘,佢亦覺得我冇諗 ...

其實為小朋友設想,如果爸爸媽媽長期鬧交對佢日後影響會好大,雖然我有時都會唔認同老公既做法,如果當時真係忍唔到時可唔可以用到溫和既態度回應而不要下下大爆大家?到小朋友再懂事既時候佢會將你地平日相處既態度運用到佢自己身上,覺得每件事一發生就大大聲嘈交去解法。或者你們雙方可否一次沒小朋友在場時平心靜氣大家商量以後用法?其實你兩夫妻那麼容易鬧交是否大家性格都唔肯認輸認錯?嘗試為小朋友想一想,如果為佢好你地冇可能不能互相忍讓。其實好奇一問,你地可以為咩成日咁嘈?我自問我同老公有時都會頂頸,但唔會日日都發生咁


別墅

積分: 790

開心吸收勳章


發表於 19-6-10 01:03 |顯示全部帖子
potato38 發表於 19-6-7 20:19
有時同bb 喺街,有野忍唔到老公,我串佢或佢串我,跟住其中一方就會大聲態度差,另一個亦永遠不甘示弱。我 ...

我都係死忍黑佢面。
c6 見我唔駁返咀以為自己岩晒架 ! 而加仲愈來愈惡,愈來愈大聲。講起都嬲


大宅

積分: 2744

2019新春慶豚圓


發表於 19-6-10 11:53 |顯示全部帖子
其實有咗小朋友之後反而嘈少咗,都冇時間嘈啲雞毛蒜皮嘅嘢,如果大事就係認真商討,唔會下下一嚟就嗌交


大宅

積分: 3065


發表於 19-6-10 16:06 |顯示全部帖子
笑住同佢嘈,半開玩笑般還擊。唔駁佢,佢會以為自己啱曬,會得串進尺。性格改唔到,忍到一時,忍唔到十幾廿年,我會照show比BB睇。但亦會比佢知道,爸媽嘈完交都可以轉頭又無嘢好friend嘅。寧願咁樣,好過扮恩愛死忍。


複式洋房

積分: 165


發表於 19-6-10 16:59 |顯示全部帖子
同樓主一樣,唔還拖又覺得唔甘心,但爆完又好後悔要喺小朋友面前咁嘈,留名學嘢


男爵府

積分: 8554

2019新春慶豚圓 2019勳章 HiPP勳章(1) 好媽媽勳章


發表於 19-6-10 20:26 |顯示全部帖子

回覆樓主:

有無例子?
我B仔10月4日出世. 3.78KG
18MTH 15KG,84.5CM
13MTH 13KG,82.5CM
10MTH 12.42KG(連衫)
6MTH 10.08KG,72.5CM
5MTH 9.8KG(連衫)
4MTH 8.73KG,68CM
3.5MTH 8.98KG(連衫)
3MTH 8.4KG(連衫)
2MTH 6.9KG,61.5CM
1MTH 5.2KG


大宅

積分: 1605

2019勳章


發表於 19-6-11 15:48 |顯示全部帖子
本帖最後由 hil_hy_c211 於 19-6-11 15:53 編輯

回覆 potato38 的帖子

...........好明顯兩個大人EQ都唔係好合格.....嘈交呢d野永遠一隻手係拍唔響!

兩公婆意見分歧幾咁閒,但完全唔識理性討論,下下都要火山爆發/互串咁............仲要不分場合情況........其實大人真係應該檢討下並且好好傾下!唔好為小朋友做壞榜樣!

除左學下控制情緒之外......我諗唔到有咩野可以幫到樓主。呢d係你同你老公都要合作配合ge野!


複式洋房

積分: 321


發表於 19-6-11 18:14 |顯示全部帖子
hil_hy_c211 發表於 19-6-11 15:48
回覆 potato38 的帖子

...........好明顯兩個大人EQ都唔係好合格.....嘈交呢d野永遠一隻手係拍唔響!

認同,有時夫妻/情侶互相適量吵架是一件好事,但如果過份了就要學習控制一下自己情況,雖然自己都學習當中。我而家都同老公講,如果呀女大個d既時候,我地父母都要學習去冷靜自己。問心,而家每次同老公嘈交都係因為佢個麻煩老豆


伯爵府

積分: 15041

2019新春慶豚圓 2018復活節勳章 開心吸收勳章


發表於 19-6-11 20:51 |顯示全部帖子

回覆樓主:

我女成日見到,會掩住我個口話算啦算啦……好嘈!(兩歲五個月)
忍佢佢重以為自己啱好勁咁款,真係見到都火 不過我地好快無事!


男爵府

積分: 6246

2019新春慶豚圓 2019勳章


發表於 19-6-12 02:28 |顯示全部帖子
一人讓一步,你唔好同佢嘈。


洋房

積分: 31


發表於 19-6-12 19:45 |顯示全部帖子
本帖最後由 Dreamhalluama 於 19-6-13 15:50 編輯
hil_hy_c211 發表於 19-6-11 15:48
回覆 potato38 的帖子

...........好明顯兩個大人EQ都唔係好合格.....嘈交呢d野永遠一隻手係拍唔響!

同意!嚇親bb之余,仲為bb立壞榜樣,第時學晒d語氣字眼。。。
下次老公嘈時幾唔甘心都唔好出聲,無人應佢佢講多兩句會停。同時亦係比時間自己冷靜下,燥底好容易衝動講錯野。等大家都冷靜過後先再平心靜氣討論同解決問題


大宅

積分: 1605

2019勳章


發表於 19-6-13 15:46 |顯示全部帖子
本帖最後由 hil_hy_c211 於 19-6-13 15:47 編輯
Dreamhalluama 發表於 19-6-12 19:45
同意!嚇親bb之余,仲為bb立壞榜樣,第時學晒d語氣字眼。。。
下次老公嘈時幾唔甘心都唔好出聲,無人應佢 ...

有時我都唔太理解,兩夫妻.........贏場交真係咁緊要咩? 唔會傷感情?贏場交卻傷害了對方,真係好?


兩夫妻不是本應該互相在乎對方感受嗎?


不過我都明白呢d野一定要雙方有共識!要單方面ge長期忍讓亦唔係一段健康ge關系!所以樓主真係應該好好同先生傾下你地ge相處方式! 起碼要雙方都有覺悟要向同一個目標努力。


點評

Dreamhalluama    發表於 19-6-13 15:52

首頁
12

尾頁

跳至
你需要登錄後才可以回帖 登入 | 註冊