少年成長

跳至

首頁
1

尾頁
   0


男爵府

積分: 6454

2019新春慶豚圓 2019勳章


發表於 19-6-9 11:49 |顯示全部帖子
其實教仔女來來去去嗰幾招,用得最多都應該係嚇呢一招。乜嘢叫係靠嚇,咪就係得個講字其實唔會真係咁做囉。靠嚇呢招對細嘅小朋友其實好有效,因為佢唔知你真定假,但係當個小朋友越嚟越大其實唔使好多次,當佢睇穿咗你其實每一次都係得個講字嘅時候,靠嚇就越嚟越收唔到想要嘅效果。嗰日喺街我又見到個阿媽用緊靠嚇呢招,bb喺度喊緊扭計個阿媽就同佢講再係咁喊我就返屋企,再係咁喊我哋就返屋企我哋而家返屋企,我見到個小朋友都係繼續扭計,個媽媽都只係不停重覆以上嘅說話。因為好明顯個小朋友知道個媽媽係得個講字,因為其實當時佢哋喺戲院出面,我見到個媽媽已經買咗戲飛。個小朋友到最後梗係扭計成功得到佢想要嘅嘢,個媽媽用靠嚇呢招就根本完全收唔到作用。

其實我哋呢一代咪又係自細畀阿爸阿媽嚇大,但係我哋點解都會驚因為阿爸阿媽講咗打係真係會打而且打得好勁。到咗我而家做人爸爸,我當然知道打嘅作用其實唔大,所以根本就唔會用打嚟處理阿仔阿女啲唔好嘅行為。因為唔會用所以我根本就唔會同阿仔阿女講如果你曳我就打你呢一啲嘅說話。雖然我唔會用打呢個方法,但係我就好知道講得出就一定要做得到,如果唔係阿仔阿女根本就唔會驚需要承擔後果。做父母我好知道千祈唔好講就天下無敵做就無能為力,因為小朋友細個都仲可能會畀你嚇到,但係當佢越嚟越大個根本連細路仔都可以睇穿阿爸阿媽根本就唔會做, 所以個效果只會越來越低。有陣時阿仔阿女曳都會提醒佢哋再曳嘅後果,如果講得出咁就幾難或者幾唔方便都要做咁先至有效果。但係眼見時下好多家長好多時都係靠嚇講就講到好大,喺街見到啲細路仔扭計好多時都會聽到啲父母講再扭計就點點點或者再曳就點點點。 但我見到更多嘅係個細路繼續扭計但係個父母又真係唔知點。所以做父母嘅真係唔可以成日靠嚇,講後果你都要諗清楚先好講。 講咗唔做個效果仲衰過唔講。而家呢一代細路仔咁精靈其實細細個已經識睇人眉頭眼額又點會怕你靠嚇呢。

首頁
1

尾頁

跳至
你需要登錄後才可以回帖 登入 | 註冊