時事熱話今日: 0|主題: 3957

收藏本版

發帖

返回列表

跳至頁

查看: 2078 | 回覆: 11

支持逃犯條例既人唔該入一入黎 [複製鏈接]

Cecibaby123

別墅

積分: 774

1^#

發表於 19-6-14 18:58 |只看該作者 |倒序瀏覽 |打印

Q 修例可以送陳同佳去台灣受審:
A 不, 修例內容講明要中央機構申請, 但林鄭自己都答唔到台灣的中央機構係邊個. 台灣亦早已表明唔會UNDER逃犯條例同香港傾引渡. 所以根本處理唔到呢件案.

Q 要伸張公義, 香港不可做逃犯天堂.
A 但修例只包7年以上罪行. 所以大劉劉鑾雄貪污都唔使送去澳門. 咁係咪真係公義、真係唔係逃犯天堂? 而且, 假若將來真係有境外兒童色情罪犯逃來香港, 但因罪行不超過7年, 其實都係罰唔到. 達唔到政府講既公義.

Q 反對者根本逢中必反
A 我地只係希望撒回. 作公眾諮詢, 慢慢傾. 既然處理唔到陳同佳, 政府做乜要咁急? 中國駐英大使都話, 中央從冇叫過香港修例.

0 1 0

私人傳訊

Cecibaby123

別墅

積分: 774

2^#

發表於 19-6-14 18:59 |只看該作者

Q 你冇犯法, 怕咩修例? 條例同我地99.9999%人都無關, 做乜要反對?
A 反過黎講, 條例對我地99.99999%人都無好處, 點解要通過? 而且梁美芬同林健鋒上個月都賤價賣樓、本週有財團買地撻訂、今日都有新股撤回上市, 恆指呢幾日都跌左成千點. 仲俾美國藉口去搞我地. 有弊冇利, 點解要急急通過? 所以講到尾: 其實修例對邊個人有好處? 政府都答唔出.

Q 扔磚暴力, 抵俾警察打.
A 有人暴力, 可以拉個D人. 但警察清場連記者、牧師、坐在一旁的人都打, 又啱唔啱? 警方既行動已經證明權力好易俾人濫用. 所以呢次修例係有危險既.

私人傳訊

Cecibaby123

別墅

積分: 774

3^#

發表於 19-6-14 18:59 |只看該作者

Q 政棍洗腦, 送後生仔去送死.
A 咁林鄭同建制派又係唔係政棍? 政唔政棍, 都係觀點與角度, 林鄭同建制派明知年輕人唔中意條法例, 100萬人和平示威完都唔理. 堅持要急急通過法例, 係咪佢地先係送後生仔去死既政棍? 而且6月9同黎緊6月16都係和平遊行, 冇人叫後生仔去送死.

Q 成件事根本就係外國策畫同煽動.
A 咁驚外國煽動, 林鄭月娥老公有居英權, 兩個仔都響外國, 佢接受TVB專訪自爆兩個仔暑假唔會返黎香港, 佢係咪先係最可疑嗰個? 而好多話有外國煽動既建制派人士, 其實自己或家人都有外國護照.