[size=1em]話說依家已經差唔多三十週。 因為已經轉咗去私家醫院產檢。係得2d. 嗰日想去照一次4d。留個紀錄順便畀老公睇下阿女。因為每次產檢佢都差唔多要返工咁濟。 嗰日佢特登唔返工放假陪我去。
[size=1em] 我打電話去預約嘅時候問到明係咪有得照4d佢話係。 之後去到當日約咗四點鐘準時去到。 等咗一個鐘左右先入到房。 個醫生簡單問咗我幾句 之後就問我係咪特登嚟照4d。我話係。好啦 瞓低咗。茶好gel。 個醫生叫姑娘開個燒碟機。姑娘同佢講部機壞咗。 之後個醫生再問我到底係做普通產檢定係4d。。 我再話係4d。
[size=1em] 然後出面登記個姑娘走入嚟同我講唔好意思其實部機壞咗好耐。今日係做唔到 錄影。 佢話可能我打電話約嘅時候姑娘唔清楚係佢哋大意 。我已經好無奈。之後個醫生話 一係收番我平啲當普通產檢。 佢會影幾張4d嘅相畀我。 當時我已經覺得好無奈但係我老公話都冇所謂啦反正黎度。 然後成個過程唔使一分鐘。我 就搞掂。 全程個醫生冇講過 阿女任何嘢。 包括佢而家嘅size。佢嘅重量。 頭圍肚圍。咩都無講。 嗰幾張4d嘅相。。 遮住曬。 佢仲同我講4d都只係滿足我哋父母反正生到出嚟都唔係咁嘅樣。 佢話你應該都見到啦眼耳口鼻唔駛解釋。 就咁就收咗我千一蚊。。 完全唔知做過啲咩。 過程裏面佢只係不停同我吹水講啲無關痛癢嘅嘢。講真如果係普通產檢。 係咪都應該講解下佢而家嘅 size或者佢度緊嘅係頭仔肚仔定腳仔。 咩都無!!佢差啲連心跳都唔記得咗聽。
[size=1em] 去咁多次產檢呢個係最差同最貴。。 如果係咁早知我就去返搵鄭昆瑜醫生當普通產檢就算。 起碼都詳細啲 我真係可以知道阿女嘅情況。 仲要特登放假 去睇。好激氣。