吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 無四大長老，無陪月，無工人係咪等於攪唔掂個BB？ ...

懷孕前後今日: 2|主題: 329685

收藏本版

發帖

返回列表

跳至頁

樓主: RAYMONDLIFE

無四大長老，無陪月，無工人係咪等於攪唔掂個BB？

[複製鏈接]

1 234 5

Seacole

別墅

積分: 542

41^#

發表於 19-6-25 21:17 |只看該作者

我第一胎就係3無人仕，我同我老公2個人搞掂，個段時間我老公成日ot, 我仲埋身喂人奶

真係超級攰又唔夠休息，有得瞓就好瞓，夠休息先有奶，奶樽紗巾衫仔就留返俾老公洗，
最緊要係搞掂一日三餐加個湯水，我今胎又係3無，所以已經book定坐月餐，ee每日上黎煮完就走，或者買定坐月湯包，老公買魚/肉，返工前煲定，
炒米就36w左右炒定，包裝好一袋袋坐月用
我自己就專心湊細b,
反而4大長老係到，仲左住媽咪冇得休息

又要招待埋佢地，又要聽埋啲好有道理既理論

自己湊樂得清靜

私人傳訊

hontari

大宅

積分: 2995

42^#

發表於 19-6-25 21:37 |只看該作者

回覆樓主:

無話搞唔掂的，爸爸你要辛苦啲
我第一胎情況一樣（係我媽隔日上嚟煮餐午飯俾我），其餘我同老公搞掂
佢一收工就去買餸煮飯，食完飯同個女沖涼（我開刀烏唔到身），夜晚我餵完奶（我埋身餵的）佢就幫手掃風，有時個女半夜爆喊，佢仲要幫手湊同氹瞓覺
其餘的時間/湊女就我自己搞掂

雖然係好好好辛苦，但兩公婆一齊去面對，辛苦但值得（同埋佢同個女的親子關係好好，因為由細湊到大）

私人傳訊

Pink_girl

子爵府

積分: 14373

43^#

發表於 19-6-25 22:07 |只看該作者

兩個人一定得，但最好爸爸頭一個月可以請假，或者只返半日

媽媽如果餵人奶會堅辛苦，特別未上奶時，bb真係chur住食，每次餵都起碼30-40分鐘，但唔好迫自己全人奶，唔得就補粉，唔好有壓力，餵奶粉相對快同方便d，自己取捨。最好媽媽只負責餵奶，bb訓媽媽就訓，多d休息。

其他野交晒比爸爸做。你有訂月子餐咁解決左最煩食個part。唔urgent既家務就放低先，做左緊要既，奶樽可以儲埋幾個先洗，咁唔洗次次洗。bb衫好細件，儲個三四日先開機洗，初生係屋企其實無咩衫好洗。建議你地出去上下堂學下點take care bb，會有好大幫助。沖涼換片掃風，第一次做一定唔熟，但做多幾次一定得。

私人傳訊

alannmama

大宅

積分: 1742

44^#

發表於 19-6-25 22:22 |只看該作者

RAYMONDLIFE 發表於 19-6-25 10:41
THANKS 咁多位正能量呀。
因為我老婆開始聽到好多人話無工人唔掂呀，無陪月唔得架喎，無四大長老點照顧咁。 ...

重點係你老婆有D唔開心同緊張。其實你老婆係咪想有人幫？

私人傳訊

edeuethan

別墅

積分: 756

45^#

發表於 19-6-25 23:06 |只看該作者

RAYMONDLIFE 發表於 19-6-25 09:54
基於複雜既因素，我同我老婆會面對住 3 無既局面。無四大長老，無陪月，無工人。

我真心想向各位請教，面 ...

本帖最後由 edeuethan 於 19-6-25 23:08 編輯

我係呀，完全冇問題，爸爸湊我，我湊bb。爸爸正常返工，煮落野俾我食就出門口。bb由我照顧，bb衫、奶樽都係我洗。
係有啲辛苦既，不過一定搞得掂，最主要係休息唔夠，所以要manage好啲時間，bb瞓你就要瞓。
我早早同阿仔介埋夜奶，就舒服好多了。
我自己湊足十星期，train足阿仔十個星期。
阿仔依家六個幾月，就算依家我返工唔係我湊，阿仔同我都係最close，最聽我話。
我係開刀的。唔駛太擔心喎。

私人傳訊

kissapplegirl

男爵府

積分: 7232

46^#

發表於 19-6-25 23:06 |只看該作者

回覆樓主：

本帖最後由 kissapplegirl 於 19-6-25 23:07 編輯

我覺得坐月辛苦又抑鬱，照顧初生BB既壓力好大，要坐過月人先會明白
首先順產傷口比較細快啲復完都仲話好啲，萬一係開刀傷口痛，要抱bb/餵奶/掃風/換片，講緊係搞掂晒用你1個鐘，然後隔多1幾鐘bb又喊要食奶，所以係零休息
好多bb都會要人抱先肯瞓，你還想下凌晨一點對到佢凌晨四點佢都唔瞓覺,你每一日淨係可以恰兩三個鐘吊下命
如果爸爸本身要返工放工返嚟仲要洗bb衫洗奶樽幫bb沖涼,其實真係太多嘢做大家都唔夠休息
仲有好容易遇到照顧bb嘅問題,而你身邊冇人可以問,你就會好驚,例如點解bb無啦啦喊呀,可能佢有肚風,點解bb瞓下又扎醒,原來係一個生理反應 ,點解bb抖氣有聲音等等
有人幫會好d

私人傳訊

laisausau

男爵府

積分: 6415

47^#

發表於 19-6-26 00:59 |只看該作者

RAYMONDLIFE 發表於 19-6-25 09:54
基於複雜既因素，我同我老婆會面對住 3 無既局面。無四大長老，無陪月，無工人。

我真心想向各位請教，面 ...

訂月子餐

好重要
人奶要你老婆試左先，生之後再買奶粉都得（有人會睇下醫院俾乜牌子水奶，然後跟住買，我個人覺得唔駛研究買邊隻，因為要睇BB飲唔飲，勿先買幾罐）
我生大女時誓要上奶，初初一星期真係2-3小時餵一次（唔知自己點做到

）換片，老公負責唔好激我，學換片，學幫B沖涼

BB衫大量，洗衣機洗吧！
其實唔好諗太多，做定心理準備勁唔夠訓咯

爸爸最好，至少陪到新手媽咪一個星期（或以上）

私人傳訊

PhoebeChan333

男爵府

積分: 7317

48^#

發表於 19-6-26 01:08 |只看該作者

你還掂都預左2個人凑，都有諗過請陪月
點解唔請左先？到時唔岩咪3日通知叫佢走人！
遇到個好嘅，你同太太可以輕鬆好多
機會都唔比人，點知個個都系黑陪月？
講就易，到時做就2回事架啦。
有經濟能力真系建議請陪月，洗BB衫洗奶樽，餵奶掃風按摩催乳。
食飯方面，你就可以訂餐，其他真系要落手落腳做。
仲未計，平時既家頭細務，未生就太太做姐，生左要坐月，仲要洗衫拖地真系坐唔好。
可能系呢排太多bad news啦，令到你對陪月信心大減，請工人同陪月一樣，都真系撞手神

私人傳訊

PhoebeChan333

男爵府

積分: 7317

49^#

發表於 19-6-26 01:16 |只看該作者

RAYMONDLIFE 發表於 19-6-25 10:04
回覆 ek0509 的帖子

如果屋企有經濟能力真系要請個陪月，自己可以好好休息，坐好個月，又唔洗同老公有野嘈，坐月坐得好，對女人黎講好重要。

無錢就無辦法姐，局住2個人搞掂，如果唔系經濟問題，點解要搞到甘辛苦？

私人傳訊

PhoebeChan333

男爵府

積分: 7317

50^#

發表於 19-6-26 01:21 |只看該作者

RAYMONDLIFE 發表於 19-6-25 10:41
THANKS 咁多位正能量呀。
因為我老婆開始聽到好多人話無工人唔掂呀，無陪月唔得架喎，無四大長老點照顧咁。 ...

甘你有無報到陪月班？真系2個人搞掂，起碼都上下陪月班，點幫bb沖涼，點洗bb野，掃風嘔奶換片，點幫媽媽餵奶，上奶，按摩，都識d會好好多。仲有煲定薑水或者買定，比媽媽沖涼用。

私人傳訊

fantasytong

大宅

積分: 2042

51^#

發表於 19-6-26 04:06 |只看該作者

RAYMONDLIFE 發表於 19-6-25 09:54
基於複雜既因素，我同我老婆會面對住 3 無既局面。無四大長老，無陪月，無工人。

我真心想向各位請教，面 ...

我兩胎都3無，兩次靠老公陪月三星期。大既2.5歲細既1個月。
其實初生一定預左無得瞓，食得密，我兩胎都係全人奶全埋身，我覺得全埋身係最可以夠休息，反正起身餵完就瞓，加上餵人奶係可以幫助媽媽睡眠，生之前要睇書做足準備餵人奶先會容易處理。（唔係打手，可以睇「餵哺母乳知易行難」）
我老公坐月期間都好忙，每次餵奶前負責換片餵奶後掃風（我只起身餵奶），每日洗bb衫、買餸煮早午晚三餐煲定炒米茶、幫bb沖涼、屋企清潔同埋屋企補給（買尿片之類）。
而我坐月個陣只係休息同瞓，最緊要係餵奶，心情輕鬆，間中精神好啲就一齊落街行下咁。我覺得兩公婆自己湊初生都幾開心。

私人傳訊

Pangpig

複式洋房

積分: 146

52^#

發表於 19-6-26 08:01 |只看該作者

RAYMONDLIFE 發表於 19-6-25 10:04
回覆 ek0509 的帖子

我自己5月中生左...
我係有姐姐+奶奶幫手的..
我自己覺得夜晚係最辛苦..因為每2個鐘就要餵一次！我通常早上8點就開始休息！
如果得番媽媽同bb 係屋企會比較辛苦！因為媽媽又要餵奶，掃風，換片，洗奶樽同bb 扭計喊要安撫..
媽媽係坐月期間最緊要休息多d!
所以如果可以一定要搵幫手,加上如果新手有好多野都唔熟！
加油！

私人傳訊

jwingbb

大宅

積分: 1932

53^#

發表於 19-6-26 09:25 |只看該作者

冇話唔得，上一輩都係靠自己照顧小朋友同坐月，冇婆婆、奶奶幫手咖，都可以湊大我地。不過時代唔同喇，我地呢代講科學/醫學根據，我發現我媽坐月嗰套錯到可以令我血崩，佢地全餵奶粉所以冇谷奶上奶問題，照顧BB嗰套衞生唔okay，所以我覺得如果四大長老用返嗰套去照顧新手媽媽倒不如自己坐月仲好，廢事嗌交或者出事。

既然已訂月子餐，得返兩個月都未必搵到好既陪月，可考慮請個本地姨姨幾粒鐘幫手做家務，最重要係陪下你太太。如果BB係男仔的話要更加小心，因為較高機會患產後抑鬱（我上產前班個助產士講既，暫時產後抑鬱原因未明，但數據顯示較多患者係生仔）。

私人傳訊

beautyhappyma

複式洋房

積分: 430

54^#

發表於 19-6-26 09:27 |只看該作者

Seacole 發表於 19-6-25 21:17
我第一胎就係3無人仕，我同我老公2個人搞掂，個段時間我老公成日ot, 我仲埋身喂人奶真係超級攰又唔夠休 ...

請問可以介紹月子餐同湯包嗎？

私人傳訊

s_for_samantha

大宅

積分: 4415

55^#

發表於 19-6-26 09:38 |只看該作者

RAYMONDLIFE 發表於 19-6-25 10:30
回覆 TobeyFeng 的帖子

訂左月子餐。叫做唔使理個食住

有得食就已經差好遠仲要自己煮真係會崩潰

加油

私人傳訊

臭Patpat小B

男爵府

積分: 5827

56^#

發表於 19-6-26 10:51 |只看該作者

點會搞唔掂啊，個個都係咁啦，俾啲信心自己先得㗎，冇人奶咪食奶粉，我覺得最緊要呢一方面唔好比到壓力媽媽，之前有個朋友瘋狂咁想個BB食人奶，但係又無，結果搞到個B要入醫院，媽媽又抑鬱埋，總之就一鑊泡啦，唔係話人奶唔好但係都要睇情形㗎嘛

私人傳訊

EstrellaDamm

水晶宮

積分: 53730

57^#

發表於 19-6-26 11:21 |只看該作者

RAYMONDLIFE 發表於 19-6-25 10:01
回覆 super_cat 的帖子

姐係變左媽媽可能會無得訓。餵人奶又會因為休息唔夠而無奶。

其實只要搞得掂大人三餐，其他嘢都OK的。湊初生好機械式，反而冇湊小朋友咁難搞、咁嘔心瀝血（個人湊兩個嘅經驗）。

媽媽要夠奶餵最緊要餵得夠密，而夜晚餵奶最能幫媽媽分泌造奶荷爾蒙，而且會令媽媽短時間內瞓得更淋（雖然時間上瞓得短）。如果媽媽選擇夜晚走去瞓過夜唔餵夜奶，只係日頭餵，一來上奶後隔咁耐先餵會易塞，二來更會影響奶量的。如果全埋身餵全按BB需要餵，唔搞咁多嘢，我自己經驗係反而冇咁煩亦慳好多功夫（洗奶樽好討厭！）。如果你太太考慮餵人奶，好建議你同佢多參加衛生署/醫院/健康院搞嘅哺乳講座或工作坊，聽多啲問多啲。呢啲途徑得嚟嘅知識比較可靠。

屋企清潔嗰啲放鬆啲。幾日唔拖地、唔抹塵其實冇大問題亦唔會影響BB的。BB衫唔好手洗呀（除非有污漬要預潔），唔好做埋啲無謂嘢。我自己嗰時冇跟舊式嘢，同BB沖涼嗰啲我坐月照做（我個人 enjoy 的），有時帶埋BB落街食下嘢，放鬆啲唔好畀自己咁大壓力。

私人傳訊