吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我結婚後的生活是黑暗的

夫婦情感今日: 16|主題: 42418

收藏本版

發帖

返回列表

跳至頁

查看: 27277 | 回覆: 114

我結婚後的生活是黑暗的

12 3 4 5...6

Fhyy

洋房

積分: 75

發表於 19-7-2 03:39 |顯示全部帖子

同先生係奉女成婚，陀緊6個月開始搬進先生家同你佢屋企人住。好記得岩岩搬入去仲未結婚，佢媽咪點樣睇我同我家人唔起，當面稱呼我叫無錢鬼、窮鬼。因我家是單親低收入家庭。比人侮辱，比佢地欺凌直到阿女出世。當初只有18歲的我驚到躲係房喊，唔敢出去唔敢講野
係結婚到而家，兩家人都冇見過面，佢地話我家窮，但就1$禮金都冇比過，奶奶為人刻薄，從入門後便對我呼呼喝喝，仲同我講，結左婚就唔好成日反外家，唔知以為對我唔好。又到處同人講我既家人，在家中我覺得我連工人都比唔上。先生脾氣暴躁，係佢身邊，基本上每一日都會比佢鬧比佢鬧我蠢、無用、廢柴！同佢拍拖到結婚生仔四年！！結婚前圍住佢轉，結婚後就做工人，湊小朋友，極少出街。點解？因為我如果去街，唔煮飯就會比人話足幾日，慢慢我就唔會出去，試問一聲，世界得老公同奶奶同個bb既生活，仲會每日比人鬧呢樣鬧個樣既人點樣正常？而加小朋友15個月，今日帶左佢反娘家，玩得好開心！但夜晚開始喊，由1點喊到4點！老公就開始鬧我！話我屋企人搞到咁，我同阿女一齊喊，佢就鬧我湊女湊到9588！湊到喊到咁！我好無助，我覺得我堅持唔到落去！

私人傳訊

Fhyy

洋房

積分: 75

發表於 19-7-2 03:53 |顯示全部帖子

本帖最後由 Fhyy 於 19-7-2 04:13 編輯

回覆 Fhyy 的帖子

好後悔嫁左個咁既人！住左入去，從來唔做家務既我
陀住8.9個月既肚換床單，拖地，做家務！我個陣個肚已經好巨型！但比人鬧我做得少！
坐月時，亦因唔敢唔做野訓會比人鬧！傷口痛幾攰幾痛都自己起來做，照樣做家務！
身為女人既奶奶從無叫我休息！而加我都落下病根了。腰經常都痛！
我的老公！亦都冇真正關心過我。我明白搵錢辛苦！但我都係佢老婆，點解從來唔會關心我！只會鬧我話我，向我發脾氣！我好辛苦。
湊小朋友亦都好大壓力，只有小朋友有咩衣郁，做阿媽既就永遠比人講！
我覺得我人生無意義乜都冇曬！
我明條路係自己揀但我都係好後悔！
每一日都好有壓力！
我應該要點樣？我唔想離婚，但亦都唔想繼續咁落去！

私人傳訊

Fhyy

洋房

積分: 75

發表於 19-7-2 04:17 |顯示全部帖子

回覆 Fhyy 的帖子

先生好細路脾氣。28歲了！但好中意打機，打機打到可以一個月用1-2萬！
因為佢d錢唔過我手，我控制唔到佢！
同佢傾！佢都唔會理我。。
導致冇儲蓄，搬唔到出去住！
我有諗過叫奶奶湊，出去反工！
但我先生就要我自己湊返，驚奶奶湊唔好

私人傳訊

rayrayus

翡翠宮

積分: 81588

2024年龍年勳章 2024勳章 2023年兔年勳章虎到金來勳章牛年勳章 2018復活節勳章育兒性格勳章趣教勳章叻叻勳章 BK Milk勳章 hashtag影視迷勳章 15週年勳章親子王國15週年勳章

發表於 19-7-2 04:49 |顯示全部帖子

樓主你的問題全部都係源自18歲已經俾你老公搞大左個肚，男家知你冇第二條路行所以睇唔起你，做女仔真係要好好保護自己，你小朋友先15個月即係你先廿歲度，如果你唔想咁樣過成世，不如計劃下等小朋友返幼稚園你出來做野，唔好叫奶奶湊，盞佢仲俾更多面色你睇

私人傳訊

pinkcar

大宅

積分: 3164

發表於 19-7-2 05:56 |顯示全部帖子

回覆樓主:

有啲膠post，宜家咩世代？

私人傳訊

858D

珍珠宮

積分: 35722

發表於 19-7-2 07:32 |顯示全部帖子

本帖最後由 858D 於 19-7-2 07:38 編輯

回覆 Fhyy 的帖子

聽妳講，「從來唔使做家務既妳」、、、「單親媽咪教養」大既妳。咁即是妳媽咪做曬家務啦。咁即是，妳將子女帶翻娘家養，畀妳媽咪湊大，妳都可以繼續住娘家唔使做家務，咁妳可以無後顧之憂地博一博，發奮圖強，繼續讀書，增加自己既生計能力，搵份人工高既職業來做單親媽咪。都好過
而家嫁得條件咁唔好既無出息困境。如果男家要女唔要媽（妳）既，妳就索性離婚。自己出來創一番事業。得既係自由，自主，畀機會其他懂欣賞，尊重自己既人來愛妳。

我18，20歲時都好似妳咁娘家清貧窮，一樣從來唔使做家務。因為每次媽咪叫我做家務，我爸都話唔好要我做，因為我要用來讀書。
我又係20歲就嫁我前夫，夫家個個家境經濟都比我同前夫好。前62 99 搵到錢，但冇唸過自己會活咁長，退休既積蓄都使曬。
而家我一個女人搵錢擔起成幾頭家已近20年，為生計改善經濟條件打拼25＋年。前夫同子女，前99都要靠我養，我冇地方畀佢地男家睇小我。

Love is when the other person’s happiness is more important than your own ~ H. Jackson Brown

私人傳訊

YeungngNganmld

男爵府

積分: 5596

發表於 19-7-2 07:37 |顯示全部帖子

回覆 Fhyy 的帖子

真定假㗎？如果係真你奶奶第一次話你窮鬼時你就即時走啦，
仲要同個心裡面無自己同怪獸奶奶嘅人繼續生活？

私人傳訊

858D

珍珠宮

積分: 35722

發表於 19-7-2 07:44 |顯示全部帖子

本帖最後由 858D 於 19-7-2 07:51 編輯

YeungngNganmld 發表於 19-7-2 07:37
回覆 Fhyy 的帖子

真定假㗎？如果係真你奶奶第一次話你窮鬼時你就即時走啦，

生計能力，資質，人人唔同。
有D人請願寄人籬下受氣，都唔夠資質出去闖。
我D闖出來既，打拼過出來既，都唔想一句叫人出去打拼就收筆。因為我係過來人，Lee條路真係好辛苦。好似軍訓咁。

但我就守得雲開見月明。不過我唔知人地有冇我咁既「運氣」,或者係我前夫同我先生都欣賞，景仰我有既 "fortitude" 堅忍不拔。

Love is when the other person’s happiness is more important than your own ~ H. Jackson Brown

私人傳訊

shannon_fky4186

男爵府

積分: 8455

發表於 19-7-2 08:07 |顯示全部帖子

Fhyy 發表於 19-7-2 03:39
同先生係奉女成婚，陀緊6個月開始搬進先生家同你佢屋企人住。好記得岩岩搬入去仲未結婚，佢媽咪點樣睇我同 ...

本帖最後由 shannon_fky4186 於 19-7-2 08:12 編輯

你唔想離婚，咁你唯有忍

你老公同99對你一直唔好，你無能力揾錢脫離呢個困境，咁你老公唔會無啦啦對你好起黎！

你99點解睇唔起你同女家？你好清楚，因為佢覺得你地窮！你點樣可以得到佢尊重？你揾錢多過佢個仔，唔洗靠佢個仔，佢咪要俾幾分薄面你囉！

你老公同99就係知你無能力討價還價，所以咪對你差囉。

私人傳訊

mingmama

男爵府

積分: 9638

發表於 19-7-2 08:45 |顯示全部帖子

pinkcar 發表於 19-7-2 05:56
有啲膠post，宜家咩世代？

如果唔係膠～既然奶奶同老公都對自己唔好～真係趁後生走人好過啦～如果真係湊唔掂個小朋友～就索性留畀佢地搞～你仲後生～無理由為呢啲人浪費時間

私人傳訊

ricky0223

男爵府

積分: 9090

發表於 19-7-2 09:54 |顯示全部帖子

如果唔係膠post

你應該離婚，拎綜緩都好過而家咁

娘家有無地方住？媽媽幫唔幫到手湊bb?
要帶眼識人，唔好再生第二個啦，單親大既你應該好清楚單親既難處，好好孝順母親湊大個bb，拍拖可以，生bb慎重。

私人傳訊

mini1204

翡翠宮

積分: 79224

發表於 19-7-2 10:01 |顯示全部帖子

回覆樓主:

又一個
家計會D宣傳真係好Q廢
用套好難咩

私人傳訊

crystal媽咪

寶石宮

積分: 328948

2024年龍年勳章 2024勳章 2023年兔年勳章虎到金來勳章 2021可愛聖誕B勳章牛年勳章 2018復活節勳章 2018母親節勳章 2018父親節勳章畀面勳章環保接龍勳章 BK Milk勳章

發表於 19-7-2 10:23 |顯示全部帖子

mini1204 發表於 19-7-2 10:01
又一個
家計會D宣傳真係好Q廢
用套好難咩

本帖最後由 crystal媽咪於 19-7-2 13:38 編輯

個個星期都有呢啲post，頂得到就頂，頂唔到就走

私人傳訊

Nancy20090615

瑪瑙宮

積分: 127793

發表於 19-7-2 10:50 |顯示全部帖子

本帖最後由 Nancy20090615 於 19-7-2 11:07 編輯

叫我窮鬼, 我陀住都走左喇, 你要忍係你自己揀的, 呻乜?

隔離个 POST 可以過黎參考下. 唔子飯比人話, 亦無得同朋友去街, 一日湊仔家務湊仔家務 LOOP. 我就係講緊佢將來就係你尼條路.

你有無家用? 隔離舖重要實報實銷.

私人傳訊