夫婦情感

跳至

首頁

尾頁
   1


男爵府

積分: 6112

2019新春慶豚圓 2019勳章


發表於 19-7-6 20:07 |顯示全部帖子
本帖最後由 PTMCYS 於 19-7-6 20:07 編輯

有沒有師兄好似我咁,喜歡食的東西,因為地方不夠整潔舒服,太太不喜歡,每次自己行街才充滿期待去懷念品嘗。。。

今日就自己一个人去了ice fire開倉,之後去了生记食滷味,超正。。。我的浪漫就係食烧味滷味。。。唔係豆腐火腩饭。。。

點評

anna59    發表於 19-7-6 20:33
anna59    發表於 19-7-6 20:33


洋房

積分: 33


發表於 19-7-6 22:31 |顯示全部帖子
PTMCYS 發表於 19-7-6 20:07
有沒有師兄好似我咁,喜歡食的東西,因為地方不夠整潔舒服,太太不喜歡,每次自己行街才充滿期待去懷念品嘗 ...

我最近喜歡榴槤果汁。都是一個人在屋苑附近飲完才回家。就是幾分鐘的時间,非常享受那寧靜的空間和美味的感覺。


複式洋房

積分: 348


發表於 19-7-6 23:31 |顯示全部帖子
回覆 PTMCYS 的帖子

食自己喜歡的食物,而且唔使擔心身邊人是否喜歡,應該可以令自己放鬆一下身心。


伯爵府

積分: 19254

2019新春慶豚圓 2019勳章


發表於 19-7-7 01:13 |顯示全部帖子

回覆樓主:

恭喜你,你咁易滿足,你同你太太都會好幸福。

點評

rainbowchuuu3    發表於 19-7-17 12:45

唔好點評我


侯爵府

積分: 21074

2019新春慶豚圓


發表於 19-7-7 07:46 |顯示全部帖子
PTMCYS 發表於 19-7-6 20:07
有沒有師兄好似我咁,喜歡食的東西,因為地方不夠整潔舒服,太太不喜歡,每次自己行街才充滿期待去懷念品嘗 ...

我先生,同我前夫都係咁。
佢地既浪漫,好簡單。
我前夫同我一齊買餸,咁都係佢既浪漫。
我先生同我一齊排排坐,佢打機,我上BK,咁都係佢既浪漫。


別墅

積分: 817


發表於 19-7-8 10:47 |顯示全部帖子
幾好吖!

我鍾意行下鴨記,對方唔介意陪我行一陣,但反而係我怕佢俾其他男人撞到佢,係我唔准佢陪我行,等我自己放工抽1個鐘行完先返屋企... 都算享受下男人的浪漫既~


男爵府

積分: 5675

2019新春慶豚圓


發表於 19-7-9 16:51 |顯示全部帖子
我覺得男人的浪漫是要自己一個人進行的
樓主請繼續
我老公完全同你一樣
我不知幾贊成


侯爵府

積分: 21074

2019新春慶豚圓


發表於 19-7-10 06:30 |顯示全部帖子
回覆 PTMCYS 的帖子

我唸我係有女人的浪漫。我先生唔食海產,我好鍾意食海產。
但由於佢唔鍾意,我年海產都唔買翻屋企。
有日自己一個出街辦事,佢叫我響外面食埋午餐先翻去。
我就趁此機會去一家 非洲某小國文化 餐館,自己食左一整條魚。


大宅

積分: 3403

2019新春慶豚圓 2019勳章


發表於 19-7-11 09:31 |顯示全部帖子
到時到候有私人時間私人空間係好嘅, 只要做的事 (行街買衫食臭豆腐榴槤睇玩具模型等等) 唔係傷害另一半就係所謂浪漫.
さようなら Sayōnara   [em:3:   


男爵府

積分: 6112

2019新春慶豚圓 2019勳章


發表於 19-7-13 14:22 |顯示全部帖子
nonola 發表於 19-7-6 22:31
我最近喜歡榴槤果汁。都是一個人在屋苑附近飲完才回家。就是幾分鐘的時间,非常享受那寧靜的空間和美味的 ...

我和家人都喜歡榴槤, 所以有榴槤的東西, 就會等埋太太和仔仔一齊食...

有個人空間的時候, 等腦袋寧靜下, 反思下, 係好舒服... 我個人比較靜..... 思考比說話多.. 少少的時間, 已是享受, 就是十分簡單...


男爵府

積分: 6112

2019新春慶豚圓 2019勳章


發表於 19-7-13 14:53 |顯示全部帖子
Perpersis 發表於 19-7-6 23:31
回覆 PTMCYS 的帖子

食自己喜歡的食物,而且唔使擔心身邊人是否喜歡,應該可以令自己放鬆一下身心。 ...


係, 可能兩三星期才有一次, 已足夠.....

記得有次跟太太星期六下午搵野食, 我問她, 她總是沒主意, 見到"茶木" 無咩人, 立即走去等位, 她接著來, 說貴...兩個人都二,三佰, 我話士旦啦, 預左咁上下, 最緊要坐得舒服.. 跟住佢話只愛"茶架"的下午TEA 甜品, 但午餐唔值... 佢拉我走, 話去街市好過...

我心諗, 有無聽錯 , 居然主動話去街市(佢知我鍾意食一檔), 我問佢係咪挖個窿比我踏, 一陣又E 樣果樣架, 我怕奶妳野喎...., 佢話唔會, 咁我就好開心, 快快咁拖佢去街市, 食我鍾意食的牛腩雞翼面, 仲要加支細可樂....

去到檔口, 幾多人下, 見有枱就快食完, 我笑笑口, 等下啦, 好快架! 佢望兩望, 指住隔離檔話個邊有位, 去隔離食啦... 我心諗佢緊係見到個場咁多人又唔好坐, 突然改變主意啦 .., 我話食野緊係好野才多人, 唔會揀多位但唔好食嘛, ..... 一會後, 我地坐下來, 佢又選擇困難, 我好快幫佢點左野食, 我話街市檔D 人好快, 等唔切妳慢慢諗來點野食架.... 跟住D 野食來, 我好享受同太太講, 睇下D 牛腩入口即熔, 雞翼入味彈牙, 加埋蔥花青味, 這就係點解我成日想黎的原因喇, 我用件雞捶換左佢2件牛肚, 跟住食食下, 見佢唔食件雞捶, 問佢做咩唔食.. 佢話只食雞中翼 , 我話好啦, 即刻比左我件心愛的佢.... 我食完就好滿足, 但佢話坐得唔係好舒服, 下次盡量唔好黎... .

男人的浪漫就係咁樣黎....







男爵府

積分: 6112

2019新春慶豚圓 2019勳章


發表於 19-7-13 15:02 |顯示全部帖子
你好嗎 發表於 19-7-7 01:13
恭喜你,你咁易滿足,你同你太太都會好幸福。

人有機會就要向前, 另一方面, 要有知足的心態來平衡, 提醒自己已有比人好的東西, 就算失敗了都不要太介意和自責, 已曾努力過已經沒話可說, 不竟曾有過機會......


在自我的空間, 會在寧靜的環境下思考一下, 原來食店的人, 來去沖沖, 但就是食喜歡的一碟飯, 已是個自我的加油站, 滿足可以好簡單, 亦可令自己鬆弛.



男爵府

積分: 6112

2019新春慶豚圓 2019勳章


發表於 19-7-13 15:15 |顯示全部帖子
858D 發表於 19-7-7 07:46
我先生,同我前夫都係咁。
佢地既浪漫,好簡單。
我前夫同我一齊買餸,咁都係佢既浪漫。

我都會和太太去街市買餸, 我有時會變好小男人, 會跟D C9 大媽逼去買野, 太太唔係個D 人, 我會叫佢係出面等, 佢就好似個女咁, 等爸爸逼完買野出黎帶佢走咁, 乖乖係出面等....

機我已少打, 太多野做, 有空會選擇休息, 游水, 行街, 買餸煮飯或照顧親人, 如果打都只係與仔仔親子地打, 記得仔仔小學的家長營, 遊戲要他寫, 最希望跟爸爸做的事, 他寫的是跟爸爸打機, 所以我都盡量珍惜這個機會, 記得當時我係成日罰他, 關係好差的.

我對仔係不夠細心, 好多時忍不住發他很大的脾氣, 所以亦在學習對他的EQ 處理中. 太太知我脾氣大, 會用wechat 打一大遍文章提示我, 太太都好多時做磨心, 所以情況唔係妳們見到, 她都會受我氣的.... 所以某D 位我會讓她的.


男爵府

積分: 6112

2019新春慶豚圓 2019勳章


發表於 19-7-13 15:27 |顯示全部帖子
Heman2001 發表於 19-7-8 10:47
幾好吖!

我鍾意行下鴨記,對方唔介意陪我行一陣,但反而係我怕佢俾其他男人撞到佢,係我唔准佢陪我行,等 ...

我以前都好似你咁, 去電腦展仲攬到老婆實一實, 記得有次係花園街佢比個亞伯手肘撞左下, 起初我不知, 因老婆行前, 之後老婆講我知, 我轉身佢已經很遠, 我當時有點衝動, 想搵過機會襯人多click 跌佢, 跌左都唔知邊過整佢個種又或當意外(細個時有試過玩), 但唔想衝動出事, 考慮處理中, 老婆拖我走, 話算...

我以前放工都有時自己行, 但生左仔就好少私人時間, 現在仔仔升了中學, 開始有返了.....

點評

Heman2001    發表於 19-7-15 10:58


男爵府

積分: 6112

2019新春慶豚圓 2019勳章


發表於 19-7-13 15:29 |顯示全部帖子
LeBlue 發表於 19-7-9 16:51
我覺得男人的浪漫是要自己一個人進行的
樓主請繼續
我老公完全同你一樣

個人自我空間好享受的, 唔需要找其他女人, 反而更煩...

點評

LeBlue    發表於 19-7-15 09:14


伯爵府

積分: 19967


發表於 19-7-14 00:50 |顯示全部帖子
男人ge浪漫好簡單,佢地擁有自己ge私人時間就可以啦

好似我老公咁,佢覺得佢ge浪漫就係自己出去揸下車(其實係飛車),佢已經係覺得係佢ge浪漫同放鬆ge方法

仲有就係擁有佢自己私人ge空間,我地買屋時我同佢講到明佢個office佢自己鐘意想點就想,到宜家佢買完d之前我唔比佢買放係屋內ge野放係佢自己ge office,佢就覺得係佢ge浪漫


侯爵府

積分: 21074

2019新春慶豚圓


發表於 19-7-14 02:08 |顯示全部帖子
PTMCYS 發表於 19-7-13 15:15
我都會和太太去街市買餸, 我有時會變好小男人, 會跟D C9 大媽逼去買野, 太太唔係個D 人, 我會叫佢係出面等 ...
父子一齊打機,好吖。我先生又係會約D仔打機既。同佢 (step) son 打機,到佢自己同前妻生既細仔夠大,又同個細仔打機。仲會同佢地搵功課,做埋補習教師,佢前妻學過都唔記得曬。而家個細仔讀大學,放假翻來住,兩父子又一齊打機。吖仔打機好得意,好似人地男人睇打波咁「嘈喧」。使得成間屋熱鬧好多,好有陽氣。而家吖仔讀名牌大學(我先生當時果間),我先生都未斷到補習教師既尾。吖仔去到大學程度既微積分,都要同我地開網上會議同佢一齊做功課。遇上我先生最唔掂既果一環,好在係我掂既而且還記憶猶新(因為我讀理工科唔係靠死記嘛),我都做埋吖仔既補習教師。
我覺得一齊教仔女 (無分你我)又係我同我先生既浪漫。我好鍾意同我先生同工去幫助他人,因為我兩辦事好夾,有效率得來又順心。好似上次我地度假,去到朋友果個城市,遇上她離婚要賣屋(會再買屋)但資金週轉不來,又要趕住交屋,她前夫乜都幫倒忙,我和先生一齊去幫手維修清潔她要賣既屋,出錢又出力。她也感動我兩的齊心,把我們度假的日子用在為她而做的免費勞工上。我認為把與愛人度假時間花在幫助人方面 比 去嘆世界 來得更浪漫同有意義得多。我先生可能 就慣 佢前妻D「各家自掃門前雪,莫問他人瓦上霜」的作風,好猶豫地問我如此與他度過「二人世界」的假期究竟有冇怨氣或失望或不滿。我當然不會有任何負面思想同情緒啦,而且還極力支持呢。

講到教子女上既不同策略,我都有因細仔讀到大學都要翻來求助於父親,而唔係磨練下自己既交際能力,teamwork 技術,去搵同學一齊研究功課 而同我先生平心傾過。
佢D有錢人家長大既子女,慣性從小就私補習大既,邊樹好似我地以前細個咁窮孩子,都係自己理自己大既,早就「輸在起跑線上」,但就磨練出自立能力強。


公爵府

積分: 27410

2019新春慶豚圓 2019勳章


發表於 19-7-14 07:58 |顯示全部帖子

回覆樓主:

其實有時我都想有啲私人時間,想約多啲朋友出下街,但我c6就唔係咁喜歡。(我冇乜帶埋佢一齊出去飯局的)因同朋友傾既話題,佢都唔明(中同就當然講舊時 ,女人就講女人野或另一半,同事就講公司是非

搞到我都疏遠左不少朋友


男爵府

積分: 6112

2019新春慶豚圓 2019勳章


發表於 19-7-14 08:38 |顯示全部帖子
mrs.tan 發表於 19-7-14 00:50
男人ge浪漫好簡單,佢地擁有自己ge私人時間就可以啦

好似我老公咁,佢覺得佢ge浪漫就係自己出去揸下 ...

係架, 有部自己的車已是很好的個人空間, 我都有考慮過, 但暫時都唔考慮住, 想集中在再添物業, 仔仔教育, 失業儲備/退休, 照顧老人家方面, 而且我經常不在港, 在家亦很忙, 很疲倦, 買車對我都係奢侈品....

所以一餐喜歡的碟頭飯, 暫時都係我最便宜的浪漫....

以前有買下figure, 但現在沒有了, 位置都給仔仔佔據了...



男爵府

積分: 6112

2019新春慶豚圓 2019勳章


發表於 19-7-14 09:35 |顯示全部帖子
本帖最後由 PTMCYS 於 19-7-14 10:03 編輯
858D 發表於 19-7-14 02:08
父子一齊打機,好吖。我先生又係會約D仔打機既。同佢 (step) son 打機,到佢自己同前妻生既細仔夠大,又 ...

那我和我仔仔沒有妳現在那麼家庭狀況那麼好和幸運了.... 我係在香港名牌爛仔brand 5私校畢業, 課室內有幾幫黑社會, 加上其他學校踢出來的學生, 校內就是見人打架, 自己又參與打架, 賭錢, 係個小型監獄咁.... 當然係裡面學到的, 係生存能力, 唔好比人蝦但又唔蝦人係基本, 但記著一點, 在一個好差的環境, 只不過係因為某些原因而導致, 要記著自己只是過路, 不會停留, 人家當你係垃圾唔緊要, 最緊要自己話比自己知唔係, 並向應有的價值觀追回上來, 走出困境才是最重要.....

我有同學入了黑社會, 坐了監, 出冊做了酒保, 最後都難離圈子, 橫死街頭. 我亦有同學三十出頭已做了項目總工程師, 條路點行係自己揀的.... 在學習上我沒有太多可以教仔仔, 我只會教他怎樣做人, 怎樣看事情和處理, 希望在他失敗的時候我仍在他身邊支持他, 灌輸他家庭的觀念, 不但對父母負責, 還要對家太太和兒子負責的人.....

輸在起跑線已是沒法, 希望他能及時努力, 有個挑戰自己的心和堅持, 處事公道合理, 盡了力, 做事前了解後果和負責任的人已足夠.

而我兒子, 出奇地嬰兒已跟我們對著幹, 他係易養難教的反叛型, 而太太藝術家自由型, 與我的理念不同, 教仔衝突很大, 我家姐的仔女大部份入到好學校好大學, 亦會對我們教法有說話, 我既要維護太太, 又要處理兒子, 太太的分歧, 在心路的演變, 堅持真不易處理, 妳見我現在很好, 但不是一帆風順, 吃了不少苦頭, 思想鬥爭的.

其實女人跟男人有點不同, 女人可選擇男人來改變生活, 但男人比較難.

首頁

尾頁

跳至
熱門主題
你需要登錄後才可以回帖 登入 | 註冊