0-6個月

跳至

首頁
12

尾頁
   0


複式洋房

積分: 112


發表於 19-7-9 15:32 |顯示全部帖子
呢家我返工, 平時都係奶奶湊...我個囡呢家仲有個幾星期先足3個月, 我奶奶好耐之前就叫我地買部學行車俾佢坐。
到左琴日, 佢話買部學行車俾佢坐, 佢鐘意行去邊就行去邊, 我就同佢講咁細個唔坐得學行車。

之後佢就一副食鹽多過你食米既口吻同我講, 有邊個小朋友唔坐學行車? 以前個個都係咁坐, 點會有問題。
琴日我就COPY左成堆野俾我老公睇, 坐學行車點唔好, 就算坐都唔應該咁早坐同埋坐得太多, 邊有可能未夠3個月就俾佢坐學行車?

我收工返到屋企問我老公有冇睇我SEND俾佢D野, 佢話佢同左阿媽講左, 唔買架啦, 之後佢話佢媽發脾氣。
之後同佢傾返, 連我老公都覺得係我有問題, 人地以前都係咁坐學行車架啦, 係我麻鬼煩上網睇埋D無聊野先唔俾個囡坐學行車。

我琴日有一刻好想抱埋個女離開屋企, 我覺得好恐怖...定還是未夠3個月係真係可以坐學行車?
我睇左好多文章同埋有好多建議, 都唔會建議咁早坐學行車, 同埋女仔個盤骨生育係好重要, 點解咁心急呢??

我呢家好想搵人呻下開解下我...我真係好灰心...我係咪要抱埋個女自殺佢地先會尊重我同埋聽我講既意見?


複式洋房

積分: 318

2019新春慶豚圓


發表於 19-7-9 16:44 |顯示全部帖子
抱埋個女番娘家啦!忍佢無意思,棧激親自己!

你觀念好正確,現今育兒係唔贊成學行車,以免嬰兒受傷。時代一直進步緊,唔通仲用30年前湊仔方法咩。

我只覺得,連老公都唔撐自己,真係心_淡。但你亦唔洗自殺咁大獲,為左啲衰人自殺唔抵!為左自己同女,最好番娘家住一排,發番奶奶同老公脾氣,比啲顔色佢睇!好憎啲奶奶同老公唔體諒產後媽媽,用條命去為你頭家生育,換黎咁差既對待,視bb媽媽如無物!好嬲呀!我唔會咁委屈去忍囉!走左一天光晒!番娘家請工人湊仲順心順意!


大宅

積分: 1152


發表於 19-7-9 17:23 |顯示全部帖子
唔好理你奶奶,加拿大政府已經禁用學行車因為太多負面影響同意外,其實學坐,先學爬,學企,再學行,叫你奶奶唔需要咁急,Bb 遲早識行,無謂急在一時令bb有影響。邊有人3個月用學行車,完全唔make sense.


大宅

積分: 1756

2019新春慶豚圓 2019勳章


發表於 19-7-9 17:28 |顯示全部帖子

回覆樓主:

理得佢呀,成日拎舊時d野講,以前d bb有問題唔通會有google可以睇到咩,做呀媽唔緊張個囡仲有邊個緊張?


別墅

積分: 606


發表於 19-7-9 18:00 |顯示全部帖子
回覆 芷芷媽媽 的帖子

佢都識講係 學行車!宜家個b坐都未坐得穩 又未爬 禁快想學行? 佢仲禁細個 唔會有意識想行黎行去 最多想人抱 對腳根本唔會知行路係點協調! 其實你奶奶係咪想放低佢唔洗成日要人抱禁癡身咋?不如買個搖籃放呀b落去坐下訓下好過啦 或者買個地墊上面掛左d公仔嗰d 等佢訓喺地下玩 起碼到8,9個月先好諗學行車呢個玩意 咁樣同宜家直接比飯仔佢食無分別 直叫佢坐廁板自己痾屎一樣


複式洋房

積分: 371

2019新春慶豚圓 2019勳章


發表於 19-7-9 20:45 |顯示全部帖子
仲有得買咩?同佢講已經冇人賣呢d.


別墅

積分: 553


發表於 19-7-9 20:53 |顯示全部帖子
芷芷媽媽 發表於 19-7-9 15:32
呢家我返工, 平時都係奶奶湊...我個囡呢家仲有個幾星期先足3個月, 我奶奶好耐之前就叫我地買部學行車俾佢坐 ...

其實我細個見過好多小朋友坐學行車整親,扭親腳,所以我對學行車係有恐懼感,仲要個小朋友一歲,扭傷腳入醫院。
我朋友個B一歲,依家岩岩識企咋,三個月比學行車真係離晒譜,如果奶奶唔想抱,買張BB凳、搖搖椅仲好啦,或者放係網床入面。
你唔好睇唔開,大不了唔撈全職湊。


複式洋房

積分: 193


發表於 19-7-9 22:49 |顯示全部帖子
三個月腳仔都未夠力企 仲話學行


複式洋房

積分: 357

2019勳章


發表於 19-7-9 23:15 |顯示全部帖子
甘細個邊有人坐學行車架,坐起度太耐都唔得啦,真係要坐都要起碼6個月後啦⋯⋯痴線!俾我彩佢地都有味,抱阿女走啦..唔好害左個細路!


大宅

積分: 3147


發表於 19-7-9 23:38 |顯示全部帖子
佢老人家可能年代久遠已經記得唔多清楚。BB係可以坐學行車,但唔係3個月左右咁早。
都未坐穩,又未學行,點坐得穩學行車呀?
你試吓語氣好啲同佢講:「學行車都係好提議嚟嘅,不過而家3個幾月就太早啦,佢都未坐到,點坐學行車呢?啲學行車嘅盒都有寫明係比8-10個月以上嘅BB玩架。
佢坐唔穩,吓吓要奶奶你彎腰磅住佢都傷你腰架。遲啲先諗啦。」
又或者,其實你屋企除咗床仔之外,有無嘢比阿B可以活動吓或攤吓?會唔會係佢老人家覺得照顧BB好攰,所以想放佢坐學行車然後自己就抖吓?


男爵府

積分: 5715

2019新春慶豚圓


發表於 19-7-9 23:38 |顯示全部帖子

回覆樓主:

本帖最後由 莫失莫忘 於 19-7-9 23:41 編輯

如果奶奶會為呢d事發脾氣,樓主要有兩手準備,怕奶奶突然因爲其他意見不合而發爛咋話唔湊。

你老公就...完全係鴕鳥行為。為左唔想煩到自己就怪你與時並進上網查育兒資訊。樓主睇黎之後有排勞氣。

同意樓上其他jm講,買張bouncer搖搖椅俾bb坐。bb可以望到野通常冇咁扭抱。


複式洋房

積分: 446


發表於 19-7-9 23:43 |顯示全部帖子
芷芷媽媽 發表於 19-7-9 15:32
呢家我返工, 平時都係奶奶湊...我個囡呢家仲有個幾星期先足3個月, 我奶奶好耐之前就叫我地買部學行車俾佢坐 ...

帶埋奶奶去搵醫生問 講真
學行車真係唔好


大宅

積分: 2046

2019新春慶豚圓 2019勳章


發表於 19-7-10 07:52 |顯示全部帖子
芷芷媽媽 發表於 19-7-9 15:32
呢家我返工, 平時都係奶奶湊...我個囡呢家仲有個幾星期先足3個月, 我奶奶好耐之前就叫我地買部學行車俾佢坐 ...

你冇問題呀,四大長老個一代係興坐學行車,因為放底佢地唔洗點睇住,但其實坐學行車對小孩子腳踏車發展唔好,我老爺成日叫我買架,我話我咩都會買比bb玩,但就唔會買學行車,仲有你個b先3個月,頸都字完全硬曬,點可以比佢自己坐


洋房

積分: 99


發表於 19-7-10 09:46 |顯示全部帖子
芷芷媽媽 發表於 19-7-9 15:32
呢家我返工, 平時都係奶奶湊...我個囡呢家仲有個幾星期先足3個月, 我奶奶好耐之前就叫我地買部學行車俾佢坐 ...

爬係好過行,唔洗迫佢地學行,爬多d對大腦好呀,同埋學行車真係對bb唔好喎,你要堅持呀!!反面都係甘話


大宅

積分: 1323

2019新春慶豚圓 2019勳章


發表於 6 天前 |顯示全部帖子
腰都未直
骨都未硬
坐都未坐穩
坐咩學行車呀


大宅

積分: 3067

2019新春慶豚圓


發表於 6 天前 |顯示全部帖子
其實你同你奶奶講咩都冇用佢係唔會尊重你嘅意見,你越講佢分分鐘同你唱反調仲害咗個女。建議你自己湊番先係最明智,錢以後可以再搵過。依家慳慳地靠你老公份收入頂住先


大宅

積分: 3067

2019新春慶豚圓


發表於 6 天前 |顯示全部帖子
你個女而家先咁細個已經有咁大分歧,之後更加不堪設想,我個仔係有坐學行車但係講緊係已經七八個月,俾佢坐住一陣方便做家務每日共唔可以超過一至兩小時


大宅

積分: 1049


發表於 6 天前 |顯示全部帖子

回覆樓主:

本帖最後由 michellebbb 於 19-7-12 16:58 編輯

奶奶係咪痴線?甘細個腰骨都同頸都未發展完善就坐學行車 企都未企得啦。真係好無知
你冇錯架 堅持.為左bb既健康著想!


男爵府

積分: 7654

2019新春慶豚圓


發表於 6 天前 |顯示全部帖子

回覆樓主:

本帖最後由 pigpiglamlam 於 19-7-12 17:19 編輯

係部學行車冇用,而唔係你。
學行係天性,有日ready就會自己行,唔需要教,我個女完全冇用過呢样野,1歲放手行。


大宅

積分: 1155

2019新春慶豚圓 2019勳章


發表於 5 天前 |顯示全部帖子
我細個就係用學行車,中左落牆角到劏開左額頭聯左幾針,自細有La。你99都神神地,為左部學行車發脾氣。同你c6講辭職做ftm唔洗99湊,佢係你老公理應養你地。錢唔夠就打足2份工,一係就搞掂佢媽咁多嗲。

首頁
12

尾頁

跳至
你需要登錄後才可以回帖 登入 | 註冊