現年45歲的陳煒2008年嫁給細她三年的台灣富商顏志行,可惜婚姻只維持四年便結束,之後她一直保持單身,直至最近守了七年的「Dry砵」終於打破,與任職醫生、現年四十歲的陳國強(Dr.Aldous Chan)拍拖,男友更被網友指似足「大鼻郭晉安」!
日前,她更做「跟得女友」,陪男友到峇里出席醫學研討會,全程甜蜜到爆,旁若無人!據知,陳國強與陳煒一樣是失婚人士,去年六月,Aldous與黃智賢等於中環合資開設醫學美容中心,開張當日,陳煒盛裝到場撐老友黃智賢,兩人亦是當天認識。
[p=28, null, left]記者就新戀情致電陳煒,她回覆:「剛開始,了解中。」問到對方是由認識當天追求她,她表示:「唔係,只係嗰日識,直至最近先開始食飯、互相了解。(咁佢有乜嘢吸引你呀?)唔講咁多喇,畀啲時間了解吓先。」記者亦致電Aldous恭喜對方,他先以「Thank you」回應,之後再問他覺得陳煒有甚麼吸引之處?他則回覆:「我做緊嘢,遲吓再傾。」
呢張相就係佢哋兩個第一日識時影嘅~
一齊切燒豬。
醫生男友都幾有型㗎。
仲有李麗珍。
佢仲同唔少藝人合照過,好似老友黃智賢(左)咁。