時事熱話 今日: 0|主題: 3954

「打壓言論」

你要打壓言論，你先要有打壓言論嘅權。我地有冇權去打壓？冇，依個點不成立。

「圍打警察」

請問示威者係幾時開始有圍打警察行為？據我所知係七月十四沙田衝突。

我唔講警察住，先講示威者。

當日被警察圍堵到商場內，走都走唔到。係一個咁高壓嘅環境，嬲到圍打警察係合情嘅行為。正如林鄭同一哥都講過，警察係咁高壓嘅環境下有失控情況，點解示威者唔會有失控情況。

講番警察，警察由六月十二已經有圍打示威者嘅行為。我認同警察有其職責清場，但圍打已制服嘅示威者根本不合理。示威者被不合理武力對待已逾一個月。正如你地成日講，警察有生命危險唔通唔反擊咩。示威者都係於比人逼入商場冇得走嘅情況下反擊，所以係合理嘅行為。

「圍打反對者」

依個論點，我只想講一句。你住左係深山幾耐？六月三十，七月十四，七月廿一，只有依幾個日子係有警察以外嘅市民受害。六月三十同七月廿一都係撐警人士打反送中人士，七月廿一更有黑幫加入，無差別打到市民頭破血流。七月十四就係我地嘅香港警察打入商場，圍打市民。

我想問，你見到邊到有反送中人士圍打反對者？

「政府有聽訴求」

一句講晒，點解我地訴求係撤回嘅時候，林鄭會話暫緩？

另外我地有五大於求。其中最重要一個係成立獨立調查委員會。我唔明依個訴求有幾難達成，我亦都唔知你地有咩理據去反對。

你話有監警會，種種證據話你知，監警會機制失敗，冇傳召證人權力；幾千投訴個案得兩宗係成功。

你撐警，即係你認為佢地做嘅野係合符警例，咁即係成立獨立調查委員會最終結果係會還佢地清白。

咁反對原因係咩？

「反送中人士比黑幫更似野獸」

我唔知你基於咩準則去達到依個結論。但我諗你係話因為反送中人士先用私刑，所以比黑幫更似野獸。

首先我想講點解係會跟先後次序黎判斷？唔係應該跟手法分別黎判斷係唔係野獸行為架咩？

另外我想知反送中人士用左啲咩私刑。冇錯係有暴力，但暴力集中係邊到？係有立法象徵意義嘅死物同埋不斷使用過量武力嘅警察。

相反，警察同黑幫用嘅武力係邊到？係無差別地襲擊市民，以及將已制服嘅示威者以警棍盾牌抽擊（依啲先係私刑。

如果你因為撐警/討厭示威者而撐埋黑社會，話示威者比佢地「更野獸」，我嚴重懷疑你係已經喪失左自己嘅道德標準同價值觀，因為黑社會本應係社會上人人得而誅之嘅社團。