Hi tcms16 媽媽, 您咁快諗到新計劃, 懂得表達自己需要同搵其他人幫忙照顧BB做得好好呀! BB差唔多滿月, 隨住消化系統成長,佢會慢慢建立有規律食奶時間, 次數會逐漸減少。媽媽可以耐心根據BB嘅需求餵哺/泵奶, 一般約3-4小時餵/泵一次, 因BB而異。晚間即使轉由工人姐姐餵,建議都緊記按BB需要泵奶, 維持奶造量哦~ 媽媽加油呀!
Hi tcms16媽媽, 明白餵哺BB需要好多耐心呀! BB而家仲細, 會需要頻密食奶, 夜晚要起身食奶好常見, 媽媽唔洗心急戒夜奶架! 隨住BB成長會分日夜, 日間食奶漸漸能滿足全日所需, 晚間睡覺時間變長, 就會自然戒左夜奶。一般3至6個月左右會戒到, 每個BB發展不同呀~ 可以試下係日間多同BB玩,晚間屋企保持寧靜清幽嘅環境, 幫助BB分別日夜呀!