babyrabbit2011 發表於 19-10-1 18:54
回覆 rose-mag 的帖子
謝謝妳啊!係啊,其實我之前都上網搵過D小學資料,實在唔多,加上美國地方好大,而 ...
天主教學校?點解天主教?定話你只係想教會學校?
點解我咁問你呢?因為上年我住呢度原本有一間有這百年歷史嘅天主教學校突然結束,原因係學校同家長有極大分歧,我老公朋友嘅仔女由小學到中學都係讀果間,我地都曾經想過俾仔女去,後來去參觀過,同校長傾過計,發現唔係我地要搵嘅學校,所以冇去到,但十幾年來都聽到老公朋友講有關學校嘅嘢,同埋開放日賣物會我地都有去捧場,後來朋友個仔升上高中,畢業後爆俾朋友兩公婆聽,佢以前喺學校被欺凌,唔只同學欺凌佢,老師家長都有份,但朋友兩公婆一直當個仔講大話,直至高中畢業時個仔話想死,佢由K到八年級咁多年被欺凌嘅陰影揮之不去。。。當然朋友兩公婆有責任,對個仔嘅求救掉以輕心。
近幾年呢間天主教學校連番爆出好多新聞,有家長話學校要改變教育方針,行番保守路線,首先唔俾女仔參與做侍奉,之後好多課程要改,規矩要改,所有學生及家長必須係天主教徒,同以前完全唔同。家長唔贊成,開聽証會,校長同家長嘈交,校長對家長好冇禮貌,質問家長,仲手指指,後來一班家長拉隊離場,事後家長寫信去教區投訴,冇耐教區直情決定殺校,所有由K至8年級即時停辦,果陣好似係年頭三月,五月就開始放暑假,公校同私校申請表已於一月截止報名,八月開課,成校家長都好惶恐。
你如果揀天主教學校要了解下佢地教育方針,唔知會唔會同你想搵嘅有出入。
公校就去不同城市教區網上睇下報名程序,一般都係跟你住址去派,除咗三藩市係攪珠,同埋分好幾類學校,各有不同標準。
花旗太太生活在花旗國,留意時差,你問我未必即時答到。