我覺得海雲關沒有特別,因為入順化途經,所以司機介紹可到此一遊,但如不入順化,跟本唔會搭咁耐車去。
我親人在上環一間兌換店換的,聽講茘枝角都有得唱,兌換率不太清楚,但應該同機場、會安差不多。其實個rate最好係喺Han market附近啲金舖兌,但我地尾2嗰日先去嗰到,所以自行喺香港唱定先。我知有人一到步便搭車到金舖唱,其實視乎你行程安排。
餐廳方面,我地對食野冇咩要求,純粹行到邊食到邊。係其中一晚有時間,於是叫阿仔上tripadvisor睇下酒店附近有咩好野食,搵到間叫Viet Food Restaurant (247-249 HoNghinh Phuoc My, Son Tra, Da Nang),食當地野,價錢唔貴,我地8個人叫到成枱野都係$300幾到,你可以上tripadvisor睇睇,佢地website有中文menu同價錢的,呢間都可以一試。另外,去到會安經過morning glory都有試,因為見好多香港人推介過,但我覺得普普通通。最後有間司機話都多香港人去,見tripadvisor都有介紹,叫Nom Bistro,呢間對正條河,主要食個景,食物都OK,價錢一般,如果想影相呃like可以一試。
酒店
第1晚住會安 –
La An Central Boutique Villa
好簡陋,似homestay,個泳池細到無可能游到水。揀佢主要因為佢今年新開,位置近夜巿同古城,有lift,整體來說乾淨企理,員工好nice,早餐冇咩選擇,住一晚還可以。
第2晚住順化 – Villa Hue
佢同時係trainingschool來的,員工helpful,房都夠大乾淨,其餘普普通通。
第3-5晚美溪沙灘 – Stella Maris Beach
呢間揀佢因為今年新開,對正海灘,幾分鐘可到。我地住family room,其實係connectingroom,落地玻璃對正海灘景,朝早可以睇到日出,個view一流。親人住double bed room 同twin beds room,無海景,間房算細,無特別。唯一唔太鐘意係淋浴間同馬桶之間只有半塊玻璃隔住,沖涼水有時會流到馬桶那邊的位置。另外,員工好好,成日好主動同我地傾計,早餐算多選擇。但其實近沙灘對面,全部都係酒店,要住近沙灘仲有好多選擇的。
順帶一提,雖然叫住近沙灘而唔係巿中心,但其實峴港真係好細,基本上10分鐘以內車程一定到巿中心的。
椰子船係包車介紹同幫手book的,玩完都有問佢攞聯絡,你可以上www.hacoconut.com睇詳情。聯絡人係一個後生仔,可以whatsapp溝通,佢英文寫同講都OK,佢地係家庭式生意的,成程大約45分鐘船程,包括用葉編織皇冠、介指等紀念品、釣蟹仔、睇轉船表演、睇撒網、上岸後提供凍水、西瓜招呼,每位12萬盾。