少年成長

跳至

首頁
12

尾頁
   3


民房

積分: 30


發表於 19-8-6 09:49 |顯示全部帖子
大吵大嚷都是宣洩內心不快情緒的一種方式, 像水杯注滿水便要釋出, 其實如果呀女願意跟你們談動漫, 你們可投其所好一齊講, 我都係因為呀女喜歡男團BTS, 所以我才去認識BTS, 跟她多了話題.....慢慢她開始跟我傾心事.....還有青春期的影響, 你可以上網了解吓青春期的心理變化, 便可了解行為背後的原因,
另外小學時, 我呀女間唔中會呻一句半句,有時話同學, 有時話老師, 當時我跟呀女說不用理會她們.....,大人聽下去可能覺得好小事, 但其實父母應站在她們立場, 最重要是必須要先 (認同她們的感受 / 要有同理心), 若話中帶有任何 (評論或批判),絕對起不了安慰作用, 不要輕視她們的痛苦, 記住:耐心陪伴和持續打氣,能點燃患者希望的燈火


洋房

積分: 81


發表於 19-8-7 09:03 |顯示全部帖子
回覆 cspwong 的帖子

多謝你詳細分享,看了你的回覆三遍,也很贊同當中的做法,希望我可以做到 !


別墅

積分: 641


發表於 19-8-12 00:14 |顯示全部帖子
babycws 發表於 19-8-1 15:27
我個女自中一下半學期出事,自小是乖乖女,品學兼優,我哋冇比任何額外練習,或補習班/興趣班給她,我們也 ...

你經過的就是我們兩年前經歷的一切。女兒同樣本來是乖乖女,同樣是中一下學期,失控及生活模式跟你女兒表現差不多。不過她有告訴我們她是被同學欺凌而出事。
同樣是見了很多社工、創傷後輔導員、心理學家也不行。現在她只肯見精神科醫生。
我先生之前因為接受不到女兒的情況,也經常失控罵她,越是這樣,女兒情況越差。後來教育局缺課組的輔導主任介紹我們到家福會找社工,舒緩我先生的情緒,教他先接納女兒的狀況,大家關係有改變,現在情況好得多了。

衪未曾應許天常藍,衪未曾應允花兒常開,衪卻恩許衪的慈愛常在!


別墅

積分: 641


發表於 19-8-12 00:19 |顯示全部帖子
babycws 發表於 19-8-1 15:27
我個女自中一下半學期出事,自小是乖乖女,品學兼優,我哋冇比任何額外練習,或補習班/興趣班給她,我們也 ...

幸好我女兒每天都願意跟我傾心事,雖然漫漫長路,很多時候大家都會感到很難受。實在我發覺我們可以做的,除了給孩子更多的愛、等待,還可以讓孩子知道,我們會陪著她走過。雖然我們仍在困難當中,但我相信終有一天,會雨後見彩虹的!
大家都要加油喔(emoji)

衪未曾應許天常藍,衪未曾應允花兒常開,衪卻恩許衪的慈愛常在!


洋房

積分: 99


發表於 19-8-13 04:56 |顯示全部帖子
回覆 babycws 的帖子

呢位爸爸我祝福你會搵到方法幫你女女!但係我覺得打罵唔係辦法呀!雖然唔係過來人,但係個人覺得如果要解決問題首先要由問題根源出發,而可以尋根嘅唯一方法就係了解你女女,見你個post好似女女都拒絕溝通最好就從佢接觸最多嘅人落手,老師、同學、朋友。或者可以留一下佢平時d notes呀功課睇下有冇蛛絲馬跡。我讀書以前都有過抑鬱,書入面多多少少會畫同寫自己心聲。個人意見,並非專業,只供參考,希望幫到你同你太太啦!


禁止訪問

積分: 212


發表於 19-8-13 13:10 |顯示全部帖子
提示: 作者被禁止或刪除 內容自動屏蔽


禁止訪問

積分: 212


發表於 19-8-13 13:13 |顯示全部帖子
提示: 作者被禁止或刪除 內容自動屏蔽


複式洋房

積分: 223


發表於 19-8-15 17:54 |顯示全部帖子
本帖最後由 Cloud2 於 19-8-15 17:58 編輯

我未有小朋友,不過之前做義工有同青少年相處經驗。
而家d後生有用 Instagram, Snapchat, 抖音, 小紅書等等,
(好似不喜歡用 Facebook)

佢哋除左公開果個 account
可能仲有 private account (或許唔止一個)
或會 block 咗父母師長(如你們都有 Instagram)。
可以開個新 account,試試用佢手機號碼、email等 search 佢有無 account,
或者 search 吓佢的同學、朋友,
先試試有沒有一些線索吧!


洋房

積分: 74


發表於 19-8-16 02:26 |顯示全部帖子
我女兒15歲, 單親. 佢狀況都差不多, 吳肯溝通吳講野, 吳沖涼刷牙. 有時仲吳肯食飯. 不過就未有大吵大鬧. 小學成績top5, 中學成績尾10. 佢個世界就只有部電話.曾經問佢有無比人蝦佢話無, 我想再了解多D佢無從入手. 試過一次真系認無可忍爆左粗...好明顯咁系無幫助. 我一直覺得佢同我住得吳開心, 我都有直接咁問佢佢話吳系, 定系我對佢生活習慣太有要求(都只系叫佢沖涼刷牙先訓, 返到屋企要洗手咁, 都吳敢要求太多)? 同埋太著緊?
我了解吳到佢, 佢亦吳想我了解佢, 我開始覺得, 如果佢跟媽咪住, 會吳會有幫助.
呢個問題須然都常見, 不過發生系自己身上真系好心痛, 一個以前咁親既女兒, 突然變得好陌生, 就好似初戀要分手咁, 好難過, 到底做錯D咩? 想極都想吳通應該要點做, 喊左好耐訓吳著, 女兒真系前世情人無誤......我估應該系我要睇心理醫生輔導


男爵府

積分: 7795

2019新春慶豚圓


發表於 19-8-16 11:30 |顯示全部帖子
回覆 ahjefrey 的帖子

你囡囡既情況應該是單親的影響, 我識一個單親家庭, 當佢兩公婆剛分開時,佢既囡囡又是唔沖涼唔刷牙,但時間可沖淡一切,而家佢囡囡已經正常返,今年中學畢業,成績雖然唔理想,但肯做嘢,已經唔錯.


洋房

積分: 74


發表於 19-8-16 13:15 |顯示全部帖子
回覆 aa06 的帖子

多謝你既意見.我同前妻分開左6年. 當時女兒仲系小學, 我有解釋比佢知爸爸媽媽點解要分開, 佢似明又吳明咁, 表現好正常, 生活開心仲依然好親我. 我以為單親問題呢關已過, 可能佢teenage 先開始感受到單親帶黎影響?
我成日聽人講女兒系比較注重自己內心感受, 屋企又無一個女性角式可以同佢分享內心世界... 我更加吳識同吳明...應該系因為咁所以佢將個心寄託左系網路世界


男爵府

積分: 7795

2019新春慶豚圓


發表於 19-8-16 13:30 |顯示全部帖子
回覆 ahjefrey 的帖子

我朋友離婚時, 她的女兒中二,正處青春期,突然冇了爸爸,仲要爸爸是婚外情離開,所以佢唔開心,唔返學唔冲涼,佢媽媽搵了同學和社工幫佢,大約一年,佢慢慢正常返, 講返你的情況,你的囡囡有冇好朋友,可否叫佢哋幫手開解?又你和前妻有冇聯絡?可否叫你前妻和你囡囡傾傾?我諗青春期的女仔情緒較波動,需要有同齡的朋友傾訴又或是媽媽的陪伴。


洋房

積分: 74


發表於 19-8-16 17:36 |顯示全部帖子
回覆 aa06 的帖子

佢社交活動尚算正常的, 鐘意打排球, 不過就一定吳會交代去左邊, 我只能夠去相信佢吳會呃我.我都有佢好朋友既電話, 佢地小一識到現在升同一中學, 呢個同學品學兼優, 所以有時我都會拜託佢去照顧我女兒. 我都放心佢地吳會學壞. 我有個朋友女兒中二會飲酒界手....
我同前妻吳系好岩, 佢地間吳中有見面食飯, 女兒願意見佢相信佢地關系應該還可以(我女都吳願意跟我去街去食飯), 所以我相信系我教育出問題導致如此. 每日見面對我黎講都系好有挑戰. 青春期女仔都系咁?
返工已經夠攰, 返到屋企想試同佢溝通又失敗, 好多時候好想放棄. 定系佢跟呀媽住會好D?


男爵府

積分: 7795

2019新春慶豚圓


發表於 19-8-16 21:36 |顯示全部帖子
本帖最後由 aa06 於 19-8-16 22:08 編輯

回覆 ahjefrey 的帖子

女兒跟媽媽生活是比較好,但要媽媽沒有再婚的情況下,如果媽媽再婚,佢可能和繼父不和,就咁睇你都好錫佢,相信過了青春期,佢會好些,又或者叫佢參加多一些義工服務或教會活動,咁佢就唔會沉迷手機。


洋房

積分: 74


發表於 19-8-17 22:36 |顯示全部帖子
回覆 aa06 的帖子

希望佢青春期後會好D, 謝謝你!


伯爵府

積分: 15080

2019新春慶豚圓


發表於 19-8-21 20:08 |顯示全部帖子

回覆樓主:


天祐香港


洋房

積分: 71


發表於 19-8-21 21:29 |顯示全部帖子
ahjefrey 發表於 19-8-16 17:36
回覆 aa06 的帖子

佢社交活動尚算正常的, 鐘意打排球, 不過就一定吳會交代去左邊, 我只能夠去相信佢吳會呃 ...

青春期少女是親媽咪多點的。 我女小時不親我,當我透明 和爸爸就情人般 但一到了小五六 他就好親我 弄得我都有點不習慣。現在要我陪瞓 又會主動親我啺我。
到了中學轉了學校 第一段每天上學前都在我面前喊 不想返學。成績不好情緒又不好。我想幫他補習又不肯。另我担心 現在細路仔一不順利就容易有輕生念頭,我不敢太过鬧她。因為我都很閔。又話吾識但又不努力温幫他補課又不肯 我自己都無奈 最後無計可施 走了去拜神。最後送了出去補習社 她領教了出面姐姐的惡才見得媽媽不太惡 才肯准我幫她補習功課 最後她自己都見成績有進步 開始信我那套方法 最後雨過天晴


複式洋房

積分: 183


發表於 19-8-24 07:01 |顯示全部帖子

回覆樓主:

同佢傾多d計

首頁
12

尾頁

跳至
你需要登錄後才可以回帖 登入 | 註冊