單親天地

跳至

首頁
12

尾頁
   2


男爵府

積分: 7308

2020勳章 2019新春慶豚圓


發表於 19-8-7 23:31 |顯示全部帖子
略略講小小背景

結左婚11年,做左八年全職媽,有三名小朋友,自己一手一腳湊大(8歲,6歲半,4歲),冇儲蓄了。
係最細個名小朋友出世後已經想離婚,但因為始終小朋友細,我又冇儲蓄。在2016年左右,我老公第二次打我,個次係叉頸,三個小朋友望哂全程,而我條頸係好多條痕。我忍,因為我冇佢比錢我,我冇可能一時三刻養到小朋友。
2017年曾經嘈過話離婚,我話我三個小朋友都會要,但佢話一定會同我爭大女(我三個都唔可以失去)佢話:你又冇錢,又冇人幫到你湊,你仲要睇緊精神科。

續。。。


男爵府

積分: 7308

2020勳章 2019新春慶豚圓


發表於 19-8-7 23:38 |顯示全部帖子

回覆樓主:

本帖最後由 茶走 於 19-8-7 23:44 編輯

我地有公屋,我係户主
早排醫生寫信比房署建議俾大小小單位我,終於都等到.但我依家真係唔知要唔要,一來我地未搞離婚,二來屋租貴左.
如果要,而我地離左婚,變相我會否變成寬敞户又要搬呢?(我唔係為左要大單位而唔離婚)

我冇儲蓄點離婚?佢睇死我冇錢根本唔會同佢離,因為佢份人一定唔會比膽養費我,佢亦叉過大女條頸,所以我更加想離.

個時我打算等最細個果仔一年班先離,但我好似等唔到,我怕冇左三個小朋友,因為佢始終仲有屋企人可以幫手湊,而我冇,我又要睇精神科,好怕佢捉住呢幾點同我爭

我地分床訓都有5年,淨係識俾家用就乜都冇理.我好似覺得唔同他生活感覺仲開心,輕鬆


大宅

積分: 1061


發表於 19-8-8 00:32 |顯示全部帖子
茶走 發表於 19-8-7 23:38
我地有公屋,我係户主
早排醫生寫信比房署建議俾大小小單位我,終於都等到.但我依家真係唔知要唔要,一來我地 ...

我都係因為家暴而離婚 我好明白你感受 同你唔同嘅係 我係出去搵錢嗰個 我個女1歲幾嘅時候就發生家暴 當時我決定離婚係為左個女 我唔想我個女喺咁嘅環境下長大 決定走嗰刻係需要好大勇氣

而你嘅情況應該要搵托兒服務 照顧小朋友 而你就去搵野做 等正式離婚時 法官見你都有穩定收入 而精神病方面 首先我唔知你嘅病況同程度 如果你情況穩定 可以適合照顧小朋友 你可以叫你醫生寫封信証明 另外 發生家暴時 你要報警 尼点對你離婚爭撫養權点都有利

我由細到大從來無想過家暴會喺我段婚姻中出現 而我係零容忍尼個行為 希望你都可以走出來 加油


男爵府

積分: 7308

2020勳章 2019新春慶豚圓


發表於 19-8-8 01:16 |顯示全部帖子
ivysuen119 發表於 19-8-8 00:32
我都係因為家暴而離婚 我好明白你感受 同你唔同嘅係 我係出去搵錢嗰個 我個女1歲幾嘅時候就發生家暴 當時 ...

多謝你既回應,其實依家我都好迷茫。唔知可以點做
我真係唔可以冇左三個小朋友。
搵托兒服務?但我依家都冇儲蓄,我搵到又點俾錢?
講開呢一樣,今年年頭我有同佢傾過我想番工,但都俾佢否決左
我番早,又話得甘少錢(每小時34蚊,做學校派飯)
番夜又話冇人湊小朋友(但其實佢係屋企可以湊架,只係佢唔想湊)
番通頂m記,又話無謂


男爵府

積分: 7657


發表於 19-8-8 03:54 |顯示全部帖子
茶走 發表於 19-8-8 01:16
多謝你既回應,其實依家我都好迷茫。唔知可以點做
我真係唔可以冇左三個小朋友。
搵托兒服務?但我依家都 ...

有家人可幫手湊嗎?建議你揾社工諮詢吓意見。小朋友由你一手湊大,撫養權通常歸你, 至於你話睇精神科就要睇吓咩事而睇。無錢離婚可揾法援。
家暴絕對不容許,仲要對住大女都叉頸太過份嘞,當時有冇報警?


男爵府

積分: 7308

2020勳章 2019新春慶豚圓


發表於 19-8-8 08:35 |顯示全部帖子
ce3021 發表於 19-8-8 03:54
有家人可幫手湊嗎?建議你揾社工諮詢吓意見。小朋友由你一手湊大,撫養權通常歸你, 至於你話睇精神科就要 ...

我無家人可幫手。
我係抑鬱而睇精神科
當時無呀。

另外亦怕他用獨留兒童家中而爭,因為有時我要接細仔放學,而留大女在家(五分鐘)


侯爵府

積分: 20419

2019新春慶豚圓


發表於 19-8-8 09:19 |顯示全部帖子
茶走 發表於 19-8-8 01:16
多謝你既回應,其實依家我都好迷茫。唔知可以點做
我真係唔可以冇左三個小朋友。
搵托兒服務?但我依家都 ...
其實家暴係唔可以的了,因為男方會如常發生的...你走去問下你社工,睇下點教你,仲有如果你地派大單位,取了先離婚囉,到時可以打999報警話家暴,睇下可唔可以留返間屋.....佢要一個大女咪比佢養囉...
再講到時你揾份工做,小朋友去托兒所,有得留到8點的...你問問社工啦..
工作其間,你可以申請在職家庭津貼又多D.


男爵府

積分: 7308

2020勳章 2019新春慶豚圓


發表於 19-8-8 11:29 |顯示全部帖子
Macusmama 發表於 19-8-8 09:19
其實家暴係唔可以的了,因為男方會如常發生的...你走去問下你社工,睇下點教你,仲有如果你地派大單位,取了先 ...

即係依家要等拎左單位裝埋修先申請?
有樣野唔係好理解,單方面申請離婚要分居兩年,但我自己入紙申請,但對方仍然住係到,甘未離唔到?


侯爵府

積分: 20419

2019新春慶豚圓


發表於 19-8-8 11:48 |顯示全部帖子
茶走 發表於 19-8-8 11:29
即係依家要等拎左單位裝埋修先申請?
有樣野唔係好理解,單方面申請離婚要分居兩年,但我自己入紙申請,但 ...
你問下如家暴,點可以快D離婚...我個時以不合理行為離婚的...住係度但可以到時宣誓話分房分床,只係無錢租屋所以才同一居住...


男爵府

積分: 7308

2020勳章 2019新春慶豚圓


發表於 19-8-10 13:39 |顯示全部帖子
Macusmama 發表於 19-8-8 11:48
你問下如家暴,點可以快D離婚...我個時以不合理行為離婚的...住係度但可以到時宣誓話分房分床,只係無錢租屋 ...

但我依家最擔心既問題係。。。。
我無經濟能力,我一話離婚,佢一定唔會俾錢我地


洋房

積分: 65


發表於 19-8-17 23:45 |顯示全部帖子

回覆樓主:

分房訓已算分居,如撫養權係比你,對方係要比贍養費架。我諗你既情況,先攞屋,有家暴紀錄快揾社工幫手,3個小朋友要留係自己身邊呀;如真沒辦法,先申請綜援吧,你已有情緒病,再咁落去只會更嚴重!你要加油,為自己同小朋友都係要(emoji)(emoji)(emoji)


男爵府

積分: 7308

2020勳章 2019新春慶豚圓


發表於 19-8-24 19:57 |顯示全部帖子
隨緣化境 發表於 19-8-17 23:45
分房訓已算分居,如撫養權係比你,對方係要比贍養費架。我諗你既情況,先攞屋,有家暴紀錄快揾社工幫手,3 ...

甘我都係等到拎左屋先算。。
呢排完全好討厭,亦都好憎我自己,我做唔到教子女要尊重爸爸,一見到佢爸同佢地講野,我就好唔鐘意。


男爵府

積分: 5603

畀面勳章


發表於 19-8-26 09:23 |顯示全部帖子
搞社工幫手, 要為你自己和小朋友安全著想!!


侯爵府

積分: 20419

2019新春慶豚圓


發表於 19-8-27 09:26 |顯示全部帖子
茶走 發表於 19-8-10 13:39
但我依家最擔心既問題係。。。。
我無經濟能力,我一話離婚,佢一定唔會俾錢我地
...

係架,你的CASE,離婚,佢好大機會唔比錢你囉...不過你可以申請法援離婚同取撫養權,如果佢要同你爭小朋友的話,仲有揾埋社工幫手,因為佢地可以同你仔女傾下佢父親點影響佢地,同埋父親點樣恐怖...

你自己揾下工作囉...
搞離婚時,問問社工,係你未揾到野做時,可唔可以幫你申請綜援先


男爵府

積分: 7308

2020勳章 2019新春慶豚圓


發表於 19-9-7 00:01 |顯示全部帖子
Macusmama 發表於 19-8-27 09:26
係架,你的CASE,離婚,佢好大機會唔比錢你囉...不過你可以申請法援離婚同取撫養權,如果佢要同你爭小朋友的話 ...

今年我最細個仔排到去協康會上堂,一星期一日,即係一個月請四日假,仲未計覆診日期,有無工會請我呢啲甘麻煩既人


男爵府

積分: 7308

2020勳章 2019新春慶豚圓


發表於 19-9-7 00:03 |顯示全部帖子
隨緣化境 發表於 19-8-17 23:45
分房訓已算分居,如撫養權係比你,對方係要比贍養費架。我諗你既情況,先攞屋,有家暴紀錄快揾社工幫手,3 ...

唉,我本身以為過左一段日子,自己感覺會好啲,但原來感覺好深,想離婚離唔到真係好辛苦。

好多野去諗


複式洋房

積分: 179


發表於 19-9-7 10:31 |顯示全部帖子
我都係家暴離婚,離開左約1.5年時間,當時我係即時報警。有紀錄 有醫院驗傷 有社工 小朋友當時得5歲。翌日我搵律師攪離婚。用不合理行為去做離婚依據。但嗰陣時我律師話。贍養費同小朋友嘅生活費係兩樣野 如果我係有工作當然佢有權唔俾贍養費但係小朋友嘅生活費佢必須要承擔


複式洋房

積分: 179


發表於 19-9-7 10:35 |顯示全部帖子
同埋嗰時律師都話。小朋友嘅生活費係應該隨着佢嘅成長而有所改變 所以呢個數目係可加可減 (當然香港來講一般都係有加冇減)
同埋呢你嘅情況我覺得你可以問社工睇下有啲咩情況政府可以幫到你或者減輕你嘅經濟負擔

個人嘅經驗並不一概而論 但我個人覺得男人通常打開一次就會陸續有來。我都係俾佢打咗幾次先報警。我都覺得自己蠢左


洋房

積分: 65


發表於 19-9-8 21:52 |顯示全部帖子
茶走 發表於 19-9-7 00:03
唉,我本身以為過左一段日子,自己感覺會好啲,但原來感覺好深,想離婚離唔到真係好辛苦。

好多野去諗

時間係最好既治療方法,比多 d時間自己去接受,其實我搬走到宜家已經3年半,我自己同小朋友已接受現況,但唔好既回憶依然記憶猶新,難以忘記,甚至已無哂任何好既回憶!傷口須要長時間先可癒合!(emoji)(emoji)(emoji)


侯爵府

積分: 20419

2019新春慶豚圓


發表於 19-9-9 09:02 |顯示全部帖子
茶走 發表於 19-9-7 00:01
今年我最細個仔排到去協康會上堂,一星期一日,即係一個月請四日假,仲未計覆診日期,有無工會請我呢啲甘 ...
比D時間去沖淡吧,如果你離婚了,可以做一D炒散工,自己安排的...

我有朋友,佢無FULL TIME JOB,全部炒散,佢可以安排自己時間唔返工,去陪個女,同去RELAX下...
你也可以的,你的小朋友係正常的.我朋友小朋友係唔郁得,佢仲有一個仔...
人地可以甘堅強...無野係做唔到的,睇你想唔想行出呢一步...同有無呢個心姐...

一下你忍下...囉..無計...或許揾父母幫下你囉...
可以講,我識甘多單親媽媽或爸爸,都好堅強,個個都做得好好,過得幸福...唔係要生要死,或成日埋怨...

首頁
12

尾頁

跳至
你需要登錄後才可以回帖 登入 | 註冊