chocolatebean 發表於 21-1-21 00:05 
ROSE,
想問下你有冇留意 吳倩呢位演員? 我睇緊這個世界, 佢做女主, 樣子好細個, 配張魯一, 演技好嫩下又 ...
吳倩唔細架啦，28歲，佢個樣就生得細，同埋笑起嚟都幾甜，同期同類型女演員裡面，佢算唔錯，都唔少戲演，佢都幾犀利，18歲就自嘅拍影集放上網，20歲參加樂視網《我為校花狂》全國校花大賽獲得「最受觀眾歡迎獎」。同年1月11日，吳倩獲得2011湖北小姐最佳上鏡獎 。2013年又得武漢大學2012年"珞珈十大風雲學子"稱號。同年底簽約華策影視影視公司。佢都幾積極，同埋知道自己想要咩，佢片約好多，一套一套由配角到主角，《隋唐英雄4》《少年神探狄仁傑》
《鹿鼎記》，不得不提《何以笙簫默》，佢演少年趙默笙，《我的奇妙男友》《擇天記》《上古情歌》《如懿傳》，主演戲之後好多：《盛唐幻夜》《夜空中最閃亮的星》《我只喜歡你》《冰糖燉雪梨》《黑色燈塔》《這個世界不看臉》，待播仲有《錦衣夜行》《歲食記》《八零九零》
《我們的新時代》，黑色燈塔見到佢都想轉型，唔係齋演偶像劇，可惜套劇衰收尾，但總觀係OK嘅。
對比同期90後陸劇女演員，論樣論演技，佢唔夠譚松韻、熱巴、楊紫、李一桐、李沁，但佢都幾識揀戲，以佢生得細個又幾甜嘅樣，演唔少校園劇、青春劇，咁大頂流演員唔會演小製作或者不屑演某類劇種，就算肯演都未必可以演得到校園劇、青春劇，叫熱巴著校服扮細唔得囉，楊紫喺親愛的熱愛的演大學生還OK，點都好難再演高中生。比同佢差不多類型嘅梁潔好好多，不過佢個樣細又係一個問題，局限咗戲路，so far我都幾OK吳倩，演技唔算差，亦冇咩負面新聞，緋聞都係一直傳佢同張雨劍，又唔多見佢炒作新聞。
花旗太太生活在花旗國，留意時差，你問我未必即時答到。
發表於 
甜劇完全唔可以
返回列表
