無聊煲咗套舊劇《我只喜歡你》,校園青春成長收獲愛情,好甜亦有意思,幾個主角家庭背景不同,父母以不同方式愛護仔女,當中人物係高中同學,戀愛過程中令人成長,成長中亦令佢地重新審視自己,當中好多情節都有意思,全劇都係正面訊息,35集唔係好拖,唯一係最初倒敘、現在幾個年代發生嘅事穿插有少少亂,不過後面就冇咁多時空交錯。
女主角吳倩有少少似唐藝昕,但少女味重好多,扮高中生完全冇違和感,男主張雨劍演有潔癖有強逼症嘅學霸,兩人磨合到相愛相分再重逢幾自然,有分鏡講番兩個人嘅想法幾好。趙志偉演嘅雙胞胎學霸妹控哥哥幾得人鍾意。另外肥仔大川好可愛又搞笑。
花旗太太生活在花旗國,留意時差,你問我未必即時答到。