大宋完全未開,司藤龜速中,諗住叫埋老公嚟,但佢話愛情劇冇咩興趣,我話D景好靚,佢就一邊玩手機一邊"睇",Youtube見到有套大陸動畫好正,叫枕刀歌,暫時出咗第一季,公仔畫風場面都拍得住日本動畫,不過未完好吊癮。
八零九零講養老院同老人問題,難得係原創劇本,老演員全部都係老戲骨,如果劇本唔太差,應該會好睇。另一部壓咗4年上映嘅武俠劇武當一劍,改編自梁羽生同名小說,但演員真係唔多識,片花畫面幾正,無聲無息開播咗16集,仲要係央視首播,以為演員唔出名,又壓箱4年一定係質量差,見網民口碑唔錯,或者可以一睇。
花旗太太生活在花旗國,留意時差,你問我未必即時答到。