時政擂台今日: 8|主題: 60065

收藏本版

發帖

返回列表

跳至頁

查看: 4079 | 回覆: 206

港故：吸催淚煙憂胎安危　深水埗準媽媽：早知唔生

[複製鏈接]

12 3 4 5...11

雲迪克

複式洋房

積分: 113

1^#

發表於 19-8-11 14:08 |只看該作者 |倒序瀏覽 |打印

由6月初至今，反修訂《逃犯條例》引發的示威遊行已漫延到全港各區。當「衝突就在家門口」時，令不少原本不熱衷政治的普羅大眾，也開始關注事件。

懷胎約半年的Carly是土生土長的深水埗居民，廿多年來都在區內生活。她說有留意到8月5日晚上深水埗警署一帶爆發的警民衝突，所以當晚她也特意留在家中，不敢外出。直至翌日，她見網上再沒有人號召晚上會到深水埗集會，因此才放心回到警署附近的娘家晚飯。

避不開的催淚煙　憂胎兒受影響

豈料因為浸大學生會主席被捕事件，觸發8月6日晚上有示威者包圍警署，警方再次施放催淚煙驅散。當刻Carly正在媽媽家中，但由於關了窗，因此沒聽到槍聲，也沒聞到催淚煙味，吃飯後她就如常下樓離開，「如果當時我未落街之前，已經知道下面原來亂緊，我係一定唔會出去。」

走到街上，Carly開始發現附近有人群聚集，也聞到一陣不熟悉的怪味，最初她還以為是示威者焚燒雜物，「過咗一陣有個阿叔拉住我，可能見我大肚，叫我快啲走。」最後她從阿叔口中才得知警方剛剛多次施放了催淚煙，「當下聽到催淚彈，開始有啲驚，立即按住口鼻。」

Carly形容那時街坊比示威者多，警察防線一直向前，街坊就一直退後，「我見到嘅係一群束手無策、真係咩都無嘅街坊，同我一樣，(警察)突然之間就咁衝過嚟，旁邊啲街坊唔係擔心自己先，而係擔心我先，叫我快啲走，幫我開路。」最終在街坊護送下，她坐上的士離開。

回家後，Carly擔心的得即時上網搜尋催淚煙對胎兒的影響。有人可能質疑，明知自己身懷六甲就不應去現場，Carly卻用了另一角度看這事，「住喺度嘅街坊，我有必要用自己對眼去睇清楚依家究竟發生咩事。」

時局動盪　曾想一走了之

這個「街頭變戰場」的畫面，加上刺鼻的催淚煙氣味，連日來Carly仍未釋懷，更令她懷疑自己，在香港動盪之時生兒育女是否一個錯誤的決定，「如果早過(懷孕)五個月發生依家嘅事，我會真心考慮係咪應該唔要個BB，連自己安全都保護唔到，更加唔好話保障小生命嘅安全。」她更曾有一走了之的念頭，「都有講笑咁同老公講不如移民，但老公就話我哋係香港人，你離開咗呢個地方，你咩人都唔係。」

兒子將於年內出世，Carly雖然對未來感到憂慮，但她說仍會樂觀面對，「我覺得佢之後係點，佢生活喺香港，要由佢自己大個再算，喺呢段時間，我唔會教佢邊個啱、邊個錯，無論香港最後變成點樣，係好、係唔好，我都夠膽同我個仔講，你媽媽為呢件事付出過一分力。」

今集《港。故》用8分鐘，向大家訴說一個平凡的深水埗準媽媽，在催淚煙中的故事。