6個月-1歲

跳至

首頁
1

尾頁
   1


複式洋房

積分: 200


發表於 19-8-14 10:55 |顯示全部帖子
Bb就9個月,一直以黎都係埋身餵人奶嘅。我阿媽由一開始就話人奶無奶粉好,奶粉唔夠飽肚啊等等下刪100字。。我知佢上一代比廣告洗腦,但由阿b出院佢一有機會就話我唔夠奶,阿b唔夠食所以成日喊,人奶只係水等等。我啱啱生完因為埋身完全無咩點休息,再加上初生bb日喊夜喊,同阿媽嘅說話令我耿耿於懷,我開始成日喊,我覺得我差d有產後抑鬱,好在我老公日日同我傾偈,最後心情都好返d... 我依然係繼續比人奶。直到bb3個月,我阿媽又再提bb愈來愈大,食嘅奶要愈來愈多,話要開始比阿b奶粉。我同佢講我埋身,身體會適應嘅,跟住佢就話咁點解bb夜晚4,5點都起身吖?肯定唔夠食啦~大佬啊,bb9點瞓,4,5點起身有咩問題?3個月都無。。我真係唔明點解bb一喊佢地一定係話肚餓?試過阿媽餵bb食粥,我出街買野,出去前已經同阿媽講個女差不多要瞓,食完比佢瞓晏覺。我返到屋企,阿媽話個女不停喊同扭計,肚餓要沖奶粉比佢。救命啊,你一個鐘前先餵完粥咋
Bb由6個月開始blw, 我一直無比糊或者粥佢。我阿媽又開始有說話比我聽,
話我比阿b食嘅係唔正規嘅食物,無營養,佢呢個年紀嘅bb一定,係『一定』要3餐奶兩餐粥先得。我火都黎埋問佢咩叫唔正規啊?blw每次有肉菜纖維生果,一歲前奶都係主食,而家阿b都食到8,9成盤嘅食物,阿媽都係覺得唔夠,但佢又會好enjoy睇住阿b自己識拎住雞槌食野。因為阿媽會煲粥比阿b食,我唔想side佢心機,所以比佢餵阿b.. 佢餵bb個時不停話bb剩係識好似chu奶咁條脷頂下頂下,唔識開口食,一定係我成日比佢埋身。。真係咁都扯落去餵人奶事。
最近有親戚口多話個b比同期bb手腳無咁長,我比較高有170cm以上,親戚話個bb第時無我咁高,我聽左就算無擺係心,我相信個個bb唔同,況且bb得9個月。我阿媽聽到後當然加多兩句,話因為阿b初頭食嘅唔夠,無營養,唔夠吸收影響發展!真係。。。 唉,我都唔知講咩
其實仲有好多其他野,例如6個月就話要阿b自己學拎匙羹啊,7個月要學行啊,個時仲係爬緊無耐,8個月話要阿b坐痰罐仔唔好比佢就咁痾啊。。如果做唔到呢d野,好鬼輸蝕架等等。。點解要同其他bb比較呢?我bb本身就係一個獨立個體,每個人都唔同,我真係好唔鍾意呢個心態。
其實我阿媽雖然把口咁樣,佢係好錫個孫嘅。不過可能係我玻璃心,想揾地方呻下,否則又黎產後抑鬱


大宅

積分: 3154

2019新春慶豚圓 2019勳章


發表於 19-8-14 11:07 |顯示全部帖子
其實如果係咁嘅情況你最好唔好叫佢幫你湊,只係平時過嚟玩下就得,如果佢過嚟玩都好多說話聽嘅話,可以帶BB出街三個一齊行下會比較好啲


複式洋房

積分: 200


發表於 19-8-14 11:15 |顯示全部帖子
回覆 臭Patpat小B 的帖子

Bb出世到而家都係我自己湊架,無長老無姐姐。通常d人話99好多說話聽,反而我99就無。我阿媽都係一星期黎兩次探bb, 但都夠多說話聽喇


複式洋房

積分: 442


發表於 19-8-14 12:57 |顯示全部帖子
相反我媽好贊成我餵人奶 因為我3姊弟都係飲全人奶大 唔洗理自己以外既人點講 又唔係佢幫你養bb 控制唔到其他人把口就控制自己耳仔唔好聽人奶路好長 媽媽要加油阿

點評

靛青女    發表於 7 天前


男爵府

積分: 5173

2019新春慶豚圓


發表於 19-8-14 13:35 |顯示全部帖子
靛青女 發表於 19-8-14 10:55
Bb就9個月,一直以黎都係埋身餵人奶嘅。我阿媽由一開始就話人奶無奶粉好,奶粉唔夠飽肚啊等等下刪100字。。 ...

唯有左耳入右耳出, 替jm你慘呀媽成日質疑自己

點評

靛青女    發表於 7 天前


別墅

積分: 514


發表於 19-8-14 21:36 |顯示全部帖子
全人奶冇問題呀 好多bb全人奶到自然斷奶 你bb仲要咁叻blw成功 湊得好好呀
我覺得你當媽媽講野耳邊風啦 有啲長輩就係鍾意比較 尤其身邊開始多bb就會同人比較 我媽都會 我都會同佢講唔好比較 個個成長都唔同 佢都試過想幫bb戒片(嗰時先13個月)我都同佢講bb如果未準備好會有心理陰影佢都肯聽 搵多啲文章新聞俾佢睇下囉

點評

靛青女    發表於 7 天前


民房

積分: 6


發表於 19-8-15 04:49 |顯示全部帖子
靛青女 發表於 19-8-14 10:55
Bb就9個月,一直以黎都係埋身餵人奶嘅。我阿媽由一開始就話人奶無奶粉好,奶粉唔夠飽肚啊等等下刪100字。。 ...

我都係 自己呀媽好多說話聽
即使我地住唔同國家
都會隔住個電話同你講
有暗瘡 要煲涼茶俾佢飲(新生兒痤瘡)
係時候教佢自己去廁所慳尿片錢(果陣一歲未夠)
我個囡五個半月識爬六個月識企但到七個月都未識自己坐
我就無打算迫佢因為佢遲早都識
但我媽媽覺得六個月就應該要識坐
佢唔會明個個bb 唔同

返香港果段時間一齊住簡直係地獄
每半分鐘就會有一句說話聽


複式洋房

積分: 200


發表於 7 天前 |顯示全部帖子
回覆 TinyIceBear1 的帖子

我都係近排先返香港住,之前係外國都係間唔中講一兩句,而家每次黎都一定有說話聽,唉

首頁
1

尾頁

跳至
你需要登錄後才可以回帖 登入 | 註冊