餐單有少少複雜,因為要學每款食物個量點計
營養師都要講成個鐘
真係有需要跟足先慢慢研究la
不過個重點係少油少鹽少糖
醫生話屋企煮基本上無咩大問題
出街食就要走汁/醬/獻汁/皮,避開炒粉麵,咖喱
唔好一餐食太多澱粉質,要spread開食
咁血糖就會穩定,越穩定對bb會越好
我大概每餐個量係咁
早餐: 2片麵包(搽無添加糖的jam/花生醬),1隻蛋
午/晚餐: 1平碗飯/麵(唔計湯),1手掌份量ge肉,菜就無限
蘿白,薯仔,淮山,芋頭唔計菜,係當澱粉,食左就要減飯量
小食就同正餐相隔最少2小時
一杯高鈣低脂奶,一包梳打餅,一片低脂消化餅,半片包,一個細橙/蘋果呢d都得
每次小食時間都揀2份食
而奶同水果每日要各有兩份
但係唔可以同正餐一齊食
因為入面都有糖分ge
平時甜品糖水就儘量避免la
最多一兩啖過下口癮咁
嘢飲記得走甜
同埋記得一定一定要食澱粉質! 千祈唔好走去戒粉麵飯!
唔食就唔夠能量比自己同bb ga la!
加油加油!