國家地區媽媽會

收藏本版
發帖
返回列表
跳至頁

首頁
12345...13

尾頁
   41
appleshop


大宅

積分: 1456


41#
發表於 19-9-5 20:54 |只看該作者
本帖最後由 appleshop 於 19-9-5 21:02 編輯
Step_C 發表於 19-9-5 19:42
明白，想確認一下你喺決定做咩生意時，你agent有同你一齊分析？定完全係你自己意思？
...

我會做Cafe。其實起初是想簡簡單單賣雞蛋仔算數。不過agent 建議我做大少少，這樣business plan就會好睇好多，可以提高成功機會，所以佢幫我改做Cafe。

因為只有你先了解到自己可以做到甚麼的生意範疇，所以最好係自己先諗諗，然後再與agent討論。
最後佢會交比專人去寫Business plan。
私人傳訊

appleshop


大宅

積分: 1456


42#
發表於 19-9-13 12:24 |只看該作者
本帖最後由 appleshop 於 19-9-13 12:25 編輯

我今日好開心，收到加拿大領事館的通知，我的工簽批准了。這個批核時間是在我的意料之外。因為我是在20/8/2019入申請表的，那時還要等待良民證和體檢報告。簽證中心說要等四個月的批核時間，想不到現在不足一個月便完成了。
私人傳訊

appleshop


大宅

積分: 1456


43#
發表於 19-9-13 19:21 |只看該作者
本帖最後由 appleshop 於 19-9-13 20:28 編輯

這兩天我收到谷友私訊給我，申訴委托agent 辦理移民的苦況，好想在此向大家分享。當中包括：

1) 香港agent拖延endorsement meeting的安排，並以 PEI 打風為理由，令申請人焦急不而。

2) 申請人知道明天要出發去 PEI，但今天還不知道endorsement meeting的日子和時間。

3) 申請程序上，未到ITA 是不需要寫Business plan 的，但是有香港agent 叫申請人一開始就自己寫，還要寫幾份。

一般而言， 開始時申請人只需與agent 溝通，商議做甚麼生意會有較高的成功率便可，然後在 endorsement meeting上口頭講述便可以了。

其次是一般island agent的收費中已包括寫Biz plan的，因為申請人根本不知道省政府的要求，這樣在 ITA提交時會有一定危險性。

4) 以我的個案而言，我與island agent簽約後只需交 CAD 10000便即日安排了 endorsement meeting date。但有申請人交了 HKD 200000比香港agent，等了兩星期仍是甚麼也沒有。

5) 申請人到PEI for endorsement ，預先已收到通知到步沒有人會接機，申請人要自己解決到步後的問題，當中包括交通，而且PEI 的酒店在晚上不會有職員的，客人到酒店後如果出現問題，基本上是叫天不應，叫地不聞。

6) ITA 時，agent 沒有清楚通知申請人需要提交的整體文件，即使交齊，agent 也不會盡快檢查和轉交 island agent處理。

暫時我收到的是這些問題，希望提醒準備申請PEI 的香港朋友多多注意，錢是預左要比，但也要比得咁心，請在簽約前清楚了解agent的服務和安排。

這條移民路將會長達十幾個月，萬一誤選合作伙伴，以後的路會更長。祝君順利！
私人傳訊

wrymoep


大宅

積分: 1770


44#
發表於 19-9-13 21:00 |只看該作者
appleshop 發表於 19-9-13 19:21
這兩天我收到谷友私訊給我，申訴委托agent 辦理移民的苦況，好想在此向大家分享。當中包括：

1) 香港agent ...

1. PEI早幾日真係打風，呢個風真係好強！ 新聞講有好多大樹被吹塌、屋頂被吹爛、供電電纜被塌樹弄斷導致多區連日停電！ 所以呢個未必係藉口！

2. Endorsement meeting 日子應該出發前由 island agent 跟當地政府定好的！ 如果香港agent 話唔知，咁佢同個 island agent 關係好極有限！

3. Biz plan 準備就真係好睇個 agent 質素！ 如果個agent 叫個客自己寫幾分等佢揀，咁呢D agent 真係幾低端下.

4. 2018年初 PEI 當時community govt 開 endorsement meeting 次數唔係咁密，一個月可能得1、2次。 因為申請人數唔係咁多，2018年頭一個EOI 抽獎approved applicants 先得10個、8個人。 係突然2018年6月、7月飆升去到40-50個，endorsement meeting 先開得密左！ 但到8月PEI 一步到位PR 俾聯邦政府預告9月後會被煞停，我估申請個案即可暴跌，endorsement meeting 未必好似6、7月時開得咁密。 而加拿大政府做嘢唔係好似香港咁高效率，endorsement meeting date 可能真係1、2個星期前 community govt 先會通知island agent。 所以，如果等2、3個星期未必真係agent 既問題。

5. 會否在PEI當地有人接機就真係睇你間island agent 既安排，no comment！ 因為香港去 PEI的話，9成9航機班次都係半夜12:xx am 抵達，所以你出發前要問清楚 agent 安排，但機場打的去酒店亦唔難，的士佬知道航機班次，通常都會車等人。而你book 酒店時要自己醒目出 發前通知酒店你搭乜嘢班機，要求late check in！ 要自己到該酒店網站搵聯絡email 喇！ 搵酒店前要先做定功課，酒店通常會寫明 late check in 可以接受最遲幾點鐘check in！ 如果該酒店唔啱你要求，就唔好book 果間喇！

呢個過程其實係一個好好既訓練！ 因為加拿大真係效果節奏無香港咁快、咁有效率！ 而且兩地文化真係唔同，要開始感受下香港同加拿大既差別，總之「耐性」好緊要！ 加拿大人好著重 work life balance！ 就算佢地係做一D利潤高既職業，都唔代表你一踢佢佢就即刻會覆你！


6. ITA 需要遞交既文件真係超複雜！ 如果你香港 agent 未做過 PEI-PNP 就大鍋！

加油！

私人傳訊

appleshop


大宅

積分: 1456


45#
發表於 19-9-13 22:10 |只看該作者
Agent 唔熟真係大鍋的。

今次申請work permit. 當中有一部份是Checklist無說明的。

1) 由於我的申請是屬於PNP Business Stream. 在提交申請表到VAC前，需要向IRCC 申請，批准使用IMM 5802的表格，並且即時在網上付款及連同已填寫的IMM 5802電郵到IRCC, 以便獲得一個Business Number. 再與其他表格及繳費單交到簽證中心。

2) 提交表格期間還需要Agent 幫我起稿，寫一封信給IRCC, 表達這個申請是PNP Business Stream Candidate，而不是Labour Category。

3) 提供資產文件副本，證明持work permit有足夠能力支持自己在PEI 的生活開支。

相信是由於資料和文件齊全，無需後補手續。今次才幸運地大大縮短了簽證的時間。
私人傳訊

高齡產婦


伯爵府

積分: 16118

玩具勳章 好媽媽勳章 畀面勳章 wyeth冷知識勳章 陪月勳章 環保接龍勳章


46#
發表於 19-9-19 17:06 |只看該作者
回覆 appleshop 的帖子

這點我都想問一問, 不是要在香港本身有公司25%才可以嗎?我哋就係沒有做開生意, 是否不合資格?
私人傳訊

appleshop


大宅

積分: 1456


47#
發表於 19-9-19 17:22 |只看該作者
高齡產婦 發表於 19-9-19 17:06
回覆 appleshop 的帖子

這點我都想問一問, 不是要在香港本身有公司25%才可以嗎?我哋就係沒有做開生意, 是 ...

PEI 呢個PNP Business stream 有兩種申請資格，一個是有生意三年或以上，另一種是高管經驗三年或以上，就有資格申請。

印象中生意要佔30‰或以上。
私人傳訊

appleshop


大宅

積分: 1456


48#
發表於 19-9-22 14:01 |只看該作者
申請簽證期間，假如學歷中有外國的degree 證書，領事館有機會要求你提供當地的良民證，以便批核工作簽證。因此要預早作出準備，了解如何向當地申請（假如澳洲可以直接網上向Australian Federal Police (AFP)申請，約二至三星期寄回香港 ）。

但是如果該課程是遙距課程，那麼就要向有關機構申請一封證書信，證明該課程的屬性，收到後把證明書直接電郵回覆領事館便可以了。

只要你盡快處理，領事館也會很快作出簽證批核。
私人傳訊

wrymoep


大宅

積分: 1770


49#
發表於 19-9-23 10:39 |只看該作者
本帖最後由 wrymoep 於 19-9-23 10:39 編輯

據我所知成年後曾經在海外連續居住超過半年的國家，都需要申請該地方既良民證。 你申請移民時需要填寫的。 Agent 會話你知的。 一般西方國家申請良民證都唔難，但如果你要申請大陸良民證就大鍋了！ 要祈禱！
私人傳訊

achan903


複式洋房

積分: 446


50#
發表於 19-9-23 11:29 |只看該作者
知唔知日本良民證難唔難申請呀?
私人傳訊

wrymoep


大宅

積分: 1770


51#
發表於 19-9-23 21:03 |只看該作者
achan903 發表於 19-9-23 11:29
知唔知日本良民證難唔難申請呀?

唔知呀！ 你可以試下搵香港律師行問下，google 下會見到廣告，打去問下。 如果經 agent 搞移民，佢地應該會有介紹的。
私人傳訊

SillyLiz


別墅

積分: 843


52#
發表於 19-9-23 22:58 |只看該作者
回覆 achan903 的帖子

唔難，係香港日本領使館搞，用番當年入境日本用既passport(當年本人日本留學，內有student visa)同埋現有passport，仲有加拿大領使館出既領良民証request letter,因為無request letter,日本領使館唔會幫你去搞任何嘢。
私人傳訊

achan903


複式洋房

積分: 446


53#
發表於 19-9-25 10:55 |只看該作者
回覆 SillyLiz 的帖子

資訊非常有用, 我就係個陣時留學, 但要搵下舊個本PASSPORT 先
Thanks!!
私人傳訊

appleshop


大宅

積分: 1456


54#
發表於 19-10-6 11:43 |只看該作者
本帖最後由 appleshop 於 19-10-6 11:44 編輯

現在已到達搬運的安排。

我聯絡了二間搬運公司，一間會幫我入箱，另一間是自己入。我覺得預期我要預先分類讓公司入箱，倒不如自己入左去，仲簡單，又可以慳錢。

選擇了搬運公司後，好快有人上門報價，第二天便按我的需要運上紙箱，兩星期內會搬走。目標是讓我12月抵達PEI後，第二日可以親自清關及收貨，因為之後已經是聖誕節了。

入箱需要分類，例如廚房用品為一類，以方便清關時讓關員了解每箱貨的內容，以免混亂。但是不用續一仔細地列名是甚麼，除非是大型電器。

購買單據要隨身，以作清關用。如果沒有單據，就要入箱前拍照，證明是舊的。

包裝方面，我按公司指示，電器及易爛的物件放細、中箱；衣物及其他用品入大箱（這些將會放置最低）；假如是大件的家具例如按摩椅就待他們收貨時由他們搬回倉包裝。

搬運費用以cu ft 計算，這家公司最低消費是150 cu f，約$30000, 之後每尺$90，一個橙箱size大約 3 cu ft。

我家只是一般的數量，家俬會在當地買。預算會運200 cu ft 過去。 Door to door。
私人傳訊

secretrose


侯爵府

積分: 24634

畀面勳章


55#
發表於 19-10-12 22:35 |只看該作者
jiajia2009 發表於 19-8-21 17:26
我也是2018/5 打算申請PEI , 後來agent 建議申請NBPNP, 我上個月有 Federal Application Number, 已經做埋 ...

可否介紹agent給我
Nice to meet you!
私人傳訊

hahemami


大宅

積分: 1334


56#
發表於 19-10-12 23:54 |只看該作者
appleshop 發表於 19-10-6 11:43
現在已到達搬運的安排。

我聯絡了二間搬運公司，一間會幫我入箱，另一間是自己入。我覺得預期我要預先分類 ...

樓主，我對王子島有興趣，我想問吓你嘅住屋安排係點，網址到是否很荒涼，我有小朋友，都想知道讀書的資料，可否分享多些，謝謝！
私人傳訊

appleshop


大宅

積分: 1456


57#
發表於 19-10-13 22:23 |只看該作者
hahemami 發表於 19-10-12 23:54
樓主，我對王子島有興趣，我想問吓你嘅住屋安排係點，網址到是否很荒涼，我有小朋友，都想知道讀書的資料 ...

我是巧合地找到一個新屋盤，由發展商幫我起屋的，現仍在進行階段，預算下個月可以收屋。

果邊找租屋會比較緊張，如果在Summerside，真是一屋難求，因為本身當地人已有需求，加上近年多了新移民，市場供應是緊張的。反而買屋會比較容易，不過要主意果度屋齡比較高，買時也要計算埋你修整的額外費用，一般建議先做home inspection，幾百蚊加元買個安心，讓自己有預算。

住城市，即是Charlottetown 及 Summerside 我又唔覺得荒涼，因為日常需求在城市已有供應，也有商場購物。我覺得住PEI好的是地方比大省寬敞，屋與屋之間更是有個距離，你會有足夠獨立空間和私穩。當然PEI相對比較凍，冬天會出現暴風雪的。

讀書方面，由於我的孩子大了，我不需要為他找學校，詳細資料不多。不過這兩個城市都有各級的公、私立學校，島上有一所大學，不錯的。

要向這兩個城市申請endorsement難度已高了，他們只會挑選做出入口生意、電腦科技和環保生意的申請人進行面試，也未必人人批endorsement。假如想去這兩個城市取endorsement，就要小心計劃，否則可能要考慮去城鎮了。

不過又唔好睇小城鎮，現在多人申請，城鎮批endorsement也開始緊張了，所以假如有心移民PEI，我會建議要果斷，否則隨時失馬。

祝順利
私人傳訊

apsara


別墅

積分: 918


58#
發表於 19-10-14 15:53 |只看該作者
回覆 appleshop 的帖子

皮膚和腹部檢查 是怎樣的？很詳細嗎？
私人傳訊

appleshop


大宅

積分: 1456


59#
發表於 19-10-14 17:45 |只看該作者
apsara 發表於 19-10-14 15:53
回覆 appleshop 的帖子

皮膚和腹部檢查 是怎樣的？很詳細嗎？


佢會先問你過往病歷，檢查時不算太仔細，輕輕望下，不過咁講，醫生係專業，其實望下都會心中有數。所以要誠實告訴醫生。

如果曾經患上嚴重疾病，最好有兩手準備，寫定醫學證明書，咁會簡化時間。
私人傳訊

hahemami


大宅

積分: 1334


60#
發表於 19-10-14 22:10 |只看該作者
回覆 appleshop 的帖子

樓主，


多謝你的回覆！


想問下你你坐邊隻機？坐幾耐？同係邊轉機，麻煩嗎？
買屋大概幾多錢左右？你係去考察時睇埋屋呢？
如兩公婆未識揸車是否生活很困難呢？
想問其他城鎮有咩選擇？
是否搞online business 都可以?
你cafe 同你本來職業有關嗎?
不好意思，有太多問題，請見諒，真心想了解。



祝順利
私人傳訊


首頁
12345...13

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見