夫婦情感

跳至

首頁
12

尾頁
   1


複式洋房

積分: 222


發表於 19-8-22 02:34 |顯示全部帖子
依家有左4個月 未結婚 仲諗緊生左先遲啲結定註左冊先本來同另一半同居緊 一直都有啲大小問題會出現會嘈
呢幾日就因為啲小事大爆發
我忍唔到佢成日都黑口黑面 問佢咩事就話有野煩緊
咁我唔煩佢 比佢自己沉思 淨係望下佢佢都話我好煩
由我有左到依家 佢對我啲態度都係keep住冇乜關心
去產檢去照結構 所有野都係我自己去
就算平時叫佢摸下個肚 同個bb講下野佢都會話我煩
有時我好唔開心訓唔著會喊 佢就話我嘈住佢訓
之後就會發脾氣由得我喊自己訓教 第二日收工就當冇事發生
我真係好攰 只係想佢多啲關心我 比返少少溫暖我
由其有左之後 好小事都會令我好抑鬱好唔開心
好驚會影響到個bb 但我唔知點樣可以正面啲
呢幾日鬧交我返左自己屋企訓 佢一次都冇搵過我
我問佢到底有冇考慮過我同個bb 佢仲話我成日話佢
話我搞到佢唔識做人男朋友

我真係好唔開心 我唔知應該主動求和等個小朋友有個完整既家 定應該狠心啲走 一個人養大佢


大宅

積分: 2426

畀面勳章


發表於 19-8-22 02:54 |顯示全部帖子
你地年紀好細?如果分開,你可以獨自照顧BB嗎?


男爵府

積分: 6085

2019新春慶豚圓


發表於 19-8-22 03:26 |顯示全部帖子
Ashleytc 發表於 19-8-22 02:34
依家有左4個月 未結婚 仲諗緊生左先遲啲結定註左冊先本來同另一半同居緊 一直都有啲大小問題會出現會嘈
呢 ...

佢既然唔鍾意妳煩佢,咪以後唔好煩佢囉 ! 當佢透明嘢 !
首先要養好個胎,太多怨氣會影響身體,同埋B胎。
唔好成日諗負面野,心情影響個胎唔值得喎 !
得閒諗定產後計劃,BB教育開心野,好過苦口苦面。


伯爵府

積分: 19094

2019新春慶豚圓


發表於 19-8-22 06:23 |顯示全部帖子
回覆 cedarcone 的帖子

咁點解仲要生。呢個男人唔愛你。


珍珠宮

積分: 39075

2019新春慶豚圓 2019勳章


發表於 19-8-22 06:40 |顯示全部帖子

回覆樓主:

感覺上,你兩個都好似好細個~
其實會唔會你男朋友都有焦慮呀?
始終你係準媽媽,佢都一樣係準爸爸,一樣會有壓力~


子爵府

積分: 12054

2019勳章


發表於 19-8-22 08:51 |顯示全部帖子

回覆樓主:

其實你男朋友係咪唔想咁快有bb,所以先覺得好煩,有壓力?
如果佢心裏係唔願意要個bb既,勉强結婚都唔會開心,不如問清楚佢想點,然後自己又諗清楚之後條路點行好


複式洋房

積分: 462


發表於 19-8-22 09:43 |顯示全部帖子
Ashleytc 發表於 19-8-22 02:34
依家有左4個月 未結婚 仲諗緊生左先遲啲結定註左冊先本來同另一半同居緊 一直都有啲大小問題會出現會嘈
呢 ...

已經有左4個月,問佢是不是唔想要個BB都冇用喇.睇完你寫你男朋友對你的態度和感覺,我完全唔覺得佢愛你囉,首先,有左BB時,佢沒有諗住俾個名份你嗎?佢想大家的BB出世是私生子?
另外,佢完全無陪你去產檢過?因為佢好忙?工作忙?你一定有要求過啦,佢每次都推你唔會陪你去?好大問題呀。
加埋佢對你的厭惡程度,我真係覺得係唔係你有左B時,其實佢唔想要架?
當然佢工作忙,是否工作壓力真的好大,只有你自己知道!
你地為咩鬧交?但是我相信就算佢工作再忙,知道個老婆走左去,都完全唔會搵你,仲要你陀住佢個B,我真係覺得咁既男朋友,我真係接受唔到囉!
你地以前關係點架?


男爵府

積分: 5606

2019新春慶豚圓 2019勳章


發表於 19-8-22 10:19 |顯示全部帖子
回覆 Ashleytc 的帖子

你有咗係咪唔係你哋計劃之內?如果根本無共識下就生BB,預咗有呢啲情況出現

雖然唔知你哋為咩而嘈,如果依家因為少少嘢就嘈,咁BB出世後會嘈的機會只會更多


複式洋房

積分: 222


發表於 19-8-22 10:24 |顯示全部帖子
我同佢都廿頭 當初知道有左個陣佢係開心 我本來諗過唔要佢都話尊重但就成日好唔開心 最後同屋企人傾埋 都係要個bb佢就開心返 睇得出佢想要bb 但問題係我同佢相處上 大家都要返工都會有壓力 我搵得多錢過佢 佢本身理財又差 我已經用好多種方法教佢點管好自己啲錢要點分配 但呢4個月佢都係月月清 我真係冇野好講 叫佢比啲錢我管 佢又唔想

另外佢本身個人處世態度好有問題 遇到挫折困難深係頹廢鑽牛角尖 一味話唔知點做唔識點做 淨係逃避問題 唔肯正視同解決 但其實我已決定同佢處理左好多野 佢唔想諗將來啲錢點分配我幫佢處理埋 只要佢跟住做就唔會冇錢用月月清 但問題係當我比哂方法佢解決 佢都會發晦氣話唔知唔識

真係好激心 我尋晚同佢講 一係改變你人生態度 一係就放過我同個bb 我叫佢自己諗 今晚先覆返我 佢仲同我講要星期一先覆 話返工好忙 但明明星期六日都放假 咁點解要星期一覆 佢越遲覆我 我就越要傷心多日 我可以調整心情 但前提都要解決左個件事 有哂答案 有決心 真係好唔開心 啲男人乜野都諗住自己大壓力 但從來都唔關心女人一邊大住肚一邊情緒咁差係會好辛苦


大宅

積分: 1079


發表於 19-8-22 10:29 |顯示全部帖子
YcY1513 發表於 19-8-22 09:43
已經有左4個月,問佢是不是唔想要個BB都冇用喇.睇完你寫你男朋友對你的態度和感覺,我完全唔覺得佢愛你囉, ...
完全同意!
我都睇唔到佢有幾愛樓主...
妳有左,應該要被照顧,就算做唔足全部、要搵食,明既,但點都做一半吧,依妳描述佢好似一半都做唔到.. 都算了,但佢連遇到咩困難、心事都唔願意同妳講,少少都唔想講,將來點溝通?如果妳遇到困擾,佢真係會幫妳諗辦法?唔通真係上床先搵妳、以外既事就當妳無到?!


子爵府

積分: 13121

2019新春慶豚圓 2019勳章


發表於 19-8-22 10:56 |顯示全部帖子
太年輕了 二十頭的男仔 真係唔夠成熟 好任性唔識捻 你預左要湊多個大細路等佢有一天會成熟 我見好多男人最快都三十幾先成熟


複式洋房

積分: 222


發表於 19-8-22 11:05 |顯示全部帖子
我都知道佢唔成熟 以為有左個小朋友佢會識諗啲 始終佢自己都想要 但冇諗過佢都仲係不停逃避...我真係好辛苦...好唔開心...就算依家返左自己屋企住 我都冇話比家人知同佢嘈交嘈到要返黎訓 因為唔想家人擔心 佢地知我有左個陣已經好擔心我用左好多唇舌先令佢地放心啲 唔想依家又搞到打回原型

我唔想小朋友出世冇完整既家 同時佢一出世冇人幫手照顧 本來男朋友媽媽可以幫手照顧 但分開的話我屋企人幫我唔到 但我仲要返工搵錢養佢 又要湊佢 一諗到呢到我就好想同個bb一齊離開 我知道有好多方法處理有好多出路 但我好抑鬱好難受 唔知係荷爾蒙影響定係不知不覺間我有左抑鬱 我依家好唔想諗將來 一冇野做一有空閒就好想喊 返工返到一半都會咁


翡翠宮

積分: 78175

2019新春慶豚圓


發表於 19-8-22 11:21 |顯示全部帖子

回覆樓主:

睇見呢D case就煩
根本雙方都完全未 ready
避孕好難嗎


男爵府

積分: 8389

2019新春慶豚圓


發表於 19-8-22 11:40 |顯示全部帖子

回覆樓主:

生左先算啦 唔搵咪由佢 你都識講佢逃避 咪比d時間佢諗清楚 勉強無幸福 大家都辛苦
呢個時候要諗定後著 個男仔家人都係靠唔住既喇 無人湊請工人或育嬰院好睇定


水晶宮

積分: 57209

2019新春慶豚圓 2019勳章 2018復活節勳章 開心吸收勳章


發表於 19-8-22 13:08 |顯示全部帖子
Ashleytc 發表於 19-8-22 02:34
依家有左4個月 未結婚 仲諗緊生左先遲啲結定註左冊先本來同另一半同居緊 一直都有啲大小問題會出現會嘈
呢 ...
兩個人都緊張另到荷爾蒙改變,所以勿太緊張


子爵府

積分: 14890

2019新春慶豚圓 2019勳章 2018父親節勳章 2018母親節勳章 開心吸收勳章


發表於 19-8-22 17:21 |顯示全部帖子
sorry...
我見到都煩~~


別墅

積分: 788


發表於 19-8-22 19:05 |顯示全部帖子
Ashleytc 發表於 19-8-22 11:05
我都知道佢唔成熟 以為有左個小朋友佢會識諗啲 始終佢自己都想要 但冇諗過佢都仲係不停逃避...我真係好辛苦 ...

本帖最後由 miko0702 於 19-8-22 19:13 編輯

“以為有咗個小朋友會識諗啲“其實係你一相情願既諗法,睇你所講既情況,我覺得你另一半根本未ready好做爸爸,當初同你講話要呢個小朋友果陣,只係佢將所有嘢諗得太簡單,後來先醒覺但又翻唔到轉頭,加上其一陀b果個係你,當然佢唔會感受到血脈相連同bb踢你既感覺,其二佢未ready好做爸爸,又點會enjoy參與同bb互動呢件事,所以咪厭你煩同不停逃避。佢太年輕了,思想同行為重係一個小朋友,與其期望佢會肯改變,倒不如靠自己努力為bb同自己既將來作定打算吧


大宅

積分: 4435

2019新春慶豚圓 2019勳章


發表於 19-8-22 19:11 |顯示全部帖子
認真...到bb出世時未有名份,bb跟你姓,出世紙爸爸果欄吉左算。


大宅

積分: 3427

2019新春慶豚圓


發表於 19-8-23 04:26 |顯示全部帖子
之緣 發表於 19-8-22 19:11
認真...到bb出世時未有名份,bb跟你姓,出世紙爸爸果欄吉左算。

我都會咁做呢个男人要來把屁咩!


翡翠宮

積分: 93902

2019新春慶豚圓


發表於 19-8-23 13:13 |顯示全部帖子
Ashleytc 發表於 19-8-22 10:24
我尋晚同佢講 一係改變你人生態度 一係就放過我同個bb ...

我諗你唔會放過佢的, 除非佢好堅決話分開吧.

首頁
12

尾頁

跳至
熱門主題
... 2 3
你需要登錄後才可以回帖 登入 | 註冊