婆媳關係

跳至

首頁

尾頁
   6


大宅

積分: 1325


發表於 19-8-24 08:21 |顯示全部帖子
我99係一個十分霸道既人、有佢講無人講!份人又姑寒仲以為自己對人好好!
未生前99知我要開刀唔順產、就係咁話我點解唔順產?順產點好點好、我解釋左我情況唔適合順產,順產完可能要括宮!佢話寧願我生完再括!又問可唔可以叫政府幫我開刀?講到尾都係唔想我去私家!仲話要同我去政府產檢!
到請陪月又要管我唔俾我請!話會幫我坐月!由我大肚開始佢都無整過啲咩野我食,係後期先叫工人煲魚湯我飲(因為要谷奶俾佢孫飲)我自己燉野飲佢仲叫煲多啲俾埋佢個女飲!


大宅

積分: 1325


發表於 19-8-24 08:25 |顯示全部帖子
Yup88 發表於 19-8-24 08:21
我99係一個十分霸道既人、有佢講無人講!份人又姑寒仲以為自己對人好好!
未生前99知我要開刀唔順產、就係 ...

到生啦!我專登買左件藍色睡衣諗住係醫院著、佢話唔老黎要我即刻換左佢、我無晒開胸衫唯有著老公套睡衣、佢又話月婆唔可以著老公衫!要我出院時掉左佢!99好迷信、返到屋企要我誇火盤、又要bb沖個幾星期金銀花水,又話帶人去晒太陽同逗人去廁所!我唔聽佢講佢就淨雞雞叫陪月做!12朝又要我返去拜祖先!我唔制,咁岩第日老公湊b捱病左入左院!99怪我著左老公套睡衣同唔返去拜祖先!我坐月第一次喊係因為99!佢每日起身同返屋企第一件事係沖入我房睇bb,仲要門都唔敲!基於陪月要入黎照顧bb我無鎖門!我係到訓教佢就自出自入咁入幾十次睇bb,仲要坐埋上我張床!完全唔尊重人私隱!


大宅

積分: 1325


發表於 19-8-24 08:25 |顯示全部帖子
Yup88 發表於 19-8-24 08:25
到生啦!我專登買左件藍色睡衣諗住係醫院著、佢話唔老黎要我即刻換左佢、我無晒開胸衫唯有著老公套睡衣、 ...

我叫佢唔好逗bb去廁所,唔好錫bb,唔好狂摸佢個頭,met佢面、同掂佢前要洗手!佢通通唔聽!我覺得好辛苦、好精神緊張!去到健康院姑娘問起我對住佢狂喊!我愈來愈憎佢!我唔想見到佢、唔想俾佢抱bb, 但佢係我老公呀媽、我始終要尊重佢!


大宅

積分: 1009


發表於 19-8-24 08:44 |顯示全部帖子
Yup88 發表於 19-8-24 08:25
我叫佢唔好逗bb去廁所,唔好錫bb,唔好狂摸佢個頭,met佢面、同掂佢前要洗手!佢通通唔聽!我覺得好辛苦、 ...

完全明白,當年我患產後抑鬱其中一個原因就係婆媳關係,好快收左奶 餵唔到人奶,然後福佳99到依家都怪我冇咩點比人奶佢個孫飲! 我冇話佢知我抑鬱,費事佢話我唔捱得懶矜貴扮可憐,佢喺其他人面前乜都up得出!


男爵府

積分: 7507


發表於 19-8-24 10:06 |顯示全部帖子
Yup88 發表於 19-8-24 08:25
到生啦!我專登買左件藍色睡衣諗住係醫院著、佢話唔老黎要我即刻換左佢、我無晒開胸衫唯有著老公套睡衣、 ...
哇!鄧你慘...不過佢點話我,我可以忍佢,但冇理由比佢咁搞我個B,newborn 比佢咁玩有咩事點算。可唔可以搬走呀


大宅

積分: 1325


發表於 19-8-24 12:11 |顯示全部帖子
Panda366 發表於 19-8-24 10:06
哇!鄧你慘...不過佢點話我,我可以忍佢,但冇理由比佢咁搞我個B,newborn 比佢咁玩有咩事點算。可唔可以搬 ...

會呀!但要等bb 1,2歲先,我同老公要返工無人湊、工人更加唔放心第時我返工都係99湊


大宅

積分: 1325


發表於 19-8-24 12:23 |顯示全部帖子
周杰倫老婆 發表於 19-8-24 08:44
完全明白,當年我患產後抑鬱其中一個原因就係婆媳關係,好快收左奶 餵唔到人奶,然後福佳99到依家都怪我冇 ...

我99都係好鐘意係人地面前話我懶!明明我已經做好多野!相反佢個女未有工人前食完飯無一次去碗洗碗!啲野亂咁掉、佢都話我老公唔話佢女!我都要返工我都會累!我老公娶我返黎唔係要無時無刻服侍你全家!而且我老公無洗過佢一蚊!我生完2個月佢都無煲過野我飲!但知道bb 8日飲完罐奶先話煲湯我谷奶!之前陪月煲湯俾我佢又係隔離話要落呢樣個樣!飲到我燥到去唔到大便!我話唔飲佢就向我媽投訴我!


子爵府

積分: 13943


發表於 19-8-24 12:42 |顯示全部帖子
回覆 Yup88 的帖子

聽落你個陪月都好唔專業,奶奶叫做就做,佢哋應該要表達俾佢知唔得,婉轉拒絶都要
你奶奶就不知所謂


伯爵府

積分: 19792


發表於 19-8-24 13:23 |顯示全部帖子

回覆樓主:

樓主加油呀,雷暴過後總會有晴天。
不過我覺得唔好乜都聽佢忍佢。可以控制到既都要自己話番事,唔關事邊個湊,湊果個可以唔洗尊重下個新抱嗎?咁係咪佢遲d老到要人服侍,到時邊個出錢出力照顧佢就可以唔洗理佢意願?我比屎佢食都得嗎?因為係我「湊」緊你。所以我完全唔buy 呢套,人係要互相尊重,我99黎我家住,我都將最好既比佢先,當佢貴賓,我買埋日用品比佢,任佢開冷氣,冇刻薄佢,尊重呢點非常重要。如果我99咁對我,我會十倍還比佢,因為佢都冇尊重我,冇理我感受,我理佢係劉德華個阿媽我都唔會忍。忍得多,只會縱容佢,你退一步佢就進一步。加油


大宅

積分: 1325


發表於 19-8-24 14:21 |顯示全部帖子
HOPEFORBB 發表於 19-8-24 12:42
回覆 Yup88 的帖子

聽落你個陪月都好唔專業,奶奶叫做就做,佢哋應該要表達俾佢知唔得,婉轉拒絶都要

係!都唔知邊個出糧俾佢!講過好多次唔好俾bb沖個啲!陪月反而勸返我唔緊要!我即使好累都訓唔到!一聽到99係廳到講話俾佢沖涼、我即刻沖出去!佢成日先斬後奏話煲左!我理得你煲唔煲左!要沖自己沖!


大宅

積分: 1325


發表於 19-8-24 14:39 |顯示全部帖子
華妹妹 發表於 19-8-24 13:23
樓主加油呀,雷暴過後總會有晴天。
不過我覺得唔好乜都聽佢忍佢。可以控制到既都要自己話番事,唔關事邊個 ...

係呀!我99專恰我、因為我平時好少駁佢咀同忍讓佢!相反大嫂好有霸氣、99反而驚左佢!bb出左世後我都駁佢多左!我已經表明唔可以點點點!仲send埋啲新聞俾佢!但佢完全唔聽我地講!成日話自己生左3個,我老公都係咁湊大既!但佢果套已經out 啦!


複式洋房

積分: 350


發表於 19-8-24 15:27 |顯示全部帖子

回覆樓主:

好明白你呀樓主,我都經歷過,我坐月成日喊架,唯有企硬同佢講你晤想佢咁做,學下你大嫂有d霸氣,等佢晤好亂黎,我99而家晤敢亂黎,因為我會黑佢面,我仔有一次咳,叫佢晤好俾竹庶水俾我仔飲,佢照俾,重要我放工返黎好得戚咁同我講佢飲完無咳多左,點知夜晚訓教咳到嘔,激死我,我同我老公話佢,佢先晤敢亂黎


伯爵府

積分: 19792


發表於 19-8-24 16:38 |顯示全部帖子
Yup88 發表於 19-8-24 14:39
係呀!我99專恰我、因為我平時好少駁佢咀同忍讓佢!相反大嫂好有霸氣、99反而驚左佢!bb出左世後我都駁佢 ...

佢咁樣好危險,佢係咪想出事先黎後悔。你要加油保護好小朋友。
我都明有時老公夾起中間,好難下下頂到行。做人老母同新抱真係要高度eq.


大宅

積分: 3501


發表於 19-8-24 16:49 |顯示全部帖子
唔好再俾佢逗bb去廁所!佢咁細腰骨同頸骨都未生好逗乜鬼去廁所?
基本上所有99都只會心痛自己仔女,所以佢唔會多謝你/心奓你生左個bb, 對bb或者自己不利嘅一定要企硬!唔可以再俾佢恰你地!你返工俾佢湊一定會有更多嘔血事出現!


公爵府

積分: 28928


發表於 19-8-24 17:53 |顯示全部帖子
Yup88 發表於 19-8-24 12:11
會呀!但要等bb 1,2歲先,我同老公要返工無人湊、工人更加唔放心第時我返工都係99湊
...

甘你死硬


男爵府

積分: 8220


發表於 19-8-24 20:09 |顯示全部帖子
明知99咁多問題仲打算比99湊,有無娘家幫手?無就搵育嬰園或社區湊開b嘅姨姨啦!你真係想自己抑鬱嗎?


子爵府

積分: 13943


發表於 19-8-24 21:28 |顯示全部帖子
本帖最後由 HOPEFORBB 於 19-8-24 21:33 編輯

回覆 Yup88 的帖子

你大嫂係咪唔係同住?有時唔同住,控制權先會返返去你手,否則你都幾難reject佢,你之後返工俾奶奶湊,仲有排你抑鬱=.=


大宅

積分: 1325


發表於 19-8-24 22:47 |顯示全部帖子
KILW 發表於 19-8-24 20:09
明知99咁多問題仲打算比99湊,有無娘家幫手?無就搵育嬰園或社區湊開b嘅姨姨啦!你真係想自己抑鬱嗎?
...

娘家無人幫手呀!如果我交俾其他人我老公都唔會制!到時99又周圍唱我


珍珠宮

積分: 30515


發表於 19-8-25 01:18 |顯示全部帖子
Yup88 發表於 19-8-24 12:11
會呀!但要等bb 1,2歲先,我同老公要返工無人湊、工人更加唔放心第時我返工都係99湊
...
你99咁恐怖,我令願俾工人湊,唔見得俾99湊會放心


伯爵府

積分: 16446


發表於 19-8-25 01:32 |顯示全部帖子
Yup88 發表於 19-8-24 12:11
會呀!但要等bb 1,2歲先,我同老公要返工無人湊、工人更加唔放心第時我返工都係99湊
...

其實你而家俾99揍 咪一樣擔心
到佢9個月就落街飲茶 要B食大人野
包你嘔血嘔到一地都係
如果個工人慢慢train 揍得好
一定好過嘔血99揍

首頁

尾頁

跳至