其實第一下聽到話會宣布撤回，內心係覺得點解要退呢一步？本身修例已經唔再存在，點解仲要應承呢個要求？
但之後又諗一諗，既然大家都知道修例唔會再出現，用咩字眼對我地黎講無分別，而撤回呢個字眼如果可以為社會降溫，不妨由林鄭口講出黎，畀個下台階大家。
政治從來唔係非黑即白，背後有千絲萬縷，加上今次件事已經唔單單係香港既事，已經成為國際間角力既籌碼，相信政府每個決定都寸步難行，大眾市民應該相信該相信既。
不過，既然班示威者/ 暴徒係話成件事係因修例而起，而家達到佢地要求既‘字眼’ - 撤回，如果之後佢地再有任何暴力、非法衝擊行為，就會畀大家知道佢地為破壞而破壞/ 另有目的，唔係因為修例，警方就可以再加大力度執法。
我地唔想用撤回係唔想畀佢地覺得暴力可以令政府屈服，但班暴徒先係最唔想撤回，因為無左個咁重要既藉口去搞事、破壞。
愛護香港既大家，無論認唔認同林鄭呢次跪低都好，請相信政府，政府而家係為左釋出善意、為社會降溫，如果連遵守法律、法治既我地都唔支持、唔相信政府可以止暴制亂，咁香港仲可以點？
當然，個班暴徒收唔收貨係佢地既事，但相信愛香港既人都唔會再想繼續亂落去，想盡快回復平靜。
大家呢一下嬲點解跪低好正常，但要記得，唔好畀憤怒衝昏頭腦，任何可以令香港回復平靜既方法我地都應該支持。
今日未捉到班暴徒，唔代表一世捉唔到，今日未有人篤佢地灰，唔代表佢地可以一世獨善其身。真理不死，正義長存，只係有時唔係即刻見到效果。
共勉之！
YouNeverKnow 發表於 19-9-4 19:29
其實第一下聽到話會宣布撤回，內心係覺得點解要退呢一步？本身修例已經唔再存在，點解仲要應承呢個要求？
...
發表於 
起碼佢冇話特赦，條氣都順返D 
返回列表
