1-3歲

跳至

首頁
12

尾頁
   0


洋房

積分: 78


發表於 19-9-12 09:44 |顯示全部帖子
本帖最後由 Wano_o 於 19-9-12 09:50 編輯

有冇媽媽是同路人?我真係就快死
我小朋友今年2歲半讀緊N班 全日
屋企經濟問題,冇人照顧只好全日。(9-4點,同埋我一定係準時接放學)

開學番適應周果時(9-12點)表現好好,好主動番學著鞋著襪

但到左全日,佢就開始黎了
番學一定會喊話唔想番,我試過去了解佢點解唔想番
佢話學校冇媽媽

因為佢以前我同佢一齊訓晏教。就係咁,學校冇左我同佢訓就好Sad.
咁我都準備左公仔話掛住我就攬住訓。
開左兩個星期學,佢日日出門都要喊一輪。
依家開始去到牙唔願刷 衫唔願換 面唔願洗⋯⋯⋯⋯⋯⋯⋯

每一朝我都又氹,買野食氹佢番
但佢都係咁⋯⋯⋯⋯⋯⋯

我開始由氹變成罵,再變成打⋯
因為真係好辛苦,朝朝都係咁,我應該點?
我理智同耐性都真係磨到冇乜
我都知道打係冇用,但每朝俾佢磨到遲到。我覺得好痛苦。

我真係有氹,有講道理。介紹學校有咩優點⋯
學校老師又同我講,佢番學ok. 上堂都好好冇特別。放學佢都好開心。問佢學校開唔開心,佢都話開心。聽日會番。

但次次一起身就咁樣。我唔明呀😢😢🤪


大宅

積分: 1865


發表於 19-9-12 11:05 |顯示全部帖子
夜晚夜唔夜瞓? 所以第二朝先唔願起身返學?
同老師講, 老師應該可以幫下手, 同佢了解下, 講多兩句, e.g. 聽日見~ OR 聽日返學我哋一齊再畫畫講故事, .....

或者我會同個囡講, "我地要出門口喇, 今日學校早餐有xxx食~" OR "遲到喇, XXX(同學仔) 等你返去食早餐喎~"


大宅

積分: 2520


發表於 19-9-12 15:07 |顯示全部帖子
你已經做得好好
他需要的是時間

你想像一下
你每天的生活
然後去左東歐旅行,頭3日有屋企人陪,都幾開心新奇。然後就叫你在東歐自己住。

那種離鄉別井,言語不通,一個人都唔熟悉的情況。就係佢依家面對的情況。


禁止訪問

積分: 1300


發表於 19-9-12 15:13 |顯示全部帖子
提示: 作者被禁止或刪除 內容自動屏蔽


子爵府

積分: 10343


發表於 19-9-12 16:58 |顯示全部帖子
之前有無返過Playgroup、親子班咁?如果無,佢一來需要適應一下群體生活,二來要適應無媽媽爸爸嘅日子,仲要全日時間,適應周無問題因為新環境對佢來講好新鮮,但點都唔好罵、打,因為佢仲怕返學,每朝都聯想起返學,就諗到你打佢罵佢。

如果怕遲早d叫佢起身?花多d時間引導佢?或者早一晚同佢約定,聽朝可以食咩早餐,返學可以做咩?


別墅

積分: 816


發表於 19-9-12 22:43 |顯示全部帖子
Wano_o 發表於 19-9-12 09:44
有冇媽媽是同路人?我真係就快死
我小朋友今年2歲半讀緊N班 全日
屋企經濟問題,冇人照顧只好全日。(9-4 ...

媽媽知你都覺得好苦惱 但絕對不要用打的 他只會越來越越怕返學 甚至更恐懼返學 媽媽要明白佢喊同扭背後原因係未適應 你要比多啲信心佢 話佢知係有能力的 讚賞多一點 慢慢定必有進步的 加油


子爵府

積分: 13133


發表於 19-9-12 22:58 |顯示全部帖子
俾D時間,小朋友仲細,掛住媽咪好正常



洋房

積分: 78


發表於 19-9-13 12:29 |顯示全部帖子
我小朋友係歲半就去左讀Playgroup. 一星期兩堂,每堂兩個鐘。
因為有我陪住,佢都表現好好。偶然我行開左一陣,留佢同老師都冇問題。所以我就冇幫佢報d咩分離班,因為我知佢讀N,其實都比其他人早讀,都會分離。不如陪佢上playgroup仲好。

小朋友係我自己湊大,我都為左佢將來讀書。
都係屬早睡早起,6點食晚飯,8點半上床,9點都訓著左的了。
平時佢係7點自己訓醒,有時唔叫我自己出房玩車車😓。但我一拎套校服出黎,佢就口upup話唔想番學校。

唉😢我初時好有耐性,問佢咩原因唔番學。
佢都係話學校冇媽媽。我應丞佢第一個接佢放學,我一直都有做到!冇遲到過。

日日番學都咁樣,我理智真係斷左。我唔知點撐,因為我本身EQ唔係話好,為左個仔我都真係死忍。
講盡所有鼓勵晚說話都係扭。
睇住個鐘愈行愈快,次次都螺到遲到。
我本身個人就好有時間觀念,我忍得好苦。
點算,我真係唔識處理理😢。


我心又急,個仔又扭,又唔打得


大宅

積分: 1702


發表於 19-9-13 15:33 |顯示全部帖子
你做得好好架喇, 唔好咁唔開心

小朋友係未適應, 我個仔都係咁, 行緊去學校都話會唔喊, 到見到學校就喊死左, 點都唔俾我走, 俾多少少時間小朋友


大宅

積分: 1991


發表於 19-9-13 23:43 |顯示全部帖子
Wano_o 發表於 19-9-12 09:44
有冇媽媽是同路人?我真係就快死
我小朋友今年2歲半讀緊N班 全日
屋企經濟問題,冇人照顧只好全日。(9-4 ...

我個仔都是咁, 每日都在門口喊, 吾肯入學校門口, 幸好老師會出黎幫手抱佢入學校, 每日我都會問佢, 你今日返學開吾開心, 佢就必答, 吾開心, 我問點解? 因為無媽咪, 我就笑住同佢講, 媽咪在公司, 當然無la, 話佢知學校只比小朋友返, 吾比媽咪陪你, 你比多些時間佢, 吾好責罵佢, 佢只是掛住你呢


洋房

積分: 78


發表於 19-9-13 23:49 |顯示全部帖子
我做左個表,買左印仔。同佢講番學印一個,草著5個,星期6就可以去做想做既事。
佢話明白,但出門口時印完就話唔番

依家喊到把聲沙曬。我好想佢enjoy學校,唔好咁拒絕。呢d日子仲有幾耐


珍珠宮

積分: 32599


發表於 19-9-14 09:20 |顯示全部帖子

回覆樓主:

本帖最後由 秋天與楓葉 於 19-9-14 23:16 編輯

小朋友無錯
得兩歲想媽咪陪係好正常
去公園觀察下自己同其他小朋友,兩歲小朋友同照顧者保持個距離唔會遠,小朋友要知道照顧者喺身邊先有安全感
三歲前仍然係依附期,小朋友仍然好需要照顧者俾安全感
突然返學返7個鐘,對小朋友而言係7個鐘喺陌生環境,獨自面對陌生人
加上大人有時間概念先明咩叫7個鐘,對小朋友而言7個鐘係好耐好耐好耐
試想想,你每日規定要走去一個陌生人屋企,對住個陌生人7個鐘,你都會唔開心同唔願去
依加小朋友太早要同照顧者分離,對小朋友心智發展唔係一件好事



男爵府

積分: 5714


發表於 19-9-15 00:08 |顯示全部帖子

回覆樓主:

我仔k1時都係喊左2個幾月,每日番學前都問佢,想媽咪帶啲乜野黎接放學呀?可能係車,滑板車,餅乾,吹泡泡等等... 然後就係令佢快啲識到朋友仔,番學就有動力啦!如果帶餅乾接放學,可以試下叫佢請一啲佢認得既同學仔食呀!通常小朋友有野食就痴埋一齊,就算第一次唔會,第二第三次就會自自然然痴埋一齊。初時我仔就係咁,放學真係有同學仔叫家長等埋我仔放學呀,然後係學校門口食幾塊餅仔,傾下玩下跑下。之後番學就唔喊喇~~


大宅

積分: 1207

開心吸收勳章


發表於 19-9-16 16:29 |顯示全部帖子
Wano_o 發表於 19-9-13 12:29
我小朋友係歲半就去左讀Playgroup. 一星期兩堂,每堂兩個鐘。
因為有我陪住,佢都表現好好。偶然我行開左一 ...

會唔會試下前一晚瞓覺前著定校服, 朝早起身時就係抹個面食早餐就「的」佢返學。 咁你時間就會好控制啲。
其實都係一個過渡期,我小朋友半歲後都係自己湊,從來未離開過我五個鐘, 又冇返過咩playgroup。 n班返學喊咗一個禮拜之後就冇喊, 重點係你個仔話返學開心,佢好快就會適應到。加油!


男爵府

積分: 9374


發表於 19-9-17 02:02 |顯示全部帖子
我個都係咁上下
但我會俾d 時間

之前返過三間playgroup, 有兩間有熟悉小朋友, 留低佢一個都唔會喊.
最尾返另一間, 留低就一定喊10 分鐘. 唔肯出門.

而家正式返學, 每日出門都喊, 但一入去學校, 老師話ok.


子爵府

積分: 10343


發表於 19-9-17 10:34 |顯示全部帖子
回覆 Wano_o 的帖子

媽媽辛苦晒,我明白你,因為我都係好有時間觀念,有時遲到都好唔好意思,真係內心好急,但又要控制情緒,我好多時唯有係提早話佢知發生咩事,而且佢好喜歡聽歌,每次我唱佢就會冷靜落唻。
我估要俾小朋友適應下,全日始終時間太長,如果之前日日長時間見到媽媽,宜家見唔到,情緒唔好係一定嘅,囡囡之前一聽到我要離開屋企或者去廁所就會爆喊,宜家識同我講媽媽返工,媽媽沖涼,知道係咩時間又見番我,會好開心同我講拜拜。


洋房

積分: 78


發表於 19-9-19 13:26 |顯示全部帖子
各位媽媽。好多謝你地同我打氣同分享。這個星期我安排左個表,一日蓋一個印仔。
到星期六就會有佢想去既地方/食物/小禮物。鼓勵佢番學。

這星期講「唔想番學校」呢句野係明顯少左
而且起身都會肯自己著鞋同出門口。
我覺得是有進步的。
但永遠就係到學校門口,佢就悲從中來
開始口upup話 「唔番學校」企係到唔郁
但又會自我安慰「好快就有媽媽」
但就浪住d眼淚係眼到,自言自語。同自己打氣
我側邊睇到覺得好瘋狂


但我都係講拜拜,放學見~~
就將佢交俾老師。我就頭也不回離去。
到5、6分鐘到啦,我就去門口鬼鼠位睇佢做早操,佢唔知點解佢都係唔做。留係課室到。唉

佢仲未慣群體是不是?
我眼見一個同學仔,留適應班喊得好勁。
但依家已經冇野了。
相反我仔適應班番得好好,但依家就喊。
古怪。


子爵府

積分: 10343


發表於 19-9-19 13:47 |顯示全部帖子
個個小朋友反應都唔同架,有媽媽分享過小朋友頭1個月返學都無喊,到左1個月後反而日日返學都喊,估計因為頭1個月覺得好新鮮,但後來發現日日都有好長時間見唔到父母,所以喊,就算我囡囡宜家返親子班,都有其他小朋友返左7、8個月仍然要痴住父母,離開一陣,就會需要父母去安慰。

媽媽唔需要灰心呀,育兒路好漫長,堅持同耐性好重要,壓力太大就要輕鬆下,小朋友都想一個開心媽媽做個榜樣,等佢都識得點樣做個開心嘅人


洋房

積分: 78


發表於 19-9-20 14:56 |顯示全部帖子
係既,我會努力 有各位同路人,我路上不孤單


洋房

積分: 80


發表於 19-10-5 13:58 |顯示全部帖子
加油呀媽媽!深呼吸💪🏻

首頁
12

尾頁

跳至