少年成長

跳至

首頁
12

尾頁
   0


大宅

積分: 2546

2019新春慶豚圓 2019勳章


發表於 19-9-14 00:52 |顯示全部帖子
佢同我講想去佢同學屋企玩,其實都唔係第一次,佢話全部都係女仔,大約5-6人,有d就唔同班。但我係完全唔識及無接觸過佢的中學同學,我曾經都有建議我女,如果想一齊玩,可以上我地屋企,但佢就沒有同佢地提過,又覺得因為佢幾個同學都係住嗰度附近,應該去佢地屋企方便到自己屋企。
所以我擔心如果比佢去,唔知佢識咩人?唔知人地屋企咩人?
如果次次唔比佢去,又驚有反效果?
我應該點做好?


男爵府

積分: 8690

2019新春慶豚圓


發表於 19-9-14 06:27 |顯示全部帖子
中二都唔比! 你會唔會太嚴咁呢?


大宅

積分: 2546

2019新春慶豚圓 2019勳章


發表於 19-9-14 09:41 |顯示全部帖子
mamasprits 發表於 19-9-14 06:27
中二都唔比! 你會唔會太嚴咁呢?

所以我咪話如果唔比,驚有反效果囉。其實最主要係我唔識佢其他同學及佢地家長。呢d全部都係我女上到中學先識,不是小學同學。而且我知我女成日都想和同學去Cosplay,但我對呢樣野有點擔心。而且我地讀呢間係Band 3 嚟架。


伯爵府

積分: 15104


發表於 19-9-14 09:42 |顯示全部帖子
yan321 發表於 19-9-14 00:52
佢同我講想去佢同學屋企玩,其實都唔係第一次,佢話全部都係女仔,大約5-6人,有d就唔同班。但我係完全唔識 ...

本帖最後由 YolandaTam 於 19-9-14 09:43 編輯

咁你有冇覺得令嬡群咗呢班同學之後變壞,定係對方屋企成屋男人 ?如果冇特別嘅,唔怕啦,又唔係過夜,你要信佢呀!(Band 3 都有好純品嘅同學, cosplay 只係一種活動)


大宅

積分: 2546

2019新春慶豚圓 2019勳章


發表於 19-9-14 09:47 |顯示全部帖子
YolandaTam 發表於 19-9-14 09:42
本帖最後由 YolandaTam 於 19-9-14 09:43 編輯

咁你有冇覺得令嬡群咗呢班同學之後變壞,定係對方屋企成 ...

佢上了中學咪成日和同學打機同埋話成日想玩/去Cosplay.


大宅

積分: 2546

2019新春慶豚圓 2019勳章


發表於 19-9-14 09:58 |顯示全部帖子
yan321 發表於 19-9-14 09:47
佢上了中學咪成日和同學打機同埋話成日想玩/去Cosplay.

所以我都唔知點做好?比慣咗去唔知會唔會放大咗佢個膽?因為佢平時都無尾飛陀,放學後都會和同學去麥記食野同打機,叫佢打比我講聲,又話唔記得。


伯爵府

積分: 15104


發表於 19-9-14 10:00 |顯示全部帖子
yan321 發表於 19-9-14 09:47
佢上了中學咪成日和同學打機同埋話成日想玩/去Cosplay.

明白,我諗你都係驚佢唔知識埋啲咩人同埋荒廢學業啫?
我明白讀 Band 3 可能成績唔係咁好,甚或乎能力/興趣根本唔喺學習上。
咁佢成績有冇變差呀?佢其實有乜嘢志願呢?都中二咯,如果佢冇興趣普通學科,係時候要諗啲另類學習:例如廚藝學院、兆基創意書院之類啦。


伯爵府

積分: 15104


發表於 19-9-14 10:11 |顯示全部帖子
yan321 發表於 19-9-14 09:58
所以我都唔知點做好?比慣咗去唔知會唔會放大咗佢個膽?因為佢平時都無尾飛陀,放學後都會和同學去麥記食野 ...

咁吖,如果你試吓一排咁:佢返嚟之後叫佢"點唱"夜晚一味餸,收到"Order "先至去買材料。如果佢過咗某個時間,例如五點半佢冇聯絡你,你當晚就煮佢唔鍾意食嘅餸(如果碟碟佢都憎嘅最好),等佢捱白飯,唔知咁幫唔幫到佢記得呢?(如果係我女佢就一定投降:佢唔食辣,對蛋同小麥敏感,我就無食物敏感兼幾乎無辣不歡。如果佢唔點餸我一定煮辣嘢或煎蛋角,毒辣小小嘅唔煮飯,煮麵,佢就食西北風 )


大宅

積分: 2546

2019新春慶豚圓 2019勳章


發表於 19-9-14 10:16 |顯示全部帖子
YolandaTam 發表於 19-9-14 10:00
明白,我諗你都係驚佢唔知識埋啲咩人同埋荒廢學業啫?
我明白讀 Band 3 可能成績唔係咁好,甚或乎能力/興 ...

就係成績變差了,佢本身中一是精英班,其實當時還有2-3個小學同學一齊派到呢間學校亦係同一班精英班,但漸漸佢已唔想再和呢幾個同學一齊玩,我問佢點解唔一齊,佢都話唔想,反而識了其他新同學,佢都係成日打機,有試過成日欠功課見家長,成績老師話退哂步,上堂唔聽書...,到現在中二已降了普通班了。


伯爵府

積分: 15104


發表於 19-9-14 10:21 |顯示全部帖子
yan321 發表於 19-9-14 10:16
就係成績變差了,佢本身中一是精英班,其實當時還有2-3個小學同學一齊派到呢間學校亦係同一班精英班,但漸 ...

咁要同佢傾吓喎,唔好話佢朋友唔好,佢會好反感。
你問吓佢欣賞朋友啲咩?佢對自己成績差咗有咩睇法,老師話佢退步佢有乜感覺,仲有佢讀完中三想點?有冇咩科想讀,有咩手藝想學?


大宅

積分: 2546

2019新春慶豚圓 2019勳章


發表於 19-9-14 11:04 |顯示全部帖子
YolandaTam 發表於 19-9-14 10:21
咁要同佢傾吓喎,唔好話佢朋友唔好,佢會好反感。
你問吓佢欣賞朋友啲咩?佢對自己成績差咗有咩睇法,老師 ...

佢完全無唸過佢夢想,佢話由排啦!問佢想做咩,佢話Cosplay。我話呢個唔係職業喎,呢個只係娛樂,跟住佢仲答我都搵到錢架。所以我都擔心第時會唔會識嗰d私影架。順便我已經講埋比佢知有呢樣野,等佢大個小心d呢d陷阱。所以而家都唔知點管教? 唔比佢去又驚反效果? 我想佢同嗰幾個小學同學一齊玩,佢又唔肯!


伯爵府

積分: 15104


發表於 19-9-14 11:54 |顯示全部帖子
yan321 發表於 19-9-14 11:04
佢完全無唸過佢夢想,佢話由排啦!問佢想做咩,佢話Cosplay。我話呢個唔係職業喎,呢個只係娛樂,跟住佢仲 ...

佢畫畫掂唔掂㗎?


大宅

積分: 3888


發表於 19-9-17 22:31 |顯示全部帖子

回覆樓主:

依家動漫係咩我都脫節了,我係30中的媽媽,我當年16歲時都有玩cosplay, 仲好沉迷寫同人創作,仲記得當年我阿媽為左我會點做……

我中四時喜歡日本文化,二次元創作和cosplay, 成續當然有退步,因為我用左心思係cosplay和二次元。我記得我當初想cosplay一個Lolita二次元動漫人物,當年無淘寶,做件cosplay衫動輒數百至一千,我記得我媽係會鼓勵我好好讀書,考到好成續送件cosplay衫我,但我媽唔會就咁放我走,到動漫節我媽仲陪我一齊去,我最深刻係有一年動漫同人節,我畫左漫畫和小說投了攤檔賣,我當然有玩cosplay啦,我媽仲陪我去旺角攞貨,陪足我兩日去動漫同人節擺檔。


大宅

積分: 3888


發表於 19-9-17 22:36 |顯示全部帖子
idykawaii 發表於 19-9-17 22:31
依家動漫係咩我都脫節了,我係30中的媽媽,我當年16歲時都有玩cosplay, 仲好沉迷寫同人創作,仲記得當年我 ...

我同朋友去cosplay時,我媽幫我睇檔,賣野和收錢,成個個程我覺得好開心,媽咪係我身邊支持我做一d我喜歡的事,唔會鬧我和幫助我。我仲記得完晒兩人同人節後,我d貨賣晒,仲有幾千蚊賺到,係我咁大個女第一次賺錢,好開心咁請媽咪食韓國晚餐,媽咪果時同我講,第時大過左做人媽媽後,你要記得媽咪今日為你做嘅野,然後就好好咁陪住你的子女成長丫。當年我唔太明白媽咪的說話,到依家我為人母,阿女小二了,真心感動媽咪陪住我成長。

我同jm你分享了自己的經歷,希望能為你帶出不同的睇法,好好咁陪住你女兒成長,加油丫!


珍珠宮

積分: 32016

2019新春慶豚圓 2019勳章


發表於 19-9-18 00:14 |顯示全部帖子

回覆樓主:

中六我都唔俾,始終係女仔


大宅

積分: 2546

2019新春慶豚圓 2019勳章


發表於 19-9-18 08:45 |顯示全部帖子
idykawaii 發表於 19-9-17 22:36
我同朋友去cosplay時,我媽幫我睇檔,賣野和收錢,成個個程我覺得好開心,媽咪係我身邊支持我做一d我喜歡 ...

多謝你的分享! 你媽媽真係好明白、好愛錫你的好媽媽 其實阿女有時都會send 動漫的活動比我睇,話想去,想和同學一齊去,但我當然唔係好想佢跟人去,好似鼓勵佢自己群埋同學周圍玩咁。所以都好難做?不過聽完你咁講,可能我也可嘗試加入多少少,不過唔知佢肯唔肯? 你媽媽當時都會陪你周圍去動漫嗎?你當時沒有嫌佢阻住,或是要帶阿媽去有好醜的感覺嗎?我只是同佢去過會展的動漫咋。


大宅

積分: 3888


發表於 19-9-18 13:42 |顯示全部帖子
yan321 發表於 19-9-18 08:45
多謝你的分享! 你媽媽真係好明白、好愛錫你的好媽媽 其實阿女有時都會send 動漫的活動比我睇, ...

回想當年,我媽咪真係為我做足功課 我一d都唔會覺得帶埋媽咪去動漫好肉酸,我仲好開心有人幫我睇野,我唔需要帶住d野四圍走

因為我媽咪係勁識晒我鍾意的日本名星和動漫。當年我鍾意V6和Kinki Kids, 動漫鍾意棋魂,我媽係做功課做到認得晒d日本名星名和動漫角色。

jm你可以試下同女女講想同埋佢一齊去動漫cosplay, 想了解下佢喜的事,同佢講你cosplay的話影相,媽咪可以幫你地睇住d袋,咁你地都玩得放心啦。你女女會感動,永遠都會記得媽咪陪住佢的成長回憶。


大宅

積分: 3888


發表於 19-9-18 13:48 |顯示全部帖子
yan321 發表於 19-9-18 08:45
多謝你的分享! 你媽媽真係好明白、好愛錫你的好媽媽 其實阿女有時都會send 動漫的活動比我睇, ...

我媽咪到依家70歲啦,都唔會out 我女讀小學,好鍾意迪士尼,有一次我同媽咪食飯,行過書局媽咪話買本圖書俾我女,本圖書係迪士尼小魚仙D配角龍蝦做主角故事。我問我媽係咩,我媽話隻龍蝦叫沙巴信 我女可能係婆婆屋企同婆婆傾計講,我媽到依家70歲都為個孫update資訊,我真係要向我媽咪好好學


大宅

積分: 2546

2019新春慶豚圓 2019勳章


發表於 19-9-18 18:17 |顯示全部帖子
idykawaii 發表於 19-9-18 13:48
我媽咪到依家70歲啦,都唔會out 我女讀小學,好鍾意迪士尼,有一次我同媽咪食飯,行過書局媽咪話 ...

見到你媽媽為你地付出的心紀,真係好感動,呢d真係甚麼物質、金錢都比唔上,而且亦令你到現在都咁深刻留底美好回憶。真係好多謝你的分享,令到我可以好好借鏡同反思


珍珠宮

積分: 36467

2019新春慶豚圓 2019勳章


發表於 19-9-19 16:47 |顯示全部帖子

回覆樓主:

我女小五已去過女同學屋企玩,第一次去我有同行,了解下佢d同學、住係邊,同人地家長交流下。

我女今年升中一,有提過想去一女同學屋企,我話遲d先,我直接講因為剛認識,未太了解對方唔太好,我女也同意。

首頁
12

尾頁

跳至
你需要登錄後才可以回帖 登入 | 註冊