少年成長

跳至

首頁
1

尾頁
   2


子爵府

積分: 10859


發表於 19-9-15 10:52 |顯示全部帖子
呢輪教緊阿女做高一班嘅數學,唔知點解可能好多家長都遇到過教教吓自己都就會越嚟越忟憎好容易越講越大聲,有陣時家姐 都會畀我教導想喊咁。其實當自己冷靜落嚟諗都會知道唔應該咁忟憎,不過可能有陣時就硬係覺得啲嘢細家姐應該要識但係佢又做錯,講極佢又好似唔係好明咁,所以越講就會越忟憎。

自己都明白而家啲嘢對家姐嚟講係深咗,同埋佢未學唔可以要求咁高。而家通常都係前一晚我畀定幾題數家姐做,等家姐第二日放學返嚟做完之後夜晚返嚟我就會幫佢對同埋教番佢點做。家姐好多時都未必會全部做啱曬好多時都有錯,之前家姐一聽到要埋枱預備改正同埋教番佢點做佢就開始有啲擔心個樣仲有啲驚咁,所以近呢幾次一埋枱預備教佢功課嘅時候我都一定提醒自己唔好忟憎慢慢嚟,試過有一次家姐全部做錯曬,其實一路對答案我一路已經嬲嬲哋!家姐見到我個樣佢都即刻變曬聽,到我一開始問佢啲嘢點解嘅時候,佢就開始已經流眼淚。但嗰次我即刻同自己講唔好嬲唔好惡溫柔啲慢慢嚟。反而慢慢解釋畀家姐聽,其實我預咗佢錯,因為啲嘢佢未學過,我重視嘅係佢有冇詳細寫啲步驟出嚟畀我知道佢錯啲乜嘢,我同佢講佢唔識我係唔會鬧佢,亦都唔會唔鍾意,因為真係預咗佢唔識同啲嘢對佢嚟講係新嘅。 咁講完佢又真係好似即刻放心曬,仲開始同我有問有答,嗰次雖然佢都係做錯曬啲數,但係教佢嘅時候個氣氛就變得好好多。 我成日同佢強調我重視嘅唔係佢啱幾多,而係佢明唔明白同埋就算錯咗佢識唔識得改正。

我越嚟越覺得教功課係真係要搵到同埋配合到細路仔嘅節奏,好多時都係家長嘅期望同埋細路嘅能力唔配合,好多時出問題其實係家長太過心急配合唔到細路仔學習嘅節奏。好似我教家姐做數咁,好多時用一個方法教佢教極佢都唔明,反而試下換另一個教法用另外一個方式去解,可能佢又會容易啲明白。發脾氣忟憎心急係唔會令到個細路仔學得快咗 ,但係如果我哋識得諗下其他唔同嘅方法或者將個步伐放慢啲,反而可能細路仔會容易啲學到亦都唔會令佢哋怕咗學習。道理好似好簡單,個個家長都應該明,但真係唔容易做到。


男爵府

積分: 5454


發表於 19-9-16 20:49 |顯示全部帖子

回覆樓主:

見jm你打咁大篇野,我睇完後都明白你心情,雖然我女只係小學,但教數時教極都唔識我都會好忟。

但抽身出來換她的角度睇,你女都已經高一了,已經可以自己安排溫書,更可況媽咪要佢早一d唔識嘅野或學校未教嘅野?唔識都好正常,要小朋友早老師一步學識老師將會教的智識真的重要嗎?何不放手給女女自己學習自己嘗試,功課知識交俾學校或補習老師吧,母女之間的關係更難能可貴,女女高一已到15/16歲了,珍惜住一段好的母女關係比起早一步學懂數學更為重要。

jm加油丫


子爵府

積分: 10859


發表於 19-9-16 22:29 |顯示全部帖子
回覆 idykawaii 的帖子

可能我寫得唔清楚,其實我個女今年係小學五年級。另外,我哋想阿女學得有信心啲,所以只係好似當係預習等佢早啲學吓學校將會教嘅嘢。等佢可以有啲概念先,到將來學校教嘅時候會容易啲上手,學習上會多啲信心。


男爵府

積分: 5454


發表於 19-9-17 22:58 |顯示全部帖子
csir3290 發表於 19-9-16 22:29
回覆 idykawaii 的帖子

可能我寫得唔清楚,其實我個女今年係小學五年級。另外,我哋想阿女學得有信心啲, ...

係我睇得唔清楚,原來係話高一級,唔係高一,唔好意思丫。

不過都明白你早點教她的目的係想女女在上堂時更快掌握,但都好訓練家長的EQ, 提早教好遇上唔識真係好正常,不要太炆丫。


子爵府

積分: 10859


發表於 19-9-18 21:59 |顯示全部帖子
回覆 idykawaii 的帖子



珍珠宮

積分: 46547


發表於 19-9-19 22:12 |顯示全部帖子

回覆樓主:

高一級學概念就夠,唔需要熟。
太熟老師教既時候唔會專心。

反而應該打好基本功,全科扎好根基


子爵府

積分: 10859


發表於 19-9-19 22:15 |顯示全部帖子
回覆 mike89 的帖子

謝謝提醒!


大宅

積分: 3099


發表於 19-9-20 09:58 |顯示全部帖子
回覆 csir3290 的帖子

明白小五快要呈分,家長一定緊張。我覺得可以先讚賞下小朋友,每日自動自覺備課及完成你給他的題目,等佢重拾返信心,無壓力底下頭腦清醒,相信較果會好D。


複式洋房

積分: 131


發表於 19-9-20 12:42 |顯示全部帖子
心急無用嘅 最主要係你個女唔好太大壓力啦


禁止訪問

積分: 72


發表於 19-9-25 13:04 |顯示全部帖子
提示: 作者被禁止或刪除 內容自動屏蔽

首頁
1

尾頁

跳至