親子旅遊

跳至

首頁
12

尾頁
   4


洋房

積分: 44


發表於 19-9-16 09:23 |顯示全部帖子
本帖最後由 爸爸爸爸 於 19-9-16 09:32 編輯

至於實際上係點真係要去完先知。或者大家比啲意見。。。

宮殿

最多遊客去嘅昌德宮,原本嘅歷史有幾百年,但幾次失火重建又失火又重建,而家好似只係重建咗20年都唔知有冇。。 入去只係睇1:1模型,完全冇歷史痕跡。其他宮殿。。 話俾我知係唔係真係值得去睇。

怡南島+小法國一日遊

可能有紅葉嘅季節會好啲掛,但其實個地方好似郊野公園咁,只係多咗個火車軌上踩單車嘅嘢。。 小法國係韓劇劇景嚟,堆砌咗一咋仿歐嘅建築俾你影下相咁。俾啲未去過歐洲嘅人啱啲,正如未出過國門會覺得世界之窗好正。要我俾 4,5百參加一日團去啲咁嘅地方真心覺得戇居無聊。

DMZ 一日遊

喺個山頭離遠咁望向北韓,基本上乜都冇只係見到北韓旗,需要無限想像,哦,嗰度係北韓呀。其實意義何在?

南山公園,吊車

我無興趣,唔覺會有幾特別。

首爾塔

登塔入場費好似三十幾,平。但睇review 啲人話超多人排隊上去,而且上到去幾分鐘睇完,景又唔係好,個塔本身又唔係好。專程過去好無謂。

博物館

戰爭博物館,本來應該係記錄戰爭嘅可怕,等人懼怕戰爭,或者悼念為國家捐軀嘅英勇軍人。但據review講呢個博物館就搞到個博物館好似好輕鬆咁,總之感覺不對。其他博物館展覽館大概都係大就好大,但展品好少,內容貧乏甚至其中好多展館唔開,即係大而無當。稍為有啲寄望嘅係 Leeum Samsung 藝術博物館。

明洞

基本上係條超多遊客好迫嘅一個地域,成條街都係重覆又重覆嘅藥妝店,sales 會用free gift 嚟引你又去斬你,甚至出手拉你。本地人根本唔會喺嗰度消遣。我比較好奇點解咁多人要住喺明洞。方便日日由朝到晚落街買化妝品?

廣藏市場

一個好大嘅有蓋市集,小食為主。又係充滿外國遊客嘅地方。但小食份量唔少,食二三四樣應該已經好飽。最大問題係好多都單睇外表好難知佢味道如何,結果係容易中伏。

弘大

大學區,年青人聚集,梨花女仔大學可以鴿女。比較多coffee shop 同小店。星期六有市集。可以行下。但問題係我唔係年青人,去到會唔會格格不入。去到先知。

樂天,江南

有錢人區,都會去到此一遊行下嘅。江南有個 coex mall,入面有個書架好高嘅圖書館,會花幾分鐘入去見識下。樂天就主要係個 shopping mall,都會行下。

仁寺洞

老區。會過去行下嘅

東大門設計廣場(DDP)

去到都係同個建築物影下相,我諗都冇其他嘢可以做

北村韓屋

基本上係豪宅,一條街兩旁嘅住宅都係設計到古代建築咁,斜路嚟,有人話行得幾辛苦,而且只可以喺街行,唔可以入去,因為人哋屋企嚟。新嘅古代屋。我無興趣。

因為太多遊客,居民感覺被騷擾,所以而家條街訂立咗條街嘅開放時間,去到5pm。就算平時開放時間內如果講嘢大聲,有機會有人出嚟直斥其非,應該會幾精彩。

梨泰院

喺首爾嚟講算係一個比較國際化嘅地方,外國酒吧餐廳林立。外國人好多,包括好多南亞中東,白人,美軍。。。 但亦好多呃遊客嘅嘢,物價一般比其他區高。可能會去睇下,但應該唔會去嗰度食清真,咖喱或者西餐,飲酒喇。

南大門東大門

個名令我諗起深圳東門,所以冇心機去睇佢啲資料。。

表演娛樂

有幾樣比較出名嘅舞台表演,nanta 亂打 show,我 YouTube 睇過下片段,覺得個幾鐘睇呢啲嘢比較考我耐性,雖然好多人話好睇。hero painters 我book咗呢個。 Fireman,再睇下去到行程,如果無咩嘢做可能會睇埋呢個。另外我book 咗玩一節 escape room,有信心呢個比較好玩。4D/3D 畫俾人影相嗰啲,其實之前喺其他地方都去過,到時再睇下去唔去。

食嘢

會食幾餐人均200嘅韓式嘢,孔陵一隻雞,海鮮鍋,橋村炸雞,姜虎東白丁或者馬場畜產物市場或者其他地方食烤肉,炭火烤鰻魚,或者。。仲有咩介紹?


大宅

積分: 2989


發表於 19-9-16 11:38 |顯示全部帖子
說的問題,去到其他國家也差不多,遊客多的地方就失去了該地區特色。

明洞買衫、鞋的確比香港平,都值得睇,

南怡島一日團係偏貴,自己坐公交去沿途欣賞風光其實不錯。

食物而家會隨心食、隨意食,基本上講得出既蔘雞、冷面、烤牛等,不追求旅遊熱點,隨心去體驗店舖,會發現更多。


男爵府

積分: 5369


發表於 19-9-17 15:45 |顯示全部帖子
爸爸爸爸 發表於 19-9-16 09:23
至於實際上係點真係要去完先知。或者大家比啲意見。。。

宮殿

……總括,點解仲要去!?


瑪瑙宮

積分: 144000

2019新春慶豚圓 2019勳章 畀面勳章


發表於 19-9-17 16:00 |顯示全部帖子

回覆樓主:

本帖最後由 I9528 於 19-9-17 16:01 編輯

人人對景點都有唔同體會

好似 DMZ,如果你對南北韓歷史無興趣,的確無感受
但我去完對面嘅北韓,又响北韓望番南韓DMZ,同直接企响 DMZ,果種自由嘅感受,無去過北韓,絕對無感覺的


伯爵府

積分: 17787

2019新春慶豚圓 2019勳章 畀面勳章


發表於 19-9-17 16:23 |顯示全部帖子
首爾,未去過都可以去下
其實我都麻麻地韓國,但唔知點解呢個地方我去左5丶6次不過有幾次係出trip

首爾塔,去過兩次,無人排隊
戰爭博物館,第一次自己去,的確有點沒趣,但第二次同阿仔去,佢睇得好開心;同樣地,樂天世界,我覺得好一般,但之後同仔女去,見佢地玩得開心我又幾開心
其實愛寶好玩d,不過遠咯
東大門,我都麻麻,開天殺價,d style又唔太啱我
南大門,我女就好鍾意,因為多韓國手信丶韓星產品。景福宮個個都去,其實個皇官係重建,同故宮嗰d無得比,不過當打卡咯
我反而幾喜歡南怡島喎,可能因為首爾無乜野啱買,去下郊遊,睇下香港無的植物丶風景,hea下咁幾好


伯爵府

積分: 17787

2019新春慶豚圓 2019勳章 畀面勳章


發表於 19-9-17 16:28 |顯示全部帖子
另外rail bike大人細路都覺得好玩
韓屋村我淨係去過南山谷嗰個,唔駛$嚟講,可以攝下時間,如櫻花季有花睇
我地一家很喜歡踩單車,去好多地方都會踩下,在首爾我們就去了汝矣島綵,沿途好多櫻花,係我最喜歡的行程


水晶宮

積分: 50413

2019新春慶豚圓 好媽媽勳章 醒目開學勳章


發表於 19-9-17 16:37 |顯示全部帖子
樓主是男?幾時去? 首爾10月尾/11月初睇銀杏/紅葉,4月頭至中睇櫻花、12月尾至2月尾滑雪,其他季節真係有點悶。

對韓屋有興趣又唔想行斜路,可去南山韓屋村參觀,鍾路三街站益善洞有許多韓屋改建的cafe, 安國站onion 亦是著名的韓屋cafe.

首爾塔都開始舊,樂天塔更高內部亦靚好多,但入場費又更貴。

韓國好多仿歐洲建築,對小王子無興趣,南怡島行程可加晨靜樹木園或 rail bike

食物除了韓式食品,可考慮意粉、pizza, 麵粉靚加上大量芝士,較香港好食!甜品蛋糕一般都好味!餐廳明碼實價,放心!


男爵府

積分: 6785


發表於 19-9-19 15:34 |顯示全部帖子
tungking 發表於 19-9-17 15:45
……總括,點解仲要去!?

對!唔鍾意咁多地方,点解還要去?


複式洋房

積分: 203


發表於 19-9-19 18:42 |顯示全部帖子

回覆樓主:

韓國係全家去過咁多地方之中唯一唔會encore 再去嘅地方


水晶宮

積分: 50110

2019新春慶豚圓 2019勳章 2018復活節勳章 畀面勳章 叻叻勳章 BK Milk勳章 hashtag影視迷勳章


發表於 19-9-19 20:06 |顯示全部帖子
樓主講嘅地方, 除咗DMZ外, 所有都去過, 而且唔止去過一次, 我幾喜歡韓國, 所以仍會再去


洋房

積分: 44


發表於 19-9-19 22:18 |顯示全部帖子

回覆樓主:

話說我已經在旅途上。而家韓國時間11:17pm ,比香港早一小時。

打算另開個post 寫下今次首次嘅首爾之旅。。

有無人支持俾啲鼓勵


大宅

積分: 2508

2019新春慶豚圓


發表於 19-9-20 15:52 |顯示全部帖子
爸爸爸爸 發表於 19-9-19 22:18
話說我已經在旅途上。而家韓國時間11:17pm ,比香港早一小時。

打算另開個post 寫下今次首次嘅首爾之旅。 ...

有興趣呀,仲想知你住邊呢


珊瑚宮

積分: 105497

2019新春慶豚圓 2019勳章


發表於 19-9-20 16:23 |顯示全部帖子

回覆樓主:

講到咁,仲揀韓國?我想去都去唔到


珊瑚宮

積分: 111989

2019新春慶豚圓 2019勳章 開心吸收勳章


發表於 19-9-20 16:26 |顯示全部帖子

回覆樓主:

去旅行就係咁架啦。


男爵府

積分: 5411

2019新春慶豚圓


發表於 19-9-20 23:58 |顯示全部帖子

回覆樓主:

我好喜歡去韓國,去左兩次首爾,一次釜山,黎緊下年都打算去韓國


洋房

積分: 44


發表於 19-9-21 00:26 |顯示全部帖子

回覆樓主:

今晚最後一晚,食咗烤韓牛+豬腩肉。



400g 牛 + 146g 豬 = 52000won = hkd343

餐廳開爐費 6000X2 + 白飯 1000x 2 = 14000won = hkd92

共 hkd435,食到好飽。


男爵府

積分: 7694


發表於 19-9-23 06:28 |顯示全部帖子
爸爸爸爸 發表於 19-9-19 22:18
話說我已經在旅途上。而家韓國時間11:17pm ,比香港早一小時。

打算另開個post 寫下今次首次嘅首爾之旅。 ...


我都計劃緊12月去韓國.....


克盡已能.參予義工.盡展所能!


洋房

積分: 44


發表於 19-9-23 22:48 |顯示全部帖子
Bunny_BB 發表於 19-9-23 06:28
我都計劃緊12月去韓國.....

其實結論係。。我哋兩個第一次去(冇帶小朋友),悠閒咁過咗幾日,食咗啲大嘢細嘢,其實都幾開心


大宅

積分: 2905

2019新春慶豚圓 2019勳章


發表於 19-9-24 16:40 |顯示全部帖子
爸爸爸爸 發表於 19-9-21 00:26
今晚最後一晚,食咗烤韓牛+豬腩肉。

我都係喺石信食,好滿足。


洋房

積分: 44


發表於 19-9-24 16:48 |顯示全部帖子
紫蘿蘭 發表於 19-9-24 16:40
我都係喺石信食,好滿足。

見到呢度有人推介先識去。

經過一間有度如風幅相嘅鋪頭我以為係石信,原來唔係,不過個老闆都好好人咁幫我指方向,之後行過咗問另一攤檔都照樣熱心指方向。喺香港多數答唔知。

首頁
12

尾頁

跳至
熱門主題
你需要登錄後才可以回帖 登入 | 註冊