婦女醫護

跳至

首頁

尾頁
   19


大宅

積分: 2863


發表於 19-9-17 11:56 |顯示全部帖子
話說我本身睇開中環李福謙醫生好多年,早幾日去見佢我話已經唔會再考慮懷孕(ivf左好多年+經歷早期及中期小產),希望處理左呢個腺肌症問題,所以想傾吓做手術,因為每個月超過一半嘅時間都係好難受,流勁多血同埋各種痛。點知佢竟然超級拒絕我,話我得37歲做乜要切左佢,話怕我會後悔。同埋極力遊說我食visanne。我梗知自己未夠40,但希望用治本方法解決攞返個人生。我話見好多食過呢隻藥嘅人效果唔一定有保證,好多人都話係咁流血,唔係個個都咁好彩有最佳嘅效果,咁即係又要試同埋搏?真係捱多一個月都嫌多。不過李醫生唔知點解好似講到隻藥好神咁,極力遊說我要試囉。

(續)


大宅

積分: 2863


發表於 19-9-17 11:57 |顯示全部帖子
zitali8283 發表於 19-9-17 11:56
話說我本身睇開中環李福謙醫生好多年,早幾日去見佢我話已經唔會再考慮懷孕(ivf左好多年+經歷早期及中期小 ...

所以去見阮醫生攞意見,因好多人話佢手術手勢好好。我知道切子宮留卵巢,基本上對女人衰老影響唔係太大。我覺得佢傾向做手術,佢覺得呢個方法先係真正解決問題,辛苦嗰個自己知自己事,想解決就係要做手術。同埋佢話隨年紀,腺肌症問題只會越嚟越嚴重,再遲啲先選擇做,風險就更高難道更高。不過佢話,可以有機會做手術嘅時候先發現卵巢一定要切,例如卵巢同子宮黏連太勁黐住等。所以唔知道有冇jm, 本身都有類似嘅問題,但係成功手術保存到卵巢??如果當我做完手術醒返嘅時候,醫生同我講卵巢切左,真係會接受唔到(emoji)



大宅

積分: 2863


發表於 19-9-17 11:58 |顯示全部帖子
zitali8283 發表於 19-9-17 11:57
所以去見阮醫生攞意見,因好多人話佢手術手勢好好。我知道切子宮留卵巢,基本上對女人衰老影響唔係太大。 ...

針唔吉到肉唔知痛,我希望會覆我個post嘅Jm, 係真係明白我呢個病係有幾難受。我成日見好多人都會話,睇多幾個醫生先啦,諗清楚未呀你,女人唔好輕舉妄動切子宮,每個器官都有佢嘅用途....etc. 其實有頭髮邊個想做癩痢?如果係會講呢啲說話嘅,唔好意思唔使覆我了(emoji)(emoji)‍♀️(emoji)(emoji)‍♀️(emoji)(emoji)‍♀️


水晶宮

積分: 55250


發表於 19-9-17 13:52 |顯示全部帖子

回覆樓主:

我唔係腺肌症,但我係揾阮做肌瘤的,而且我自己係醫護我知道阮做微創手勢香港真係數一數二。我諗佢只係將可能性話你聽,每個人唔同病情,其他人保留到卵巢唔等於你一樣。反而著眼點係揾個掂的醫生。我會有信心就算黐阮醫生都會搞得掂,佢搞唔掂的話應該無其他人可以。


大宅

積分: 2863


發表於 19-9-17 14:00 |顯示全部帖子
Nbs 發表於 19-9-17 13:52
我唔係腺肌症,但我係揾阮做肌瘤的,而且我自己係醫護我知道阮做微創手勢香港真係數一數二。我諗佢只係將可 ...

唔該晒你jm, 你咁樣講令到我對佢信心更加大,因為我本身婦科唔係睇佢開佢,我真係自己上網睇吓邊個醫生手勢好所以搵佢㗎咋。不過佢個人都真係幾cool,但如果真係做手術,點都要手勢好嘅醫生,咁我真係做我都係諗住搵佢嘅,不過依家戰戰兢兢好驚卵巢保留唔到。我有問佢有冇需要再做啲咩檢查先做手術,不過佢又話唔使,其實因為上年8月我係第一次見過佢照過,都係問有關腺肌症嘅嘢,佢就咁話8月已睇過情況,如而家想做就唔洗再檢查。
你當時用微創?見人話佢多數用微創做手術


水晶宮

積分: 55250


發表於 19-9-17 14:27 |顯示全部帖子
zitali8283 發表於 19-9-17 14:00
唔該晒你jm, 你咁樣講令到我對佢信心更加大,因為我本身婦科唔係睇佢開佢,我真係自己上網睇吓邊個醫生手 ...

本帖最後由 Nbs 於 19-9-17 14:30 編輯

佢係cool 㗎,即使對住我係同行自己人都係咁,一句多餘說話都無。不過無問題嘅,佢只係唔係嗰D四萬咁口同你談天說地的style 啫。我揾佢都係因為我個case 有D複雜,我自己知唔係隨便揾個婦科醫生就搞得掂。我夜晚10pm做完微創,2am 已經自己落床去廁所,跟住 8am 巡房已經話可以出院。搞埋手續,1pm 落埋canteen 食埋飯先返屋企。

Btw 黏粘真係無檢查可以 check到照 到,都係手術直接睇。


大宅

積分: 2863


發表於 19-9-17 14:40 |顯示全部帖子
Nbs 發表於 19-9-17 14:27
本帖最後由 Nbs 於 19-9-17 14:30 編輯

佢係cool 㗎,即使對住我係同行自己人都係咁,一句多餘說話都無 ...

好犀利,咁快可以走動自如

你個手術做咗幾多個鐘頭呀?


水晶宮

積分: 55250


發表於 19-9-17 21:19 |顯示全部帖子
zitali8283 發表於 19-9-17 14:40
好犀利,咁快可以走動自如

你個手術做咗幾多個鐘頭呀?

個幾鐘
不過我切肌瘤係簡單過你切子宮的。


大宅

積分: 1328


發表於 19-9-19 00:47 |顯示全部帖子
回覆 zitali8283 的帖子

Hello樓主,我明白你的痛苦。因為我2O l6年朱古力瘤切了右卵巢,那時又是半个月M同痛,貧血。做完手術以为冇事,食V i s a n n e三个月流足血三个月,以为係子宮肌瘤,又食另一種药,吾得,又試中医都吾得,拖到上年十二月,頂吾順,吾想再做手術都要做,兩次都开大刀。一路貧血好辛苦,冇哂精神。今年二月康復,吾同唒,精神番,冇貧血,生活正常,吾洗再痛,好好。我第二次做手術之後先知,原來我朱瘤復發,加子宮肌瘤,再加腺肌症,咁严重,根本冇可能吾做手術。我觉得我如果早D做手術,就吾洗受咁耐苦。点解你話接受吾倒冇左卵巢,怕变老?


大宅

積分: 4953


發表於 19-9-19 08:23 |顯示全部帖子
zitali8283 發表於 19-9-17 11:58
針唔吉到肉唔知痛,我希望會覆我個post嘅Jm, 係真係明白我呢個病係有幾難受。我成日見好多人都會話,睇多 ...

我也因肌膚瘤太大、今年五月上宮全切連輸卵管.做了微創搵左范徳忠.手術做的得好好人臣好细心.作為過來人我好想講做左一了百了,冇唔舒服


大宅

積分: 2863


發表於 19-9-19 10:19 |顯示全部帖子
joejerry 發表於 19-9-19 00:47
回覆 zitali8283 的帖子

Hello樓主,我明白你的痛苦。因為我2O l6年朱古力瘤切了右卵巢,那時又是半个月M ...

Hello jm, 所以你現在已是全切曬,包括成個子宮及兩個卵巢嗎?
我唔介意作為一個女人,冇左子宮,但係卵巢係釋放女性荷爾蒙,只是唔想冇咗卵巢加速衰老好快變醜樣。我兩個卵巢係冇朱古力瘤呢啲問題,不過我係有黏連問題,阮醫生講過一個風險就係可能做手術時,發現黏連好嚴重就會切埋個卵巢。我絕對唔想再食藥,你一向都有呢一個痛苦,一定明白不停咁食好多藥亦都好難受。加上我媽咪有乳癌,所以我都係高風險,真係唔想食賀爾蒙藥食一世。我真係想用治本嘅方法解決,只不過聽完醫生咁樣講,發現原來卵巢唔一定百分百想留低就留得低,唉。所以我呢排真係好煩惱


大宅

積分: 2863


發表於 19-9-19 10:22 |顯示全部帖子
joejerry 發表於 19-9-19 00:47
回覆 zitali8283 的帖子

Hello樓主,我明白你的痛苦。因為我2O l6年朱古力瘤切了右卵巢,那時又是半个月M ...

Jm你做手術時幾多歲啊?
其實我有睇開中醫,連佢都話我應該用手術嘅方法解決,既然每個月都咁痛苦唔應該捱,亦都唔應該食visanne呢啲荷爾蒙藥食一世。佢又唔覺得我只係37歲,就唔可以做手術住,只要留得低卵巢佢覺得其實冇問題。


大宅

積分: 2863


發表於 19-9-19 10:23 |顯示全部帖子
dc712004 發表於 19-9-19 08:23
我也因肌膚瘤太大、今年五月上宮全切連輸卵管.做了微創搵左范徳忠.手術做的得好好人臣好细心.作為過來人我 ...

Hello jm, 范醫生而家仲會睇新症嗎?我見好多人都讚佢


大宅

積分: 2863


發表於 19-9-19 10:40 |顯示全部帖子
dc712004 發表於 19-9-19 08:23
我也因肌膚瘤太大、今年五月上宮全切連輸卵管.做了微創搵左范徳忠.手術做的得好好人臣好细心.作為過來人我 ...

打電話問咗姑娘,范醫生真係唔接新症了


大宅

積分: 4953


發表於 19-9-19 10:44 |顯示全部帖子
zitali8283 發表於 19-9-19 10:40
打電話問咗姑娘,范醫生真係唔接新症了

你有興趣可俾佢e mail 你、之前我也打去真係唔收!但我真心推介佢、好好好細心


大宅

積分: 2863


發表於 19-9-19 10:48 |顯示全部帖子
dc712004 發表於 19-9-19 10:44
你有興趣可俾佢e mail 你、之前我也打去真係唔收!但我真心推介佢、好好好細心
...

佢回覆email咁好㗎?
好呀唔該你
咁我試吓email佢知我成個情況,再睇下佢會唔會肯接我個case


大宅

積分: 1328


發表於 19-9-19 13:09 |顯示全部帖子
回覆 zitali8283 的帖子

樓主,我依家四十九歲。你嘅情況,个个月都咁辛苦,点生活。我明如果真係要割埋卵巢,可能会快D老,係会吾开心,咁就要衡量吓選那一个方案好D。我依家做左差不多一年,朋友話我精神左,老就未觉得。我之前未講,第二次做手術時D瘤令我小便都去吾倒,我冇可能吾做。我想你可以問吓医生黏嘅机會有几多,我之前都驚黏膀胱,但医生話机会细。考慮清楚,做同吾做嘅好壞處,始終你都要自己決定。


大宅

積分: 1328


發表於 19-9-19 13:20 |顯示全部帖子
回覆 joejerry 的帖子

樓主,切埋卵巢一定要食荷爾蒙药嗎?医生点講,吾食吾得咩?我医生说我不用吃。


大宅

積分: 2863


發表於 19-9-19 13:46 |顯示全部帖子
joejerry 發表於 19-9-19 13:20
回覆 joejerry 的帖子

樓主,切埋卵巢一定要食荷爾蒙药嗎?医生点講,吾食吾得咩?我医生说我不用吃。

可能係因為你嘅年紀接近停經嘅年紀,所以唔需要特登食藥?
醫生就話,如果卵巢冇咗,就食賀爾蒙藥補充,加上我37相信醫生會建議食,除非我唔介意提早3x就更年期。不過我媽媽50歲因為良性腫瘤都全切,但醫生都比荷爾蒙藥佢食喎,可能佢自己想冇咁快衰老啦。唔知道佢食咗幾多年,不過佢五十幾歲時生乳癌,佢覺得係食得多荷爾蒙藥,加上後生時食好多避孕丸。所以我真係好討厭食藥,我已經每個月食超級多止痛藥同止血藥。有時period好多日都唔停,醫生又開黃體。同埋我2013年就開始做ivf, 又係用過好多藥。所以我先至唔想食一世visanne。但做手術又有個風險切卵巢,咁就又要食賀爾蒙藥


大宅

積分: 1328


發表於 19-9-19 15:03 |顯示全部帖子
回覆 zitali8283 的帖子

樓主,明白我好同意不停食荷爾蒙药对身体吾好,我都試过食好多,好煩。以我所知,就算係食最多係五年,五年後一样冇左D荷爾蒙。其实我估你都想做,但係驚食药的後果。你可吾可以問吓医生吾食得吾得,吾食对身體有什么壞處,如果冇壞處,只係老,咁就要去面对这个心理包伏。我知要三十几歲的人咁樣係好难接受,但係你有親人支持你,佢地都会話你知你变成咩樣都吾緊要。
我想問你依家有冇貧血,估計你应該有吧,貧血严重会影响埋心臟,到時返吾倒轉頭。
我知你都好吾开心,因为我那時都好掙扎,结果依家身體好番,值得。
这些只係我少少体会,希望你可以做到一个啱你自己嘅決定。

首頁

尾頁

跳至