親子旅遊

跳至

首頁
12

尾頁
   3


大宅

積分: 2905

2019新春慶豚圓 2019勳章


發表於 19-9-17 15:58 |顯示全部帖子
本帖最後由 紫蘿蘭 於 19-9-17 15:59 編輯

分享一下8月中跟父母去首爾的行程
第一天
下機後在機場GS25買了T Money咭便直接坐機場巴士去弘大民宿,在巴士上可以睡上一小覺,也可看看車外風景。

民宿比想像中舊,洗手間牆身有啲汚漬,廚房設備舊,家人中有些說床有野咬。

在便利店買了些便當醫肚,味道不錯。抖咗一段時間,外出行下,買了些魚糕,炸物,阿仔話似炸失敗咗既煎釀3寶,味道都可以既。原定食豬手小姐,但唔肚餓,阿媽見有韓國傳統煎蛋餅,好想試,買了一大盒,餡料有蝦,魚,年糕(有少少透明),翠肉瓜等,我覺得好油,所以預食唔晒既,點知味道不錯,好快食晒。另外買了日式咖喱飯同烏冬,要用點餐機,唔識韓文,好彩有個後生女幫我地落單。


大宅

積分: 2905

2019新春慶豚圓 2019勳章


發表於 19-9-17 16:18 |顯示全部帖子
回覆 紫蘿蘭 的帖子

第二日搭地鐵往明洞,再乘纜車往N Seoul Tower, 我係喺Pacific Hotel 旁沿斜路行約10分鐘到纜車站。影下相,睇下風景,必做既仲有掛上愛情鎖。我係Kl**k買上塔既飛加彩虹雪糕套票,雪糕有牛奶味,我都係靠雪糕引我女行耐啲咋。

回程坐巴士落返明洞,今晚要食豬手小姐了,6點前去到,唔駛等太耐,6個人要叫2碟,我地叫咗一碟原味,一碟蒜味,一份蒸蛋,一份蟹子紫菜飯,全部都好好味,豬手淋,皮也不覺油膩,家人尤其鍾意原味豬手,值得去吃。

因父母年紀大,這趟旅程每日都是1,2個景點。吃飽就回家休息了。


大宅

積分: 2905

2019新春慶豚圓 2019勳章


發表於 19-9-17 16:54 |顯示全部帖子
回覆 紫蘿蘭 的帖子

第3日
Running Man 館,睇得Running Man多,細路都吵着要去,父母都有參與1,2個遊戲,其餘時間就坐係度休息下,睇下人地玩咁,我地就陪啲細路,場地唔大,但都夠你玩玩一身汗。

去Running Man 館時,路經清溪川,坐咗一陣,見有人浸腳,河水好清澈冰涼。

玩完在附近隨意找間食店,吃了炸豬扒飯,湯餃子,炒飯。第一次坐巴士往明洞樂天百貨,因阿媽好掛念買手信,就係明洞超市買了杮乾,蜜桃等,kakao friends有支蜜桃水,很好喝。

今晚食自助餐(後來至知餐廳叫自然別曲),係弘大1號出口,shoopen樓上,誤打誤撞入咗去,望見幾吸引,價錢都係20000圜,好抵食。幢building除咗韓式自助餐,仲有pizza同火鍋自助餐廳。


別墅

積分: 949

2019新春慶豚圓 2019勳章


發表於 19-9-17 22:07 |顯示全部帖子
紫蘿蘭 發表於 19-9-17 15:58
分享一下8月中跟父母去首爾的行程
第一天
下機後在機場GS25買了T Money咭便直接坐機場巴士去弘大民宿,在巴 ...

謝謝分享! running man 館適合4歲小朋友嗎?


大宅

積分: 2905

2019新春慶豚圓 2019勳章


發表於 19-9-18 01:19 |顯示全部帖子
回覆 ksbb68 的帖子


如志在參與,可以帶佢玩下,有啲鬥快拍燈,摸黑行呀,拋波波都可以玩下。隔離仲有個米田共和國,我無入去,但我見網上有套票可以2館一齊玩(加多20蚊),4歲可能見到便便館會覺得攪笑好玩啲。

(不過我在網上見有提醒某些項目不夠100公分可能無法體驗)


點評

wcpcelia    發表於 19-9-18 09:46


別墅

積分: 949

2019新春慶豚圓 2019勳章


發表於 19-9-18 09:44 |顯示全部帖子
紫蘿蘭 發表於 19-9-18 01:19
回覆 ksbb68 的帖子

咁我仔都玩到喎,唔該晒


大宅

積分: 2905

2019新春慶豚圓 2019勳章


發表於 19-9-18 14:38 |顯示全部帖子
回覆 紫蘿蘭 的帖子

第4日愛寶樂園,依山而建,很大,我地只玩了動物園同一啲啱幾歲小朋友既機動遊戲,當日太好陽光,所以都辛苦,後來父母寧願留在餐廳食下小食飲下野等我地。樂園有個區餵彩鳳,有部機買雀糧,但要用當地銀行咭(?)我地好彩有個韓國人幫我地買。

我諗下次有機會會再去,因好多地方都未玩過。夏天當地年輕人見好多先去樂園旁邊的水上樂園,到下午稍後時間再入樂園玩。


大宅

積分: 2905

2019新春慶豚圓 2019勳章


發表於 19-9-18 15:29 |顯示全部帖子
本帖最後由 紫蘿蘭 於 19-9-18 18:03 編輯

回覆 紫蘿蘭 的帖子

第5日由於父母覺得水蜜桃好好食,我同老公一早9點去咗合井既homeplus, 我地9am去到,才發現10am至開門,超市好大,最後買咗2盒黃肉,2盒白肉,不過白肉係爽既,韓國種係咁?黃肉真係好多汁又甜。另外買咗1pack 韓國香印,老公同阿仔較喜歡韓國的,話話無日本咁濃味,真係各人有各人喜愛。

午餐去馬場洞食韓牛,搭地鐵,車程都耐,由地鐵站行過去馬場洞又要十幾分鐘。我跟呢度見有人介紹,去了石信韓牛,我地行過咗,有間韓牛舖既人主動走過嚟幫我地,指示我地方向,仲打電話去石信嗰邊,通知我地揾緊佢間舖。

因唔清楚牛邊啲部位,所以就買了個1++拼盤,加2包細的牛肉,去了他們帶領的餐廳,還叫了大醬湯,白飯,啤酒汽水,食得好滿足,之前揾路既疲累都可以放低喇。

食飽飽搭巴士去廣藏市場,揾巴士又用咗一段時間。

去到主要係買食既手信,泡菜店對面有個會講普通話同廣東話既女仔,有得試食才買。市場有好多地道小吃,試了麻藥卷,甜米露,可樂餅。因父母攰,都無再點行喇,回民宿,今晚父母都不想再外出晚飯,我2公婆去買人蔘雞,橋村炸雞(都等咗幾耐下)回去做晚餐。話說弘大橋村炸雞斜路對上有間舖,有好多韓國食既手信,住附近可以一次過係嗰度買。




大宅

積分: 2905

2019新春慶豚圓 2019勳章


發表於 19-9-18 16:36 |顯示全部帖子
回覆 紫蘿蘭 的帖子

最後1日
無咩好寫喇,去咗Egg Drop同Issac買三文治做早餐,10點幾搭地鐵去仁川機場,下午3點機,去到食個lunch就要上機喇。

今次第一次去韓國,我好鍾意食韓國野,食嗰度真係好滿足,亦遇到好多好心既韓國人,當我地迷惘找路時,出手相助,係無咩機會shopping,希望下次去可以慢慢買,同埋繼續食食食。


別墅

積分: 949

2019新春慶豚圓 2019勳章


發表於 19-9-18 17:30 |顯示全部帖子
紫蘿蘭 發表於 19-9-18 15:29
回覆 紫蘿蘭 的帖子

第5日由於父母覺得水蜜桃好好食,我同老公一早9點去咗合井既homeplus, 我地9am去到, ...

謝謝分享! 請問廣藏市場值得去嗎?


大宅

積分: 2905

2019新春慶豚圓 2019勳章


發表於 19-9-18 17:54 |顯示全部帖子
回覆 ksbb68 的帖子

我覺得去開嗰頭而又未去過的可以去,佢啲熟食係同款group埋一齊,有泡菜(帶回港佢可幫你pack好),零食可以試食再買。 因父母攰,所以有啲地道小食都無試,加上我鍾意行下啲街市,有機會會再去。


別墅

積分: 949

2019新春慶豚圓 2019勳章


發表於 19-9-18 19:23 |顯示全部帖子
紫蘿蘭 發表於 19-9-18 17:54
回覆 ksbb68 的帖子

我覺得去開嗰頭而又未去過的可以去,佢啲熟食係同款group埋一齊,有泡菜(帶回港佢可 ...

我都鍾意行街市,我諗會安排最後一日返香港前去行下


大宅

積分: 2905

2019新春慶豚圓 2019勳章


發表於 19-9-18 21:10 |顯示全部帖子
紫蘿蘭 發表於 19-9-17 15:58
分享一下8月中跟父母去首爾的行程
第一天
下機後在機場GS25買了T Money咭便直接坐機場巴士去弘大民宿,在巴 ...

本帖最後由 紫蘿蘭 於 19-9-20 13:57 編輯

韓國傳統煎蛋餅(第四幅相),味道不俗。位置在弘大豬腳小姐隔幾間店,外面有阿姨煎蛋餅。

民宿附近有間面包店,Paris Baquette, 有很多分店,三文治幾好食。





附件: 你需要登錄才可以下載或查看附件。沒有帳號?註冊

點評

wcpcelia    發表於 19-9-19 10:00


大宅

積分: 2905

2019新春慶豚圓 2019勳章


發表於 19-9-18 21:14 |顯示全部帖子
紫蘿蘭 發表於 19-9-17 16:18
回覆 紫蘿蘭 的帖子

第二日搭地鐵往明洞,再乘纜車往N Seoul Tower, 我係喺Pacific Hotel 旁沿斜路行約10 ...

當日搭纜車上山唔多人,等一架就到。環境很舒服。

豬手真係好食,我地念念不忘佢既美味,阿爸原來仲想買返香港食。





附件: 你需要登錄才可以下載或查看附件。沒有帳號?註冊


大宅

積分: 2905

2019新春慶豚圓 2019勳章


發表於 19-9-18 21:19 |顯示全部帖子
紫蘿蘭 發表於 19-9-17 16:54
回覆 紫蘿蘭 的帖子

第3日

玩完仲可以攞返個襟章做紀念品。

自助餐無影相,百幾蚊港紙,大路韓式野都有,味道ok, 甜品有雪糕,佢啲蛋糕我無試,望落唔吸引。我老公同阿爸食咗好多蝦,我女就愛炒粉絲。

附件: 你需要登錄才可以下載或查看附件。沒有帳號?註冊


大宅

積分: 2905

2019新春慶豚圓 2019勳章


發表於 19-9-18 21:23 |顯示全部帖子
紫蘿蘭 發表於 19-9-18 14:38
回覆 紫蘿蘭 的帖子

第4日愛寶樂園,依山而建,很大,我地只玩了動物園同一啲啱幾歲小朋友既機動遊戲,當 ...

本帖最後由 紫蘿蘭 於 19-9-18 23:01 編輯

每次去旅行都去樂園,樂天/愛寶,最後揀愛寶因為貪佢夠大 。入面有BB車借(唔知價錢),外形一個箱仔咁,幾得意。

炸雞拼盤,腸拼盤……大約三百幾四百度




附件: 你需要登錄才可以下載或查看附件。沒有帳號?註冊


大宅

積分: 2905

2019新春慶豚圓 2019勳章


發表於 19-9-18 21:29 |顯示全部帖子
紫蘿蘭 發表於 19-9-18 15:29
回覆 紫蘿蘭 的帖子

第5日由於父母覺得水蜜桃好好食,我同老公一早9點去咗合井既homeplus, 我地9am去到, ...

本帖最後由 紫蘿蘭 於 19-9-18 21:37 編輯

在Homeplus買的水蜜桃好味。韓牛當日大約吃了1000蚊,好飽飽。

晚上叫了炸雞和蔘雞湯。




附件: 你需要登錄才可以下載或查看附件。沒有帳號?註冊


大宅

積分: 2905

2019新春慶豚圓 2019勳章


發表於 19-9-18 21:30 |顯示全部帖子
紫蘿蘭 發表於 19-9-18 16:36
回覆 紫蘿蘭 的帖子

最後1日

本帖最後由 紫蘿蘭 於 19-9-18 21:43 編輯

2間都好食,阿仔話Issac豬扒三文治,EggDrop既厚蛋三文治都好啱佢食。


好開心順利完旅程,之前都係幾兄弟姊妹帶父母出門,今次得我一家,又未去過韓國,係呢度問咗,睇咗好多有用資料同分享,唔該晒分享遊記既各位呀!


附件: 你需要登錄才可以下載或查看附件。沒有帳號?註冊


別墅

積分: 949

2019新春慶豚圓 2019勳章


發表於 19-9-19 01:00 |顯示全部帖子
紫蘿蘭 發表於 19-9-18 21:30
本帖最後由 紫蘿蘭 於 19-9-18 21:43 編輯

2間都好食,阿仔話Issac豬扒三文治,EggDrop既厚蛋三文治都 ...

多謝分享,見到你啲食物相好吸引 我好多年前試左Issac, 今次要去試下egg drop 先


大宅

積分: 2905

2019新春慶豚圓 2019勳章


發表於 19-9-19 12:57 |顯示全部帖子
紫蘿蘭 發表於 19-9-18 21:30
本帖最後由 紫蘿蘭 於 19-9-18 21:43 編輯

2間都好食,阿仔話Issac豬扒三文治,EggDrop既厚蛋三文治都 ...

呢趟旅行我用韓巢網(有繁體)同Google map(有巴士路線建議)。搭地鐵好多時父母要行樓梯,所以佢地較喜歡坐巴士,第一次去韓國就胆粗粗試搭,發現巴士站若近地鐵站,佢地就會有英文譯名,所以我坐時都要開住個Google map,數住停坐幾多個站,又竪起耳朵聽(haha, 我根本唔識韓文,但有啲音又可以估估下咁囉)。計劃好想玩想食既都有8成完成到,好想短期有機會再去多次。

首頁
12

尾頁

跳至
你需要登錄後才可以回帖 登入 | 註冊