bryan0301 發表於 19-9-25 20:13
回覆 chuchu326 的帖子
我地都係咁樣㗎,其實肯做就有工既,只不過預咗頭一年無乜錢淨,之後第二三年就會 ...
你自己諗番最初想移民嘅原因,而家呢個原因/目的實現咗未?或者達到未?好多人移民為仔女有個好嘅成長環境,的確相比香港,美國讀書壓力少D,當然唔係冇,但有選擇,唔駛個個都拼入名校,呢邊讀大學都有好多選擇。就算唔讀大學都有好多選擇,出路比較多。
我自己嚟咗十幾年,人工都去唔番以前香港嘅水平,主要係轉咗行,係我選擇唔做番以前果行,一來難入番,始終唔熟市場,高位冇人請,低位都冇人請,把心一橫做D低端少少工種,多D時間俾屋企人,我可以湊仔女返學,星期一至五好少OT,每晚加星期六日有親子時間。仔女鍾意返學,因為讀書學到嘢,亦有唔開心時候,但平衡得到,老師亦唔係只著重成績,家長參與度可高可低,冇人要個幼稚園學生紮燈籠,學生可以一D課外活動都冇,公校唔差得過私校。。。喺呢度,我覺得除咗錢同物質嘢之外,其實好多方面都比香港好。
花旗太太生活在花旗國,留意時差,你問我未必即時答到。