Hi muimui_baby ,小朋友唔食固體,真係會令媽媽好煩惱 一歲以上小朋友營養主要來自三餐固體,每天要有五穀類(1-2碗)、肉魚蛋豆類(2-4湯匙)、菜蔬類(4-8湯匙)、水果類1/4-1/2碗),多咀嚼唔同質感食物,有助佢口腔肌肉發展。試下用D顏色鮮艷同味道突出蔬菜煮熟壓成蓉,製作芡汁或西式濃湯,增加天然味道黎吸引佢,唔太花時間都可以將食物整得靚D,蕃茄、甜椒、菠菜、青豆、蘑菇,加入糙米粉/米線/蕎麥麵俾小朋友食都OK,仲可以加入少量牛奶或乳酪,令醬汁更香濃幼滑。小朋友有做運動,胃口都會好D,媽媽有冇每日同佢去遊樂埸、公園玩呀?