婦女醫護 今日: 0 | 主題: 34020

積分: 2744

發表於 19-10-5 14:10 |顯示全部帖子

回覆 Sadsadpig 的帖子

大家都係同路人，唔開心多d傾下，痛時喊一場會好d。
我有時同屋企人講，佢地都唔理解嗰種痛苦，唯有做其他嘢令自己開心下就算。

私人傳訊

積分: 248

發表於 19-10-5 22:03 |顯示全部帖子

我已經出左院，做左腸鏡夾左2粒息肉，割左2粒大痔瘡，飲瀉水疴左6次d痔瘡凸曬出來好在每次都推到入去

醫生話我痔瘡好嚴重唔掛得知成日話辛苦，而家唔痛因為食左d超强止痛藥，又暈又想嘔

私人傳訊

積分: 665

發表於 19-10-5 22:14 |顯示全部帖子

回覆 Mandybilly 的帖子

恭喜你手術順利
你飲瀉水痾咗六次好過好多人，我見有啲人話要痾十次八次，有啲係十次以上，你每次推返痔瘡上去嘅時候痛唔痛？有冇越痾越大舊？

醫生有冇話你要幾多日之後先可以去大便？

有冇人同你一齊出院呀？

私人傳訊

積分: 665

發表於 19-10-5 22:16 |顯示全部帖子

回覆 BlactCat_FB 的帖子

我覺得要有一樣病嘅人先會知道呢一個痛苦，以前成日聽人講痔瘡痛好辛苦，我都唔知係點，而家好明白

私人傳訊

積分: 2744

發表於 19-10-5 22:58 |顯示全部帖子

回覆 Mandybilly 的帖子

你要多多休息，唔好拎重嘢，要快d康復呀～
請問你嗰兩粒係內痔定外痔？醫生有冇講大概需要幾耐時間完全康復？

私人傳訊

積分: 2744

發表於 19-10-5 23:01 |顯示全部帖子

回覆 Sadsadpig 的帖子

我早十幾年前照腸飲瀉水，真係痾左十幾次架

私人傳訊

積分: 665

發表於 19-10-5 23:15 |顯示全部帖子

回覆 BlactCat_FB 的帖子

但你嗰陣時個痔瘡嚴唔嚴重？我而家好嚴重，我捱唔到要屙十幾次幾次，我今日屙咗兩次已經好痛

私人傳訊

積分: 248

發表於 19-10-6 09:23 |顯示全部帖子

我割內痔2大粒冇外痔，飲瀉水係會愈疴愈大粒，好驚啊!今日終於去到第一次排便，d便正常不過唔敢去太耐，少痛如果要比較我肛裂時排便重痛，醫生話要完全好翻的話約一個月，所以開左一個月假比我

私人傳訊

積分: 248

發表於 19-10-6 09:26 |顯示全部帖子

我排完便唔使再推翻d痔瘡入去，好耐未試過，肛門口有少少腫，最辛苦係食嗰d藥，又暈又嘔，希望快d捱得過

私人傳訊

積分: 665

發表於 19-10-6 09:44 |顯示全部帖子

回覆 Mandybilly 的帖子

好多謝你嘅分享，聽落你個手術好成功，祝你早日康復
其實我都有嚴重痔瘡問題+肛裂，請問你介唔介意解答下我以下嘅問題？感激

1 如果我唔使照腸鏡嘅話，係唔係可以唔使飲瀉水，直接做痔瘡切除手術就可以？定係就算唔照腸鏡，都要手術前放一次大便？

2 我見你話肛裂足足半年先好返，有得好返即係代表越嚟越冇咁痛，你話做完手術之後大便嘅痛冇肛裂咁痛，咁但係肛裂嘅痛都有程度之分，請問可唔可以講下做完手術去大便嘅痛係等於肛裂乜嘢程度嘅痛？
我肛裂最初發生嘅時候，我覺得簡直係撕裂咁痛，有八至九粒星星咁痛，但係而家有食消炎藥同埋搽藥膏，而家係五至六粒星星，好驚做完手術去大便嘅痛會去返七至八粒星星

3 你做手術之前肛裂已經好返，你係做內痔，即係傷口喺入面，請問大便嘅時候，條大便經過內壁嘅傷口，咁內壁係咪會感覺到痛，而唔係肛門嘅痛？

4 啲藥係感覺上好想作嘔定真係會嘔埋出嚟？

你精神許可嘅時候，希望你願意解答我，因為我而家有肛裂同埋三期痔瘡，我個痔瘡有半隻雞蛋咁大，每日大便都好辛苦好痛好唔開心

見到你手術成功，手術後大便冇之前肛裂咁痛，而家大便完又唔使推翻個痔瘡上去，好戥你開心，亦都好佩服你，你好叻好勇敢

其實我仲未完全鼓起勇氣去做手術，每次大便嘅時候都覺得好痛好辛苦，就想不如做手術切咗佢一了百了，但係去完大便嘅時候，上網爬文會見到有啲人做手術失敗，我就好驚

私人傳訊

積分: 2744

發表於 19-10-6 10:05 |顯示全部帖子

回覆 Mandybilly 的帖子

我外痔加肛裂，所以好鬼痛，網上d人話做完手術後，係外痔傷口比內痔傷口痛好多。唉…諗起都驚

私人傳訊

積分: 2744

發表於 19-10-6 10:13 |顯示全部帖子

回覆 Mandybilly 的帖子

你有時間和康復進展良好時，請問可否pm我，關於幫你做手術嘅醫生資料我，好嗎？我想睇多個醫生。謝謝

私人傳訊

積分: 248

發表於 19-10-6 15:23 |顯示全部帖子

據我所知照腸鏡先知內痔有機多粒同多大，因為我未做之前久唔久就肚痛所以照埋條腸有冇事啊
如果要比較肛裂排便痛有8粒星，做完手術排便痛有3粒星
內痔做完手術排便感覺係當有便落到傷口有刺痛好似比d針刺你咁，d便出左來就衹得隱隱痛咁
食嗰d藥係想作嘔，冇嘔出來，原本要食3粒止痛藥我今日衹食1粒，冇太作嘔感覺，我估d止痛藥超級勁
外痔應該比內痔手術痛，我上網睇話外邊神經線多加埋傷口外露係比內痔痛
我照完腸醫生比翻d相我，佢重話我d痔瘡又大又嚴重，我見到自己痔瘡d相，嘩!好大粒又脹又腫

私人傳訊

積分: 248

發表於 19-10-6 15:47 |顯示全部帖子

我肛裂前有105磅，肛裂後得翻91磅d個病折磨得我好緊要，肛裂同痔瘡係唔會c但精神同肉體折磨喊過好多次睇好多次醫生感覺好無助，醫生又話要等自然好，又唔知等機耐，有時已經分唔清係痔瘡定肛裂痛，直到有次去完便痔瘡凸出來要跪向地下推15分鍾先推入，為有再睇醫生，醫生檢查又話肛裂好翻可做痔瘡手術
你要加油呀，你如果有咩唔舒服，唔開心我地可以傾下，因為我係好明白理解你嘅痛苦，加油呀!

私人傳訊

積分: 665

發表於 19-10-6 17:13 |顯示全部帖子

本帖最後由 Sadsadpig 於 19-10-6 17:14 編輯

回覆 Mandybilly 的帖子

多謝你啱啱做完手術都願意花時間打咁多字答我嘅問題，感激
咁有冇得同醫生講我已經知道自己嘅痔瘡好大嚿，淨係靠形容畀佢聽，要求嗰刻唔做肛鏡檢查，直接同醫生講我想做傳統手術，然後等飲完瀉水，打曬麻醉藥之後先用腸鏡照痔瘡，跟住順便手術？因為我真係好驚喺冇麻醉嘅情況之下做肛鏡檢查

其實我個痔瘡好大嚿，摸落有半個至三分二個雞蛋咁大，如果要飲瀉水，咁唔好彩要屙十幾次嘅話，返唔返上去都唔知點算，因為每次屙完每次推都係好難推，更何況仲要屙十幾次

你形容得好清楚，見到你咁講我都放心啲做手術，但係啲便便經過內壁傷口，咁啲便便咪黐住個傷口，永遠唔會清潔到，咁咪有好多細菌，個傷口好難好？？

好彩啲藥都只係想作嘔，冇嘔出嚟，雖然係辛苦，但都唔及肛裂+痔瘡痛咁辛苦

私人傳訊

積分: 665

發表於 19-10-6 17:17 |顯示全部帖子

回覆 Mandybilly 的帖子

我都覺得呢個病折磨得我好緊要，之前一直好怕做手術，但係見到你個分享，好似終於得到解脫咁，我都好想做，做完一了百了，唔使每次大便完都要推返個痔瘡上去
我見到你最尾嗰幾句，我喊咗出嚟，好滾動，多謝你嘅鼓勵

私人傳訊

積分: 248

發表於 19-10-6 18:16 |顯示全部帖子

我之前已問過醫生，佢話一定要肛鏡檢查先可以知道d痔瘡咩程度，唔係自己形容就可以啊，我諗係唔可以唔用肛鏡檢查啊，加上始終都係手術，唔檢查確定醫生唔會做手術啊!致於飲瀉水我同你一樣害怕，我有問姑娘佢話都無辦法為有盡量推入去，姑娘話見過好多人都係咁，加上我前一睌在醫院飲，佢話有咩事都有醫生，叫我勇敢d，攪掂就冇咁痛苦

私人傳訊

積分: 665

發表於 19-10-6 19:12 |顯示全部帖子

回覆 Mandybilly 的帖子

咁如果用咗肛鏡檢查痔瘡，可唔可以唔使照腸鏡再檢查多一次痔瘡？

你肛裂好返之後，用肛鏡檢查嘅時候痛唔痛？我上網search過肛鏡，見到就覺得好驚，好大碌，而且放咗入肛門之後仲要再撐大

你之前個痔瘡講到好嚴重咁，有冇半個雞蛋咁大？因為我而家有咁大

私人傳訊

積分: 248

發表於 19-10-6 21:28 |顯示全部帖子

嗰次醫生用指診檢查話好翻再用肛鏡檢查，唔痛啊!致於照腸鏡係我自己要求，如果要做手術的話真係要問下醫生可唔可以唔做。
每當排便，行企得耐會腫到巨峰提子咁大粒
我肛裂時每次去完便都用水沖及沖完凉之後搽薄薄地花士令及中藥痔瘡膏(我自己試過好多痔瘡膏本人覺得中藥城份有較過西藥)藥膏沾係手指搽入肛門內，再搽出面再按摩肛門邊位，我再調節飲食，去便10分鍾內，堅持左半年

私人傳訊