自由講場

跳至

首頁
12

尾頁
   0


管理員

積分: 19725

2019勳章 2019新春慶豚圓 15週年勳章 親子王國15週年勳章 親子王國15週年勳章 +4熱血勳章 2018復活節勳章 2018母親節勳章 2018父親節勳章 FUN享自然‧郊遊一夏 親子探索遊 畀面勳章 7周年華麗國民 大廚勳章 親子達人勳章 BK猜猜猜慶中秋 BK Milk勳章 hashtag影視迷勳章 2016畫展勳章


發表於 19-9-30 17:01 |顯示全部帖子

今個萬聖節,國王帶領一眾國民齊齊參加「反轉迪士尼」免費試玩活動,一同體驗這場萬聖節大派對。


參與「米奇Halloween玩轉大街派對」

米奇與一班迪士尼朋友換上萬聖節詭裝異服,與各位國民一同參與迪士尼萬聖節傳統活動「米奇Halloween玩轉大街派對」,大肆狂歡,以一場歌舞盛宴拉開萬聖序幕。



挑戰「迪士Trick-or-Treat趣玩站」

一班膽敢與惡人大鬥法一同扮鬼扮馬嘅國民紛紛到Halloween詭趣花園」挑戰「迪士尼Trick-or-Treat趣玩站



欣賞全新音樂匯演「惡人舞動迪士尼」

驚魂未定,響徹黑夜的奸笑聲又於原野劇場的全新音樂匯演「惡人舞動迪士尼」傳來!來自《小魚仙》的海女巫烏蘇拉、《101斑點狗》的女魔頭庫伊拉、《公主與青蛙》的巫師霍博士、《美女與野獸》的壞蛋加斯頓、《魔髮奇緣》的嘉芙夫人群惡聚首,在光怪陸離的舞台特效下隨著魔音騷首弄姿,陰森莫測的詭秘感不斷飆升,夢魘與現實亦難以分清。



與小熊維尼及好朋友鬼馬合照

國民與穿上萬聖節服裝的小熊維尼及好朋友齊齊扮鬼扮馬,合影惡形惡相的相片!



享用萬聖節限定餐飲

國民與穿上萬聖節服裝的小熊維尼及好朋友齊齊扮鬼扮馬,合影惡形惡相的相片!



阿Jack聯群作惡

黑沉沉的夜幕緩緩拉開,城堡廣場舞台有「嚇」到!令人望而生畏的煙霧正於城堡廣場舞台瀰漫,猝不及防,南瓜王阿Jack與縫布公仔莎莉請出眾惡人赫然現身!於眾目睽睽下裝兇作勢,演繹全新「阿Jack聯群作惡」!




如錯過今次活動,仲有「雙重暢玩」優惠!

港幣$688入園兩次

於2019年10月31日或之前入園兩次及享受其他額外優惠,包括購物,餐飲和小食優惠!

受條款細則約束,詳情請瀏覽樂園網站。


了解更多 樂園萬聖節詳情:

https://www.hongkongdisneyland.com/zh-hk/disney-halloween-time/?CMP=SACCoopHal19HkHalEvnt1








複式洋房

積分: 126


發表於 19-9-30 18:00 |顯示全部帖子




鍾意Disney既謙謙終於有機會見真嘅Mickey同Donald Duck 啦!
佢追問左幾日,究竟幾時去。
以Halloween做主題既迪士尼,原來可以親子DIY南瓜盒!
「Halloween詭趣花園」有哥哥教謙謙做小手工,再拎住個南瓜盒搵著住萬聖節衫既豬仔影相,最後係「迪士尼Trick or Treat趣玩站」搵姐姐攞糖同貼紙。
食完Lunch後,我地去左睇用萬聖節做主題既音樂show「惡人舞動迪士尼」!同平時睇既卡通人物show好唔同!今次全部都係惡人大聲唱,音響激昂又陰森,但謙謙都竟然唔驚,仲樂在其中!會同惡人互動say Hello,扮返惡黎嚇佢地。

「米奇Halloween玩轉大街派對」有齊謙謙最鍾意既迪士尼人物出現係佢面前 ,但叫小朋友出去跳舞時,竟然喊住返黎搵媽媽。
大街餐廳出左萬聖節套餐,謙謙搶住品嚐黑糖特飲、豬串骨、三文魚卷!最後當然唔少得南瓜造型既甜品啦!為食肥謙今日滿載而歸咁走!

Tips:
(1) 記得下載迪士尼app,睇下邊度有心儀卡通人物出現 & 遊戲排隊實時情況!
(2) 除咗Trick or Treat,仲可以叫小朋友大膽問哥哥姐姐攞貼紙儲下sticker collection
(3)千祈唔好錯過live music show,謙謙見到又唱又跳好開心!


大宅

積分: 1010

2019勳章


發表於 19-9-30 18:00 |顯示全部帖子




首先,多謝baby kingdom 邀請我哋率先試玩「反轉迪士尼」活動。

由於佢地兩父子一樣係十月生日,所以每年萬聖節都係我哋屋企嘅大節日嚟!

第一站 - 「迪士尼 trick-or-treat 趣玩站」:依個game真係完全fit哂哥哥嘅口味,因為佢自從今年上左K2之後,佢係學校最中意嘅就係做勞作同食茶點,而Halloween詭趣花園可以俾阿仔做完糖果盒同眼罩小手工後,即刻去玩trick or treat攞糖食,女巫姐姐仲教埋阿仔念咒語添,真係一個幾好嘅warm up game。
第二站 - 同小熊維尼和朋友合照:我哋去到時,見到換咗大身南瓜小豬Piglet,雖然佢唔係我至愛的米奇,但都有一份親切感戒,因為哥哥話Piglet好似弟弟個樣,哈哈!
第三站,「惡人舞動迪士尼音樂匯演」。「嘩嘩嘩!」依個就係哥哥嘅反應,連我哋大人都覺得好精采,佢話點解可以凌空咁多個圈,佢唔會暈船浪架?
第四站 -「米奇Halloween 玩轉大街派對」:米奇同其他迪士尼人物都一齊跳舞巡遊,哥哥開心到係咁「hello Mickey!」之餘,仲喺背包攞返米奇出嚟,話要佢同真嘅米奇見面。
第五站 - 大街餐廳:大人細路一齊放咗成日電,梗係食返個豐富萬聖節套餐。嗲哋最期待依個環節,因為佢話淨係食過「東大街餐廳」,只未食過「大街餐廳」。萬聖節套餐的確幾吸睛,因為菜式都以南瓜主題貫穿前菜、主菜、甜品;而且份量又多、味道又香口,啱哂大食爸爸;弟弟雖然仲係半個BB,佢都忍唔住樣樣都試下味!

今日「反轉迪士尼」試玩活動真係好盡興,哥哥弟弟懷著依依不捨的心情回家,爸爸媽媽拖著疲倦乏力的身軀回家...不過見到你地開心,我哋幾攰都願意!

P.S. 喺BK工作人員細心安排下,時刻在 whatsapp 內提醒我們下個任務時間安排,令我哋可以完成任務之餘,仲可以有時間安心玩其他遊戲。再次多謝baby kingdom!


民房

積分: 2


發表於 19-9-30 18:00 |顯示全部帖子




首先好開心得到親子王國畀我同家人率先試玩
(反轉迪士尼)試玩活動,真係超級開心同興奮。第一次同仔仔參加哈囉喂活動,由朝玩到晚真的超級好氣氛,簡直不想離開!
首先最難忘於[Halloween詭趣花園]製作一個南瓜袋,對於我呢一位手殘媽媽來說,真的多謝工作人員好用心及默契下指導我們,好快就完成挑戰了。
之後就來[Trick-or-Treat趣玩站]及[與小熊維尼好朋友鬼馬合照]第一次同迪士尼朋友影相真的超級開心,鬼馬豬仔換上萬聖節服裝超級得意。

之後嚟到欣賞全新音樂匯演[惡人舞動迪士尼],可以一次過睇曬咁多位惡人角色,演員們表演好出色,加上舞台效果配合,真的很震撼,我完全投入了氣氛,good show!

之後我們又立即參與[米奇halloween玩轉大街派對]係大街可以同一班換上萬聖節服裝的迪士尼朋友一齊參與一場歌舞盛宴拉開萬聖序幕,我仔仔本身好好害羞,都被一班迪士尼朋友吸引下一起起舞。

玩到餓餓哋,終於等到萬眾期待享用萬聖節晚餐,兩個晚餐嘅賣相相當吸引,尤其是南瓜樂脆豬串骨及西冷蕃茄闊麵,真的相當好吃!最後還有個好精緻的甜品,就這樣今晚嘅活動就此開心下畫上句號,而我們這一家就這樣依依不捨地回家了。

迪士尼樂園真的可以令大人同小朋友有一個愉快難忘的一天,每一次入去玩都好期望下一次的旅程,再次衷心多謝你們比了這個開心奇幻旅程。


大宅

積分: 3651

2019勳章 美好大世界2017勳章


發表於 19-9-30 18:00 |顯示全部帖子




今日我同家人仲有一班《親子王國國民》去左香港迪士尼樂園搶先體驗萬聖節大派對同感受一股濃郁萬聖節氣氛同考驗下我地膽量, 無論怎樣我地一班《國民》都要玩到迪士尼反轉再反轉!
我地一家人就計劃了五個「好字」的任務體驗:- 要有好歡樂 , 好詭異, 好邪惡, 好挑戰,好鬼可愛任務去超越自己底線!
囡囡 就想挑戰自己先, 所以我地選了最「挑戰」, 她自己創意製成Trick-or-Treat 袋子, 拿著製成品挑戰膽量用魔法口號去推動惡勢力打開魔法糖果, 她最開心唔係成功挑戰到, 而係有滿滿的糖果!我們一家人再與無法抗拒鬼馬Halloween piglet 合照, 他真的好「可愛」,之後我同爸爸就當然想睇最「詭異」「惡人舞動迪士尼」音樂匯演, 哈!哈! 入到去音樂表演唔係最多惡人奸笑聲, 而係我地國民拍掌聲! 同狂歡萬聖節精彩叫好聲!
接著當然係大家最「歡樂 」 期待主角出現:「米奇Halloween玩轉大街派對」, 囡囡同我都溶入派對當中, 跟住我地就享受最「 邪惡」美食「萬聖節套餐」, 我唔知有幾邪惡? 但咁好味同咁靚美食, 唔快快食落 肚, 我會怪自己!
總結快樂指數一百分, 我同家人就玩得超級興奮同開心, 而且好多謝國王同國民陪住我一家渡過了一個狂歡《Halloween》 大派對!




複式洋房

積分: 147


發表於 19-9-30 18:00 |顯示全部帖子




雖然已經入園超過30次,但是今次感覺最深刻最開心,因為兒子最愛就是萬聖節,他喜愛迪士尼對每一個角落和角色的用心。由踏入樂園一刻已感受到濃濃的節日氛圍,每一個裝飾都是打卡位。衷心感謝迪士尼及親子王國帶送我們一個開心又充實的一天。
平日的夢想花園我們很少去,但是詭趣花園確實是萬聖節活動期間必到之地,紙眼罩和紙袋增加萬聖節氣氛,糖果令小朋友開心不已,貪吃的兒子不願離開,演藝人員與小朋友的互動令活動生色不少。希望可增加其他款式,例如紙帽或者萬聖節版扭汽球,豐富拍照效果。
迪士尼的音樂表演從來沒讓我失望過,每次都有驚喜, 是一個了不起的體驗,我認為每個人都應該來體驗這場絕美的視覺和聽覺享受,所有的一切都太棒了。主題曲十分好聽,切合整個表演,兒子聽後琅琅上口。
米奇Halloween玩轉大街派對令大人小孩都感到歡欣,既可觀賞亦可參與,互動遊戲令兒子更投入,鼓勵了害羞的兒子勇敢地踏出去參與。稍有不足就是開心的時間太短暫了,兒子不夠盡興,仍想繼續跳舞。
萬聖節限定套餐好看又好吃,餐廳環境舒適,減輕了父母照顧小孩後的疲憊。沙律新鮮,主食既適合幼兒亦滿足到大人口味,甜品是套餐的一大驚喜亮點,味道有層次,非常吸引眼球,回味無窮。


大宅

積分: 3114

MommyPanel勳章 食得好勳章


發表於 19-9-30 18:00 |顯示全部帖子




能與穿上萬聖節服裝的小熊維尼好朋友合照,他們
實在扮「惡」得可愛。好開心可以擁有一張「惡」
相留念。

音樂匯演「惡人舞動迪士尼」更加精彩得不能錯過
,深深地感受到舞台上表演者的落力及用心, 加
上舞台特效下,作為觀眾的我們也看得投入。

兒子最開心就是可以帶著親手製作的傑克面罩及
萬聖節小盒子去玩trick or treat。小盒子除了裝
上糖果,還裝上萬聖節限定的貼紙 ,真的滿載而歸
呢。而在迪士尼萬聖節傳統活動--米奇Halloween
玩轉大街派對上,兒子也手舞足蹈,樂在其中。

最後能夠在大街餐廳享用萬聖節限定套餐 ,實在
為這節目豐富的一天,劃上完美的句號 。
食物賣相吸引,而且很美味!

完成五個體驗任務後, 更能瞭解到為何萬聖節迪
士尼會這麼受歡迎 , 真的十分適合一家大細。在
當中的限定活動已經看出構思者的心思細密,不只
小朋友玩得開心,大朋友也相當投入, 務必能令每
位賓客感受到萬聖節氣氛,投入當中!盡興而歸!

有幸參與這一次試玩活動 ,謝謝親子王國及當日
的所有工作人員。我們一家都玩得樂而忘返,
期待有下一次的機會。 衷心感謝!


大宅

積分: 1404

2019勳章 開心吸收勳章 美好大世界2017勳章 認識瑞士牛牛第一回


發表於 19-9-30 18:00 |顯示全部帖子




Halloween Time is Coming!
我地又係時候出去扮鬼扮馬「反轉迪士尼」!今次司朗化身成大眼仔與妹妹小仙子一齊去trick and treat 拎糖果。我地黎到「Halloween詭趣花園」,挑戰「迪士尼Trick-or-Treat趣玩站」,製作趣怪南瓜袋及阿Jack眼罩,與南瓜服裝的豬仔一齊合照,睇下佢地兩個幾開心,小朋友最愛就係糖果,難得放肆一下!
米奇與一班迪士尼朋友亦換上萬聖節服裝坐上南瓜車,紛紛參與迪士尼萬聖節活動「米奇Halloween玩轉大街派對」,現場仲會派糖果,妺妹同一班小朋友以及演藝人員一齊大跳熱舞,大肆狂歡,盡情We嘩!
跟著我地去左睇全新的音樂匯演「惡人舞動迪士尼」,靜靜等待時傳來一陣的奸笑聲!經典故事中擔演反派的惡人製作了一場歌舞劇,當中最印象深刻的是101班點狗的壞人「庫伊拉」,聶人歌聲加上她長長似海浪的裙,音樂效果同體操特技,全場觀眾個個都好投入,司朗原本想休息一下,都立刻定神下來。

完show之後,我地去左大街餐廳食返個限定萬聖節吸血晚餐,補充體力!主菜係帶子三文魚卷好味,豬仔骨就麻麻哋,不過牛柳好食,甜品係芒果蛋糕正呀!另外,餐廳好貼心吖!妹妹三歲生日,甜品上為我們準備好蠟燭,Yeah! 妹妹表示要吹多次
「阿Jack聯羣作惡」中阿Jack、黑魔后、鐵鈎船長、紅心皇后⋯與一群惡魔傾巢而出,四處作惡,為整日的「反轉迪士尼」劃上完美句號。當然最後還是要去血拼一下限定萬聖節商品,如果你也想好似我地咁,拎糖果同收集惡人貼紙,We We嘩啦過一個難忘的Halloween,就快啲嚟「反轉迪士尼」!
後記:聽人講迪士尼少左人,原來真係好正,Pooh Pooh同小飛象都唔洗點排,以前未試過,玩得開心又舒服。


民房

積分: 12


發表於 19-9-30 18:00 |顯示全部帖子




感謝Baby Kingdom 給予這個機會我們一家參加今次《反轉迪士尼》活動,雖然我們一家都是樂園的常客,但今次絕對是另一種體驗!來到樂園的門口,已經感受到那種神秘詭異的氣氛,就連每支燈柱都米奇造的南瓜燈。

我們首先去到幻想世界的Halloween詭趣花園,等待同米奇朋友合照。首先見到蹦蹦跳跳的跳跳虎出場!他穿上了海盜造型的costume,跟我們鬼馬合照。跟著出場的是可愛的小豬,他穿上南瓜costume,超級有趣!

跟著我們再去到Trick-or-Treat趣玩站,我們先排隊,有專人教小朋友摺米奇南瓜袋,還會送上一張貼紙,小朋友可以自己設計自己喜愛的南瓜袋。完成後便可以到趣玩站收集糖果,我囝囝不停走到每個趣站說Trick or Treat,他説要收集滿滿的糖果在他的南瓜袋?。

到了下午,已經見到有很多人在美國小鎮大街等候,因為即將會有米奇Halloween玩轉大街派對,囝囝站在工作人員的附近,他們在派對細心教導小朋友一些舞步,當米奇他們來到時,小朋友可以和他們一起跳舞,囝囝有些怕羞,但工作人員跟他們一起拋球,他們自娛得就像表演者一樣,跟米奇載歌載舞!

接下來我們去了探險世界欣賞惡人舞動迪士尼。真是令人驚喜的演出,所有惡人一起唱歌跳舞,扮鬼扮馬。

晚上我們到大街餐廳享用萬聖節的限定套餐,它們都是coca cola 的特色菜色,囝囝竟然食到豬串骨有可樂味,還有特別的Halloween設計,我們一家食得津津有味。今次的到樂園跟以往有不一樣的體驗,我們一家都玩得非常開心呀。


複式洋房

積分: 386

2019勳章 畀面勳章


發表於 19-9-30 18:00 |顯示全部帖子



囡囡去過迪士尼好多次,但佢細個時比較細膽,所以一直未去過迪士尼哈囉喂。好開心親子王國比我同家人可以率先試玩「反轉迪士尼」,比囡囡第一次去感受哈囉喂嘅歡樂氣氛!由日玩到夜,玩到唔捨得走呀!當中最難忘係同囡囡喺「Halloween 詭趣花園」一齊做南瓜袋,之後去挑戰「迪士尼Trick-or-Treat 趣玩站」再去「與小熊維尼好朋友鬼馬合照」!我好鍾意親子手工,覺得係對小朋友一個手眼協調、手指訓練,同埋增加親子之間嘅互動、默契、拉近彼此距離嘅一個好好活動。可惜我手殘,做手工我真係冇咩天份。估唔到今次呢個南瓜袋比想像中容易,連我呢個手殘媽媽都可以做得到,仲同囡囡比賽鬥快整完!聽到囡囡舉曬手,興奮咁大聲講:「yeah!我整完喇!」見到佢果份滿足感,雖然我輸,但我覺得輸得值得的!之後我地一齊即做即用,拎住擁有我地「自我風格」嘅南瓜袋齊齊去Trick-or-Treat。囡囡滿載而歸,仲同其他小朋友互相交換戰利品添!囡囡最開心就係同迪士尼人物影相!喺迪士尼未見過小豬,所以覺得特別驚喜!當南瓜妹遇上南瓜小豬又真係好襯喎!好有萬聖節feel~ 今次見到囡囡無價嘅笑容同自信心,又無意之間參加到一直想整嘅簡單版親子小手工,多謝親子王國帶比我地一家嘅難忘回憶!囡囡話佢今次玩得好開心,好想好快可以再玩多次「反轉迪士尼」!


別墅

積分: 697


發表於 19-9-30 18:00 |顯示全部帖子



很榮幸今次有份參與親子王國的「反轉迪士尼」免費試玩活動,一整天的行程相當豐富精彩。一入園 已經感受到萬聖節的氣氛,周圍的裝飾也換上以橙色為主的萬聖節主題,迪士尼朋友也換上新裝來和 我們合照,例如穿著南瓜服飾的豬仔,親切和小朋友玩樂拍照。我們更成功挑戰「迪士尼 Trick-or-Treat 趣玩站」,小朋友得到糖果最開心!也十分欣賞迪士尼提供免費小手作,包括 DIY 南瓜糖果盒和 Jack 眼罩!好玩又貼題! 除此以外,「米奇 Halloween 玩轉大街派對」也可算整日高潮之一,近距離欣賞米奇、米妮、高飛及 其他迪士尼朋友,在大街上又唱又跳之餘,更能夠被邀請出去和演藝人員一起跳舞,大人細路都興奮 至極! 至於原野劇場的音樂匯演「惡人舞動迪士尼」,亦十分精彩,一向都知道迪士尼的歌舞表演很高質, 今次亦不令我失望,尤其喜歡當中與觀眾的互動環節,各人都看得十分投入。玩了一整天,竟然還可 以去享用一頓豐富又有特色的萬聖節限定套餐,當然是相機先食!相當有心意的菜式,又適合小朋友 享用!很不錯! 接二連三的活動中,我們也把握機會玩樂園內的其他設施,小朋友絕對玩到唔捨得走!真的很多謝親 子王國的用心安排,細節也安排周到,希望將來有機會再參加你們的活動!


別墅

積分: 804

認識瑞士牛牛第二回 認識瑞士牛牛第一回


發表於 19-9-30 18:00 |顯示全部帖子



非常榮幸可以參加今次Baby kingdom 舉辦的「『反轉迪士尼』免費試玩活動 」<<Are you ready? Really ready! Are you ready for Ha-llo-ween >>
每逢臨近萬聖節一聽到迪士尼的Halloween 主題歌已經相當興奮,今年仲有新歌「Let’s Get Wicked」,can't wait to join Disney Halloween Party

一踏進迪士尼樂園,無論樂園內外四處都充滿萬聖節氣氛,全部迪士尼人物都換上了萬聖節裝束, 我地急不及待想同所有角色合照留念! 王國非常貼心,安排了特定時間讓國民可與小熊維尼的好友piglet合照!同時可以在「Halloween 詭趣花園」整萬聖節小手籃和Jack 造型的眼罩,相當有趣~完成小手籃又點小得四出收集糖果,囡囡立即挑戰「迪士尼 Trick-or-Treat 趣玩站」,收集到好多糖果,小朋友就更係開心又滿足*

活動一浪接一浪, 大家齊集在小鎮大街一同欣賞「米奇 Halloween 玩轉大街派對」, 換上萬聖節裝束的米奇與一班迪士尼朋友唱我地最愛的halloween主題曲及跳舞, 小朋友仲可以加入一同唱歌跳舞, 氣氛十分熱烈, 大小朋友都開心滿
FUN*

之後的壓軸活動是我們最期待的全新音樂LIVE SHOW《惡人舞動迪士尼》, 平常迪士尼的歌舞show 都已經令人百看不厭,今次我地被安排到最前的位置,近距離欣賞多位迪士尼奸角的歌舞匯演,新歌「Let’s Get Wicked」節拍強勁動聽,整個表演令人目不暇給, 十分刺激令我們感受到濃濃的萬聖節氣氛*

玩左一整天又點小得享用一餐豐富大餐, 親子王國實在太貼心,特別安排國民到大街餐廳 Corner cafe享用限定的萬聖節晚餐{Coca_Cola Halloween Special Set},為整個活動劃上完美句號。

再次多謝Baby kingdom 及是次活動中每一位幫助我地的Baby kingdom 工作人員,個個都好貼心,希望下次都有機會可以繼續參加王國舉辦的活動活動



別墅

積分: 548


發表於 19-9-30 18:00 |顯示全部帖子



「日前媽媽收到反轉迪士尼試玩活動的電郵, 她最初抱著試下無妨的心態, 怎料卻成功入圍, 我知道後十分興奮, 我從未參與過萬聖節的活動呢!

迪士尼是我和妹妹最喜歡的主題樂園 , 我們特地穿上米奇和米妮的衣服,十分漂亮。入場後, 我們先和穿了紫色衣服的米奇和米妮合照,很多南瓜做佈幕,充滿了萬聖節氣氛。之後我們便趕去製作糖果盒, 相信之後一定可以盛載很多糖果。接着我們和小熊維尼的好朋友Piglet作為鬼馬合照, 妹妹特地換上橙色的Pooh上衣,豬仔見到立即親親她。 拍過靚照後, 我們立即trick or treat, 糖果盒馬上變得肥肥的, 大有所穫, 挑戰成功!我玩了不少機動遊戲,見到鐵甲奇俠和胡迪, 相當興奮。

之後,我跑進大街,Halloween 玩轉大街派對開始了,迪士尼的朋友非常可愛,我還可以和他們近距離接觸和跳舞,他們的舞蹈相當精湛,使我看得目不暇給。派對後,我們馬上趕去惡人舞動迪士尼,這是我第一次欣賞如此具規模的舞台劇,最令我印象深刻的,便是那英俊威猛的哥哥在空中玩呼拉園和作出優美的體操,使我大開眼界。

六時多,我們餓了,能夠享用大街餐廳的萬勝節餐飲,吃到美味的豬串骨和南瓜布丁,很是滿足。我捧着肚子看阿Jack表演,在他的笑聲中結束行程。謝謝爸媽和Baby Kindgom給我如此難忘的一天。」


洋房

積分: 64


發表於 19-9-30 18:00 |顯示全部帖子




今次我哋一家人去玩迪士尼Halloween Time全家都好開心又盡興。迪士尼金卡過期之後,小朋友一直都問我幾時再去迪士尼,今次隔咗一段時間後再入園,又再覺得有新鮮感。當然要去玩新開之後都未去過嘅Ant-Man and The Wasp,成日搭地鐵經過見到廣告就問我係咩黎,小朋友終於心願達成好滿足。

言歸正傳,全日活動安排豐富,人流適中,之前同小朋友講定今次入園會遇到很多一年才可見一次的萬聖節朋友,我告訴他因為他們頑皮,所以一年才可以玩一次,教導小朋友應該做乖孩子才不用被罰,可以常常快樂。要知道會自律、不用被罰的孩子才是最自由最開心。

Trick-or-Treat是很好的親子活動,父母和孩子由一起摺紙盒,直至去拎糖都懷着期待興奮的心情,一齊有目標地完成一件事,是很好的親子樂園回憶。

我們大人最享受的是晚餐時間,在kids-friendly地方享受kids friendly套餐,可以讓大人完全在不用顧慮的情況下有適合小孩的食物,在整天行程尾聲時候坐下來的一杯飲品叫人十分滿意。

小朋友最喜歡晚飯後的阿Jack聯群作惡表演,他覺得表演十分精彩,整個表演過程小朋友目不轉睛,配合燈光音響效果,確實是整日節目的完美句號。小朋友離開時已經説下年要再來探望Halloween朋友看看他們有沒有變乖呢!


侯爵府

積分: 22325

2019新春慶豚圓 2019勳章 MommyPanel勳章 2018復活節勳章 認識瑞士牛牛第一回


發表於 19-9-30 18:00 |顯示全部帖子




好開心可以參加今次既迪士尼halloween試玩活動,渡過開心的一天~由迪士尼樂園門口已經開始感受到濃烈既halloween節日氣氛,門口有怪誕城之夜既人物,園內亦有好多不同卡通人物既南瓜造型,我地亦有同穿著南瓜裝既豬仔合照留念~園內有教小朋友做手工的攤檔,女女好鍾意做手工,佢做左個呀jack眼罩同糖果紙袋,之後就可以去同工作人員玩trick or treat,得到糖果~之後我地就去左原野劇場,欣賞精彩既全新音樂表演(惡人舞動迪士尼),演員表演出色,十分值得觀看~到4點30分,就可以到小鎮大街參加(米奇halloween玩轉大街派對),除左欣賞mickey & friends巡遊外,小朋友仲可以一齊跳舞狂歡~到左晚上,我地就到大街餐廳享用萬聖節限定套餐,食物都有萬聖節造型
,同埋加左coca cola係入面,十分特別,味道很好~迪士尼樂園既萬聖節活動真係好好氣氛,好值得入去體驗,我地打算十月再入迪士尼樂園玩呢~


民房

積分: 2


發表於 19-9-30 18:00 |顯示全部帖子




非常多謝今次baby kingdom 贊助嘅「反轉迪士尼」活動。
本來小朋友就非常喜歡萬聖節,對是次活動更加係非常期待。
活動當日行程安排亦順利,小朋友全日都玩得開心。尤其是做糖果盒和trick or treat活動,當日小朋友幾乎無放低過自己嘅作品同糖果٩(˃̶͈̀௰˂̶͈́)و
當日所有活動都很適合親子同遊,雖然小朋友只有三歲,但亦能全程投入,相當開心!
真心推薦是次迪士尼樂園萬聖節活動!


複式洋房

積分: 199


發表於 19-9-30 18:00 |顯示全部帖子



好開心我地一家有幸被選中參加反轉迪士尼試玩活動收到電話既一刻開始就同我仔仔講有得去迪士尼距開心到不得了不停講Disney 米奇
除左小朋友開心我地大人都好期待因爲係第一次帶妹妹入迪士尼第一次一家四口黎呢個對我地甘有回憶同記念價值既地方

好想知妹妹會唔會同哥哥一樣鍾意迪士尼
一早集合完就入樂園影完大合照
就開始我地劉家既反轉迪士尼之旅
見到迪士尼朋友全部都轉晒著Halloween嘅衫
梗係要排隊同期間限定穿著萬聖節服裝的迪士尼朋友影吓相留倩影
不過人好多淨係同到唐老鴨同大鼻鋼牙影相
影完已經夠鐘去做第一個任務
仔仔影相時攬到豬仔實一實幾有愛
跟住挑戰Tick or Treat 趣玩站
估唔到人仔細細嘅佢竟然唔怕羞
同埋跟到念咒語同動作全情投入
唔使我哋陪住只要遠處望住已經得
見住佢拎住啲糖好興奮走反黎同我地講
拎左好多甜甜開心
嗰一刻真係好感慨我仔真係大個仔左好多
喺隔離仲有得整埋糖果盒同眼罩
呢個好適合小朋友玩
可以自己用貼紙裝飾發揮佢地嘅小創意
我仔仔除咗幫糖果盒同眼罩裝飾
佢都將啲貼紙癡落自己個身到話靚靚
真係俾佢笑鬼死
然後就參與米奇Halloween玩轉大派對
一聽到音樂仔仔就聞歌起舞
但好可惜到出去真係跳嘅時候
始終都係細個離開得太遠佢驚
開頭佢有嘗試出去最後都係喊住返嚟搵我
所以佢就咁黐住我企我隔離 默默遠處咁望住出邊啲哥哥姐姐跳為佢哋打氣
相信下一年佢會做得到
佢見到自己認識嘅迪士尼朋友勁開心揮手
成個小粉絲咁特別對米奇好有反應
原來獅子王劇場而家轉左做全新音樂匯演
惡人舞動迪士尼用不同故事入面嘅惡人做主角
題材幾特別音樂都係好激昂令人會好想跟住一齊郁
除咗音樂好聽跳舞好睇就連舞台效果都做得好好
不過最令我深刻嘅係其中一幕有空中體操
睇到我驚心動魄
整體成個表演一啲悶場都無節奏好緊湊
仔仔以前睇表演仲係成舊飯
而家無論睇音樂劇定係大街玩轉派對巡遊
都係非常有反應 睇完問佢會講得出睇過啲乜嘢
原來佢真係有用心睇
妹妹全日都笑到四萬甘口同迪士尼朋友影相又唔驚無喊睇表演有好專心睇開頭都仲擔心佢會唔會怕黑或者怕大聲嚇親佢結果係佢睇到腳撐撐好興奮本來有啲肚餓都唔記得咗睇完即刻瞓咗
睇完表演我哋就食晚餐
以前嚟過咁多次迪士尼都真係冇食過晚餐
今次好難得有呢個機會可以試吓
個套餐好切合Halloween 主題
無論沙律主菜甜品定係飲品都係有關於Halloween 譬如有南瓜蜘蛛網圖案或者係有南瓜做配菜 我覺得三文魚帶子嗰個主菜好好食
不過係份量少左啲唔夠喉
食完個豐富晚餐好滿足亦都為呢一日作為終結
好多謝Baby Kingdom嘅悉心安排
我地慳返唔少時間排隊提供專屬嘅服務
令我哋有賓至如歸嘅感覺
亦都令我地一家有好多嘅第一次
過咗一日愉快嘅假期❣


民房

積分: 2


發表於 19-9-30 18:00 |顯示全部帖子



今次是仔仔第一次去迪士尼樂園,而本身仔仔就非常喜歡萬聖節,所以由得知抽中可參加活動開始已經非常期待。
活動當日行程安排亦順利,仔仔全日都玩得開心。尤其是惡人show的部分,仔仔睇得非常投入,返到屋企都仲講緊!
尋日所有活動都非常好玩,雖然仔仔得三歲,但亦能全程投入,又跳又玩!而且萬聖節晚餐更加令佢難忘!
感謝親子王國嘅活動人員安排,辛苦晒!


大宅

積分: 1013

認識瑞士牛牛第二回 認識瑞士牛牛第一回


發表於 19-9-30 18:00 |顯示全部帖子

迪士尼的萬聖節做得非常出色,日夜巡遊都以 Halloween做主題,小朋友又可以攞到 Halloween限量版貼紙和糖果,還有專人教小朋友,做一個米奇南瓜袋,用來裝貼紙和糖果,真係超窩心。今年氣氛好邪惡, 巡遊期間不時叫人一齊奸笑,現場幾千人一齊奸笑,都咪話唔嚇死人!而且迪士尼畫廊都教畫, zero 和 jack skellington,真係整個樂園都充滿著惡魔氣氛,簡直無處不在,玩咗1日囡囡當然唔夠啦!已經講住好想再去,如果可以去多一次就好了 !


民房

積分: 8


發表於 19-9-30 18:00 |顯示全部帖子



非常感謝BABYKINGDOM及香港迪士尼給了VINCCY一個難忘的HALLOWEEN, 傳統的TRICK OR TREAT環節當然不可缺少,工作人員教VINCCY幫忙唸咒語, 看到滿滿的糖果噴泉升起, 再用自己親手製作的盒裝著糖果,小朋友開心不已,詭趣花園四周的佈置,加上與穿上萬聖裝扮的迪士尼朋友拍照,完全感受到濃濃的萬聖節氣氛。另外VINCCY有幸於米奇玩轉大街派對中與其他小朋友一同跳舞,相信是在場的氣氛及其他小朋友、工作人員的影響下,平時不敢於人前表演的VINCCY亦願意一同跳舞,對於她來說 又是一個很好的體驗。除了大街派對, 惡人舞動迪士尼亦是萬聖節期間的限定表演, 表演的舞台效果以及劇中惡人的美妙歌喉,相信對於家長及小朋友們都對此感到非常震撼。至於萬聖節大餐,無論造型及味道都是無可挑剔的,VINCCY對大餐中的飲品更是愛不釋手。可惜小朋友體力有限,錯過了夜間表演 阿Jack聯群作惡, 希望下次有機會可以再次感受大人小朋友都可以盡興的反轉迪士尼!

首頁
12

尾頁

跳至
熱門主題
你需要登錄後才可以回帖 登入 | 註冊