吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 家事百科› 床蝨作戰中，集氣區

家事百科今日: 0|主題: 39124

收藏本版

發帖

返回列表

跳至頁

樓主: bibitsui2212

床蝨作戰中，集氣區

123 4 5

dorchiu

伯爵府

積分: 16732

發表於 19-10-19 17:54 |顯示全部帖子

tanBma 發表於 19-10-19 17:06
家人屋企上月都面對同一問題，初時唔識只係買滅蝨蛋➠當然對木蝨係無用。上網睇左2日，揀左"千赤x" ...原 ...

de 粉？

私人傳訊

wong2323

超級版主

積分: 202227

2024年龍年勳章 2024勳章 2023年兔年勳章虎到金來勳章 2021可愛聖誕B勳章牛年勳章 2018母親節勳章 2018復活節勳章 15週年勳章親子王國15週年勳章 FUN享自然‧郊遊一夏親子探索遊玩具勳章畀面勳章好媽媽勳章醒目開學勳章超級版主環保接龍勳章大廚勳章親子達人勳章 BK猜猜猜慶中秋 BK Milk勳章 hashtag影視迷勳章認識瑞士牛牛第一回認識瑞士牛牛第二回 KMALL特別版勳章開心吸收勳章瞓得好勳章

發表於 19-10-19 22:52 |顯示全部帖子

dorchiu 發表於 19-10-19 17:51
最初以為我仔比蚊咬，買左蚊帳仲有嘢咬，後來先見到係床蝨，捉左4隻，全間屋只係得仔房有。昨日放左一次煙 ...

煙霧蛋會令床蝨周圍走,唔好再用呀!
用蒸氣機四圍蒸多幾次,尤其是窿窿罅罅

唵嘛呢叭咪吽

ॐ मणि पद्मे हूँ
ༀ་མ་ཎི་པད་མེ་ཧཱུྃ

私人傳訊

bibitsui2212

複式洋房

積分: 112

發表於 19-10-25 17:54 |顯示全部帖子

回覆 dorchiu 的帖子

我初時都係以為阿女比蚊咬，又係買蚊帳，但仲有咬。我暫時覺得最快最有效嘅方法就係熱力，即死。
DE粉和天鹽清我有用，真係會見到乾屍嘅，但要1至2星期後先見到乾屍。
個人經驗，床蝨好喜伏喺窗簾或窗簾棍果到，我之前集中火力喺床褥搵，原來佢哋喺窗簾棍上。

一齊加油啦。

私人傳訊

dorchiu

伯爵府

積分: 16732

發表於 19-10-27 10:33 |顯示全部帖子

bibitsui2212 發表於 19-10-25 17:54
回覆 dorchiu 的帖子

我初時都係以為阿女比蚊咬，又係買蚊帳，但仲有咬。我暫時覺得最快最有效嘅方法就係 ...

上星期六日大清我仔床，只有下層有蝨，上層放雜物。落左粉噴了天鹽清，未見有屍，但沒有再咬。
早2日係仔房衣櫃見到隻成蟲，又同工人攪左1晚成點幾先瞓，最怕周圍走

私人傳訊

wong2323

超級版主

積分: 202227

發表於 19-10-27 18:09 |顯示全部帖子

仲要留意床板,床蝨有可能在床板窿罅位

唵嘛呢叭咪吽

ॐ मणि पद्मे हूँ
ༀ་མ་ཎི་པད་མེ་ཧཱུྃ

私人傳訊

Happy83

洋房

積分: 77

發表於 19-10-27 23:36 |顯示全部帖子

床蝨會出現既地方，包括床褥(邊同褥芯都有可能)，床架(特別係木既材質，床板，床架d縫隙)，床附近既地磚/地腳線邊位，電線同牆壁之間，電插座都有可能，床附近既所有木制品(特別係d縫隙)，窗簾，有時連鞋籠都有等等。由於床褥活躍時間係晚上，日間佢地多數係上面講既地方休息唔會走出黎，你未必會咁易見到佢既蹤跡。搵左佢個家出黎先，一般會有大有細，佢d蛋好似米咁既樣，細粒d, 未吸血既床蝨好扁，可以藏身係你意想唔到既地方，吸左血既先會漲。先頭有人提過de粉，係真係有用既，網上都買得到，你可以用佢圍住床邊，前面講既縫隙，佢地隔幾日要出黎吸血，只要接觸到，幾日佢地就會死。用DE粉之前，要用蒸氣蒸下d高危地方。至於床褥，你可以買一d防床蝨既床褥保護套，套左佢地就出唔到黎，不過要封好耐，因為佢地可以一年都唔吸血都唔死，所以中間唔好打開。減少屋企既雜物，減少佢地藏匿既空間。市面上亦有一些化學滅床蝨藥，但多少已經有抗藥性，都可以同de粉雙管齊下。另外，衣物要用60度以上既水洗/烘乾。乾左次後用d膠袋裝起佢，因為床蝨比較爬唔到膠袋，要著先一件一件攞出黎再封好。要勤力吸塵，可以用吸塵機，但要每次都扔個隔塵網。所有懷疑有床蝨感染既野要用膠袋包好先扔，上面要註明有床蝨，以防社區感染。如果你屋企有工人既話，記得check埋佢房間。有時老人家俾床蝨咬未必會話痕，所以都要提防埋。床蝨係好困擾人既，只有比佢咬過先知有幾痛苦。以前我最怕小強，但床蝨其實仲可怕! 你要加油! 希望幫到你

私人傳訊

bibitsui2212

複式洋房

積分: 112

發表於 19-10-28 09:35 |顯示全部帖子

回覆 dorchiu 的帖子

係呀，我好明白。我都好驚佢哋周圍走。我成日諗邊到未檢查未落藥，啱覺得自己漏咗檢查窗口冷氣機，明天要搞搞先。仲有，成日檢查阿女身體仲有無野咬，見少少紅點都驚。聽講空氣流通會少點蝨，咁我最近成日開窗啦，咁開窗就有機會比蚊咬，所以有時分唔出到底蚊咬還是蝨咬。

私人傳訊

bibitsui2212

複式洋房

積分: 112

發表於 19-10-28 10:40 |顯示全部帖子

回覆 wong2323 的帖子

我成日疑神疑鬼覺得比蝨咬其實，大家有無具體比蝨咬嘅經驗或感覺可以分享吓呢？
有時，1粒都可以好痕
有時，1兩粒但又可以好快散，可以半日內散哂

私人傳訊

bibitsui2212

複式洋房

積分: 112

發表於 19-10-28 10:48 |顯示全部帖子

回覆 Happy83 的帖子

多謝你的詳細講解我會加油努力清潔
我以前怕曱甴，現在唔怕啦，因為床蝨原來更可怕。
床蝨以為滅咗，但隔幾日又好似有野咬，但又見佢哋唔到。我梳化都掉咗，因為源頭應該係梳化，現在全家人廳坐地下咋，有時坐坐吓唔舒服會覺得點解自己咁慘，嗚嗚嗚。

私人傳訊

Happy83

洋房

積分: 77

發表於 19-10-28 21:25 |顯示全部帖子

回覆 bibitsui2212 的帖子

我屋企之前都中過床蝨，情況仲要係好嚴重。果種日日放工返到屋企都仲要check有冇床蝨既心情，而家諗返起都想喊，特別係當你以為應該冇晒，但仲有一兩隻走出黎果陣。而且屋企兩老又唔捨得扔d雜物，壓力極大。我果時前前後後搞左4個幾5個月，一開始就搵滅蟲公司，連佢地都話好嚴重，佢地隔個星期上黎噴藥，蒸家具，黎左好多次，都仲清唔晒，都要靠自己check真d所有縫隙，小物件，發左癲咁係咁洗野。因為只要死淨一隻乸，佢都可以不斷繁殖。滅蝨公司幫我殺左好多但都未去到斷尾，之後我用埋de粉，加上天氣開始凍，慢慢就冇晒。而家清晒已經兩年，我間唔時都會check下d 縫隙，家居物品都主要揀淺色既，容易發現佢地既蹤跡，因為真係怕怕。空氣流唔流通同床蝨係冇關係既，反而如果隔離屋有，就有機會爬入你屋企。如果你坐過一d有床蝨既木櫈，佢都可以爬係你d衣物或者手袋跟你返屋企，所以人人都有機會中招，只係好唔好彩既問題，老人院，醫院，外傭宿舍，甚至係五星酒店都有機會有。

私人傳訊

tanBma

別墅

積分: 1000

發表於 19-10-28 22:18 |顯示全部帖子

dorchiu 發表於 19-10-19 17:54
de 粉？

唔係呀，我用千赤士...呢款快見效❨2日就一堆乾屍❩...

私人傳訊

小菊花

大宅

積分: 4569

發表於 19-10-29 00:45 |顯示全部帖子

我家近日都中招, 好痛苦，用緊de粉，但家中勁多雜物,衣物要處理清潔，煩到嘔

私人傳訊

bibitsui2212

複式洋房

積分: 112

發表於 19-10-29 09:28 |顯示全部帖子

回覆小菊花的帖子

開始清時係最辛苦嘅，加油呀我都經歷緊，現在仲係清緊夏天衫，啱天氣開始轉涼，洗完順手入真空袋換季。
我現在開始調節心態: 無得心急，無得話1兩天滅到，總之每天抽時間去清，儘量唔好比床蝨影響自己心情和情緒。

私人傳訊

lsching

別墅

積分: 959

發表於 19-10-30 00:19 |顯示全部帖子

回覆 bibitsui2212 的帖子

我經驗覺得，蚊咬係左一粒右一粒不定向床蚤咬會好近位有幾點，而且紅腄程度係勁過蚊叮，我最勁試過係腰俾咬左個北斗七星出黎，仲要散得慢，成兩星期我日日搽野加忍手先散哂，諗起都驚

私人傳訊

小菊花

大宅

積分: 4569

發表於 19-10-30 22:04 |顯示全部帖子

回覆 bibitsui2212 的帖子

多謝你的安慰，衣物你是自己洗? 我沒有乾衣機, 怕曬乾時又有蝨走去, 諗緊要不要攞去洗衣店洗, 不過真係好大量。我今天買埋熱風槍, 希望有用啦, 蒸氣機是用來蒸床褥嗎? 我冇, 如果有用就去買。我知道唔係一時三刻可以處理到, 但又怕清理得太慢啲蝨會繁殖得好快, 愈拖得耐愈難搞。

一齊努力吧! 加油!

私人傳訊

bibitsui2212

複式洋房

積分: 112

發表於 19-10-31 07:44 |顯示全部帖子

回覆小菊花的帖子

我都無干衣機，衫我自己洗衣機洗，開頭試過洗完攞衣籃攞去自助洗衣店焗，自助洗衣店有兩種機，一款洗，一款焗干。
但我都有3個人，好多衫要處理，後來都係自己屋企涼干，我先檢查涼衫棍，然後涼衫棍和衣架噴天鹽清。

床褥我現在用大膠袋包住，咁就慳功夫不用蒸床褥。
如果唔洗蒸床褥咁厚，只要有熨斗，都可以用嚟熨枕頭和被舖。

私人傳訊

bibitsui2212