Hello idaidaho, 明白囡囡唔肯食飯媽媽會好煩惱,囡囡幾大? 最近精神如何?
小朋友大左會有自己主意,如果未有餓意、進食環境/食物唔能夠提引佢興趣,都可能會影響胃口 如果排除左唔舒服,媽媽嘗試多D唔同煮食/進食方式,用D顏色鮮艷同味道突出食材黎配飯/粉/麵,好似肉碎菠菜湯或者肉碎西蘭花湯配穀類食物,刺激下食慾,將瓜/菜/肉類放入飯團、壽司,都可以增加佢食飯興趣,媽媽有試過嗎? 每日30分鐘運動時間,每餐都提供3-4種食物,煮成2-3個餸俾BB選擇,一家人開開心心咁進食,都可以令小朋友開心進食架。