1-3歲

跳至

首頁

尾頁
   0


大宅

積分: 1923

2019新春慶豚圓


發表於 7 天前 |顯示全部帖子
本帖最後由 CCHINGC 於 19-10-8 08:39 編輯

建議媽媽可以從晚餐開始,自己同小朋友食飯,好多在職媽媽都係咁,日頭無辦法貼身跟進小朋友情況,就要由晚上開始,包括我自己都係,咁你先可以知道小朋友喜好,同時幫助佢渡過唔同階段。

好似我囡囡唔鐘意食糊,我就係佢7、8個月開始俾佢自己揸住食物,當然係煮得淋D,但小朋友又揸到嘅食物,開始時都係跌一半食四分一,又玩四分一咁,但主要唔係餵飽佢,係引起佢對食物興趣,到差不多就加餐具俾佢,唔好介意佢食到周圍係,一路食一路玩,因為之後你會發現經過呢D又玩又食階段,佢先學習到,並且主動進食,宜家囡囡23個月,我地出街好輕鬆,因為佢可以自己食飯,又食到大人飯菜,而且坐成45分鐘,我地有我地食,佢食佢嘅,基本上唔需要氹。

囡囡唔同階段都係我透過觀察去引導佢,唔假手長老同工人,怕佢地服侍得太好,佢地只係代我執行,當然開頭辛苦D,但教識小朋友之後,跟住就好輕鬆。


別墅

積分: 856


發表於 7 天前 |顯示全部帖子
CCHINGC 發表於 19-10-8 08:33
建議媽媽可以從晚餐開始,自己同小朋友食飯,好多在職媽媽都係咁,日頭無辦法貼身跟進小朋友情況,就要由晚 ...

謝謝你的建議,原來訓練小朋友好多時要先苦後甜,如果有得返轉頭,我都會試下比多啲手指食物佢同比佢自己食,在職媽媽有好多無奈,我都覺得自己舒服左年幾兩年,因為工人同長老幫忙,或者宜家係時候試下轉變一下


別墅

積分: 856


發表於 7 天前 |顯示全部帖子
janede1314 發表於 19-10-7 08:33
肯自己用餐具自己畢野食嗎?

大人多d在佢面前示範咀嚼食野,佢咁大個,已經聽得明大人說話,話佢知要咀嚼 ...

岩岩開始食就肯自己畢,但食兩啖就要你餵....或者唔肯食


別墅

積分: 856


發表於 7 天前 |顯示全部帖子
puppydingo 發表於 19-10-7 12:13
咁你99唔覺得有問題,你覺唔覺有問題先?
只可以你幫小朋友solve唔好expect其他人。

99都知佢咁大個仲係食成咁有問題,但佢次次見佢唔食或食唔哂啲粥就會用盡方法氹佢食哂為止唔可以食剩,唔會狠心餓佢或浪費食物

99唔肯幫忙帶小朋友出黎去口肌訓練,一黎佢主觀地覺得冇用,二黎啲時間撞正小朋友訓覺時間,更加唔會想帶出黎,如果我要帶,佢又會反感覺得唔聽佢意見唔幫手湊,最慘係連C6 都覺得冇用,唔去嘗試說服99

睇黎要放個長假係屋企自己湊先有得改變....


別墅

積分: 856


發表於 7 天前 |顯示全部帖子
kissapplegirl 發表於 19-10-6 23:34
狠心啲只比軟飯,或者蒸水蛋撈飯比佢,佢唔食就話佢知收碗無得食,佢肯食就讚佢,唔好比零食,茶點只比好 ...

昨日放假係屋企,就試左比剪碎啲通心粉加蕃茄蓉同雞蛋,佢肯食但要餵先食,同埋明顯地佢係直接吞,冇咀嚼既活動....仲會有幾下想嘔同咳咁,點先可以訓練佢有咀嚼既能力?


水晶宮

積分: 55022

2019新春慶豚圓 2019勳章


發表於 7 天前 |顯示全部帖子
sambeebee 發表於 19-10-8 09:09
99都知佢咁大個仲係食成咁有問題,但佢次次見佢唔食或食唔哂啲粥就會用盡方法氹佢食哂為止唔可以食剩,唔 ...

Sorry 小朋友係自己。
意見聽唔聽,同真係為你自己小朋友好你自己balance。
人人都話無用。事實?不如你帶去睇下。又或者搵過間clinic。


別墅

積分: 856


發表於 7 天前 |顯示全部帖子
puppydingo 發表於 19-10-8 09:34
Sorry 小朋友係自己。
意見聽唔聽,同真係為你自己小朋友好你自己balance。
人人都話無用。事實?不如你帶 ...

我都有同佢去過5-6次,成個過程50分享左右,頭15-20分鐘玩下做熱身,跟住就坐低試下食不同類型既零食,有時會吹下泡泡,我都唔肯定有冇用,因為又唔太見到有效果....不過我信佢地係專業,可能要長啲時間先睇到效果

哩間係公立醫院既口肌訓練,唔肯定出面果啲係咪都一樣,如果你果間係私家既,可以pm 我嗎?我都想比較下有冇唔同,謝謝


水晶宮

積分: 55022

2019新春慶豚圓 2019勳章


發表於 7 天前 |顯示全部帖子
我香港唔識。

你可以問下家庭醫生。

我呢倒全部都家庭醫生refer private or public


別墅

積分: 788


發表於 7 天前 |顯示全部帖子
sambeebee 發表於 19-10-8 09:09
99都知佢咁大個仲係食成咁有問題,但佢次次見佢唔食或食唔哂啲粥就會用盡方法氹佢食哂為止唔可以食剩,唔 ...

我仔之前都有言語治療師跟進過,老實講治療師只係比建議家長同睇下小朋友有咩問題,假如平日自己唔改善做法同嘗試多啲train個小朋友,淨係一味上堂果陣先黎靠治療師,咁睇咩都冇用啦,所有嘢都係持之以恆先有用。
其次小朋友都咁大個啦,餓同唔夠飽會識表達,你奶奶追住餵,日後大把麻煩嘢比你嘆……


大宅

積分: 3947

2019新春慶豚圓


發表於 7 天前 |顯示全部帖子
咁軟飯仔食唔食呀淨係食糊咁得人驚


男爵府

積分: 5469

2019新春慶豚圓


發表於 7 天前 |顯示全部帖子
sambeebee 發表於 19-10-8 09:13
昨日放假係屋企,就試左比剪碎啲通心粉加蕃茄蓉同雞蛋,佢肯食但要餵先食,同埋明顯地佢係直接吞,冇咀嚼 ...

你喺佢面前示範點樣咀嚼同埋你都要叫佢咬,佢食唔慣有質感嘅食物所以會想嘔呀 ,係好正常啦, 依家由粥轉做軟飯先,餸材唔可以用攪拌機只可以用剪刀剪碎, 可以選擇雞腿肉/ 炒蛋/ 豬肉碎/牛肉碎/西蘭花/煮淋咗嘅紅蘿蔔粒/ 菠菜/蘑菇等,呢類應該較易入口
可以整 雞翼/ 雞槌 畀佢食, 剪走頭尾軟骨 只剩下兩條大骨被佢揸住食, 喺旁邊睇住佢自己食 ,自己咬啲肉,只得兩條大骨唔會哽親,除非佢用大牙咬斷d骨,否則唔好 幹擾佢點食隻 雞翼


別墅

積分: 856


發表於 7 天前 |顯示全部帖子
moksamuel 發表於 19-10-8 11:33
咁軟飯仔食唔食呀淨係食糊咁得人驚

軟飯食到但都係要追住餵先食....


大宅

積分: 1923

2019新春慶豚圓


發表於 7 天前 |顯示全部帖子
回覆 sambeebee 的帖子

追住餵呢個習慣要改左先,因為會影響好多野,包括進食意欲,自理能力,消化系統同埋對食物興趣,佢一路玩一路有食物送入口,自然唔覺得食野係自己嘅事,更加唔知食左咩,點會對食物有興趣?而且食飯走來走去亦影響佢消化。
先俾仔仔坐highchair同你地一齊食晚餐,一來可以學習你地點咀嚼,二來陪養佢認真食飯習慣,一開始你會好沮喪,佢會唔食,長輩會阻撓,但持之以恆,慢慢會見到曙光。

媽媽,記得保持微笑,溫柔而堅定,唔好鬧唔好發脾氣,小朋友所有行為都係反映大人對佢地嘅影響,你堅持原則,細心灌溉,小草先可以茁壯成長,唔好怕困難而卻步,咁會阻礙小朋友長大。


別墅

積分: 917

2019新春慶豚圓 2019勳章


發表於 7 天前 |顯示全部帖子
sambeebee 發表於 19-10-6 19:11
大仔已經兩歲半了,除左糊狀粥同水果外,其他硬少少或者粒狀既都唔肯食,入左口都拎返出黎,只係肯吞野唔肯 ...

我bb16个月都系唔肯食野,嚼都懒的嚼,她好多野都唔肯食,食几口就唔要了,唔知点算!


大宅

積分: 1016

2019新春慶豚圓


發表於 6 天前 |顯示全部帖子
遲左少少
點算就真唔知

告戒其他家長
其實一歲前就應該"成個蘋果"俾BB 食. 幼童當時仲無咁揀三揀四.
會訓練到口部肌肉.
因為蘋果大過口好多, 用門牙咬, 反而唔會啃親. (最危險係食提子, 因為大細剛剛塞到氣管)


大宅

積分: 1016

2019新春慶豚圓


發表於 6 天前 |顯示全部帖子
肯定你99同工人, 俾水果都係切到好細啦

我同屋企長老嘈過好多次. 長老認為切細食得多D, 唔會啃親

我就話成個蘋果俾, 或者蜜瓜切到一大舊, BB 係識得自己咬, 一樣唔會啃親


複式洋房

積分: 333


發表於 6 天前 |顯示全部帖子
sambeebee 發表於 19-10-7 11:08
其實轉介左去職業治療做口肌訓練,但99同佢上左幾堂覺得冇用,因為都係玩下同比啲零食佢食咁就一堂,佢覺 ...

言語治療教食野應該專業d,始終同講野一樣關個口事丫嚇


複式洋房

積分: 333


發表於 6 天前 |顯示全部帖子
sambeebee 發表於 19-10-7 11:08
其實轉介左去職業治療做口肌訓練,但99同佢上左幾堂覺得冇用,因為都係玩下同比啲零食佢食咁就一堂,佢覺 ...

我小朋友之前上個言語治療師有同佢咬牙膠同做按摩,上左一輪食野冇咁揀擇。

不過佢果陣主要係講野唔得,唔知有冇分別


別墅

積分: 856


發表於 6 天前 |顯示全部帖子
fasola 發表於 19-10-9 01:17
肯定你99同工人, 俾水果都係切到好細啦

我同屋企長老嘈過好多次. 長老認為切細食得多D, 唔會啃親

水果....基本上蘋果一定要攪碎佢先食...橙就要搣哂啲白色皮先肯放入個口...長老成日都怕佢食唔飽食唔哂...會就佢黎整...



別墅

積分: 856


發表於 6 天前 |顯示全部帖子
magnumismyboy 發表於 19-10-9 08:51
我小朋友之前上個言語治療師有同佢咬牙膠同做按摩,上左一輪食野冇咁揀擇。

不過佢果陣主要係講野唔得, ...

你小朋友幾大?比牙膠佢咬佢仲肯咬?上左幾堂?係邊度上呀?可以pm我嗎?

首頁

尾頁

跳至
熱門主題
報K1 ... 2
你需要登錄後才可以回帖 登入 | 註冊