Baby Kingdom - 親子王國 香港 討論區 › 首頁 › 懷孕前後› 輕鬆懷孕Tips~

懷孕前後

收藏本版
發帖
返回列表
跳至頁
輕鬆懷孕Tips~

首頁
1

尾頁
   0
Hehehahayeah


大宅

積分: 3501


發表於 19-10-6 20:34 |顯示全部帖子
各位準媽媽好，

小女子BB 女喺9月出世了，7磅幾，高5X cm.

懷孕嗰時去私家照結構，醫生係咁問有冇feel到BB 踢我，我真係完全feel唔到，嗰陣21week, 佢係咁話冇理由喎，其他媽咪點點點....

喺第二次政府糖尿測試中咗妊娠糖尿，啱啱8.1，之後跟餐單食冇爆標，試過食M記之後都冇爆錶，跟住我就冇再篤手指。再之後政府產檢話咁耐都冇record, 如果BB 糖尿出世好肥，又點點點...下次去睇再冇record就捉我入院，咁我先篤返幾次比佢哋睇。

參加產前運動班個物理治療師話我會陰肌肉做得唔好，又話我對腳冇力，（其實之前成日做gym weight training 度過四頭肌肌肉比例係好高的）,又話未見過啲人對腳好似我咁腫，雖然嗰陣真係好腫，比佢踩到地底泥。

到37week再睇政府產檢同醫生講BB 郁小咗3份1, 係咪因為個肚大咗，醫生即要我去病房駁機測試係咪BB 有事或者唔舒服，我話要做幾耐，佢話要一個鐘，我同醫生講有好重要appointment唔做住，佢即問有咩重要得過個B 呢？點點點... 咁我就去咗做測試。
____________________________________
到生嗰陣痛咗14個鐘，產程只係26分鐘，助產士話我好夠力，一般人第一胎要用1個鐘，因為唔明佢哋指示，又唔夠力...

後來認識到啲早產媽媽，佢話28week 先feel到BB 踢佢...

我想講嘅係我從來都冇因為醫生呀，物理治療師嘅說話影響自己，西方醫學非常科學，乜都有parameters或佢哋指標，但係我唔擔心，因為我覺得照結構冇事，其他嘢唔使亦冇得擔心咁多，始終個BB未出嚟就算醫生做到嘅嘢都好有限，有乜嘢都應該生出嚟先可以做。

好想借呢個post 比JM睇吓，真係唔使咁緊張，當然糖尿超標好多要立即調節飲食，其他嘢真係冇咁需要緊張，無論人哋講咩都好，只要每日feel 到BB踢你就ok喇，唔好比任何壓力自己。想順產順利嘅就練好Core即 腹部肌肉同對佢嘅肌肉，咁就有力push BB出嚟。

祝大家產程順利！
私人傳訊

Chloe@NUTRICIA
首1000日營養專家
發表於 19-10-9 09:37 |顯示全部帖子
本帖最後由 Chloe@NUTRICIA 於 19-10-9 09:38 編輯

回覆 Hehehahayeah 的帖子

Hello Hehehahayeah, 恭喜媽媽!賀爾蒙既影響加上身份既轉變, 有機會令孕媽媽緊張, 正如媽媽所講, 媽媽係孕期盡量放鬆心情, 多D同BB傾計唱歌, 珍惜同BB獨有既時光, BB會感受到架 依家照顧BB方面okay嗎?
NUTRICIA多年來一直專注BB首1000日營養研究，因為BB的健康是我們的動力。
讓我陪伴你在BB的成長路上，作出最好的營養選擇，帶動寶寶健康成長。
私人傳訊

Hehehahayeah


大宅

積分: 3501


發表於 19-10-13 23:33 |顯示全部帖子
回覆 Chloe@NUTRICIA 的帖子

BB ok, 多謝關心：-）
私人傳訊

Chloe@NUTRICIA
首1000日營養專家
發表於 19-10-14 11:27 |顯示全部帖子
本帖最後由 Chloe@NUTRICIA 於 19-10-14 11:27 編輯
Hehehahayeah 發表於 19-10-13 23:33
回覆 Chloe@NUTRICIA 的帖子

BB ok, 多謝關心：-）

唔好客氣 初生BB最鍾意媽媽嘅臉同聲音，媽媽聲音和氣味都會令佢有安全感，日間時間媽媽多D同佢唱歌、傾計、按摩、tummy time，減少佢日頭瞓覺時間，可以促進BB腦部發育，夜晚都瞓得好D架。

NUTRICIA多年來一直專注BB首1000日營養研究，因為BB的健康是我們的動力。
讓我陪伴你在BB的成長路上，作出最好的營養選擇，帶動寶寶健康成長。
私人傳訊

lsiutung


禁止訪問

積分: 152


發表於 19-10-17 13:01 |顯示全部帖子
提示: 作者被禁止或刪除 內容自動屏蔽
私人傳訊

kaikungwww


禁止訪問

積分: 236


發表於 19-10-18 22:43 |顯示全部帖子

回覆樓主:

提示: 作者被禁止或刪除 內容自動屏蔽
私人傳訊

秋天與楓葉


珍珠宮

積分: 32599


發表於 19-10-20 13:10 |顯示全部帖子
我認同懷孕放鬆心情係好事
我都係放鬆心情去懷孕，懷孕一直俾好多人話我肚細同太瘦要食多啲嘢，其實每次產檢醫生都話bb size正常
即使我係穿水流到baba聲，都係平常心地去醫院，反而我老公好緊張

不過，妊娠糖尿對孕婦同bb都構成風險
若然唔控制好血糖，bb出世要經常驗血糖指數，若bb血糖過低係可以好危險，所以醫護緊張血糖指數係好正常
私人傳訊

秋天與楓葉


珍珠宮

積分: 32599


發表於 19-10-20 13:13 |顯示全部帖子
秋天與楓葉 發表於 19-10-20 13:10
我認同懷孕放鬆心情係好事
我都係放鬆心情去懷孕，懷孕一直俾好多人話我肚細同太瘦要食多啲嘢，其實 ...

繼上

胎動亦係一個好重要嘅指標，反映胎兒健康狀況
每次產檢醫生一定問有無胎動/胎動密唔密
你同醫生講胎動少咗，醫生即刻同你做詳細檢查係好正常
我記得呢度有位媽媽分享過，佗第二胎後期時發現胎動減少，即刻睇醫生檢查照超聲波，醫生照完話bb正常
後來唔放心再睇多個醫生，醫生話唔尋常要緊急開刀，bb出世後發現bb感染李斯特菌，幸好盡早開刀接受治療，否則後果......

懷孕期間身心健康最重要，能夠放鬆心情去懷孕係好事，祝大家都身體健康～
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見