自由講場

跳至

首頁

尾頁
   22


男爵府

積分: 9282


發表於 19-10-12 21:34 |顯示全部帖子
Same here, 最終大仔,診斷oppositional defiant disorder 同adhd.
都努力搵緊方法幫佢



子爵府

積分: 13446

親子王國15週年勳章


發表於 19-10-12 21:35 |顯示全部帖子
本帖最後由 1998Ruby1998 於 19-10-12 21:38 編輯

小朋友唔會無緣無故講「得啦,最乖係細佬,最曳係我」,之前一定係有人(未必係你或家人),講過一啲說話無形中另佢覺得細佬嘅出現係剝奪左家人對佢嘅愛,又或者有人(未必係你或家人)會因為細佬年紀細,好多野都鬆手,反而到家姐就緊左(例如家姐唔想食菜,細佬就懵懵懂懂有人喂就張口食,家姐就聽到人講「睇下細佬幾乖,肯食菜」/家姐寫字少少打風,細佬求其撩兩筆,就聽到「睇下細佬都識寫字,你咁大個,寫字都打風咁」)。

你要從「家姐」嘅角度睇,而唔係搵誰對誰錯(例如,家姐從細佬手上搶野,然後推跌細佬。你嘅出發點要諗:家姐本來好地地想自己一個人,細佬太痴身,過去撩佢一齊玩,家姐唔鍾意但細佬唔明,所以就推開佢)。

唔好諗「我明明已經用好多時間陪佢,細嗰個都冇點理」,小朋友根本感覺唔到呢樣野,佢只感覺到細佬妹出現就立即有大變化,尤其冇自信、敏感嘅小朋友會怕細佬遲啲爬過佢,比唔上佢。

有冇試過「分配表」同「小家務分工合作」?即係例如一日 5-7 點就係家人陪細佬一齊玩,7-9 點就係家姐嘅時間,呢段時間細佬唔可以出現,家姐鍾意談心事、玩都得,總之呢段時間屬於佢。小家務可以例如細佬食飯攞筷子畀家姐,家姐擺好啲筷子埋位,玩完遊戲大家一齊擺返好,然後大人讚佢哋。主要令家姐覺得每次細佬出現,佢都會被讚同有禮物。

另外帶家姐出去遊戲治療建立自信同安全感。同埋畀個 voice box 佢,每次佢覺得有唔公平,唔開心,大人冇聽佢意見,可以寫紙條入落個箱到,然後夜晚單獨同家姐一齊睇紙條抒發感受表達自己。最重要係唔好迫佢哋鍾意對方因為呢啲係講緣分、性格,但一定互相尊重同幫助。家姐可以選擇唔同細佬玩但唔可以動手打人,細佬要學識家姐唔係時時刻刻都想同佢一齊,要問家姐先。


水晶宮

積分: 73296

2024年龍年勳章 2024勳章 最關心BB問題熱投勳章 我的育兒心得勳章 2011精緻種植勳章 畀面勳章 環保接龍勳章


發表於 19-10-12 21:38 |顯示全部帖子
baby2012me 發表於 19-10-12 20:48
聽完你講我都有想一想,其實有時都真係有點煩厭同覺得細佬有點慘,同時間佢地平時又係奶奶同工人湊,我同 ...

本帖最後由 Angelice-BeBe 於 19-10-12 21:39 編輯

會不會99重男輕女?老人家偏心係會做到出晒面,可能成日掛口唇邊話細佬又乖又聽話,家姐就應該要忍讓下,遷就個細佬之類,令到家姐一直唔開心。

我覺得要唸方法好好同個女建立番個關係,多d擁抱下,或同佢傾計,聽下佢講野,又或是比個專屬時間係你同佢兩人一齊,可以去下玩,或是食下野,做d佢想做嘅野。

因為我自己都係一仔一女,兩個相差三年。


珍珠宮

積分: 49410


發表於 19-10-12 21:40 |顯示全部帖子
1998Ruby1998 發表於 19-10-12 21:35
小朋友唔會無緣無故講「得啦,最乖係細佬,最曳係我」,之前一定係有人(未必係你或家人),講過一啲說話無 ...

我都係7歲仔3歲女,
但我覺得女的確情緒化過仔,
同埋有一樣係我地多數會讚大個個,
例如你睇下哥哥食飯食得幾快,
哥哥好幫得手喎執哂d玩具,
妹妹都要學下啦。

其實簡單幾句小朋友已經會有成就感,
雖然我都明學業上的確會開始怒氣。
不過我覺得唔洗一人一份禮物,
我不嬲都係灌輸有需要先買,
好難做到次次都一人一份,
佢地都好明白。


伯爵府

積分: 19444

BK Milk勳章


發表於 19-10-12 21:40 |顯示全部帖子
1998Ruby1998 發表於 19-10-12 21:35
小朋友唔會無緣無故講「得啦,最乖係細佬,最曳係我」,之前一定係有人(未必係你或家人),講過一啲說話無 ...

勁,學到。不過家裡細的痴到實,無單獨2個小時給家姐怎麼辦?


子爵府

積分: 13446

親子王國15週年勳章


發表於 19-10-12 21:45 |顯示全部帖子
appledai 發表於 19-10-12 21:40
勁,學到。不過家裡細的痴到實,無單獨2個小時給家姐怎麼辦?

咁星期六日?一個帶細佬出街玩,咁家姐係屋企可以有單獨時間,或者調轉。唔需要話真係 2 小時,quality 勝於 quantity
順便訓練下細佬 “獨立玩”,留啲空間俾家姐。三歲應該明白道理同指令,例如:我宜家想同家姐傾計,你可唔可以玩住先。傾完我地會黎同你一齊玩。


男爵府

積分: 5301


發表於 19-10-12 21:58 |顯示全部帖子
baby2012me 發表於 19-10-12 20:51
但每日聽住佢講啲悔氣說話真係好傷心
「你唔鍾意我嘛,你鬧我啦,我知你唔想見到我,我咁曳」
...

喂呀,隊友黎架,我日日都聽唔少


翡翠宮

積分: 84598

牛年勳章


發表於 19-10-12 22:08 |顯示全部帖子
baby2012me 發表於 19-10-12 21:00
成家見佢咁樣,講嘢都好小心,有時我買嘢,奶奶都要我一定要買埋俾家姐,怕佢唔開心。
但我又唔鍾意咁,有 ...

我都有兩個小朋友,買野尼家野真係要盡量公平,一買買兩份,一係就唔買。
例如你話買點讀筆俾個細,都要買樣俾個女,買糖又好玩具都好,小朋友眼中唔識分平貴,只識分點解細佬有我無


翡翠宮

積分: 84598

牛年勳章


發表於 19-10-12 22:11 |顯示全部帖子
同埋大女需要建立佢自己既社交圈子,佢學校多唔多朋友?不如約阿女朋友家長一齊出去玩,或者參加一d團隊等阿女識多d朋友,分散佢以你為重心。


大宅

積分: 1981

熱血勳章


發表於 19-10-12 22:18 |顯示全部帖子
baby2012me 發表於 19-10-12 20:56
我都有想過,但唔知邊度有,上網搵都係心理醫生多,有無介紹?

我知東華三院啲中心有,你試吓上網check吓,佢好多區都有!


大宅

積分: 4835


發表於 19-10-12 22:24 |顯示全部帖子

回覆樓主:

我大女6歲,細仔5歲,如果搶野會攞走大家唔俾玩,我同女講會最錫佢,佢就負責錫細佬,另外屋企唔俾講你唔食我就俾佢食果啲,但我地冇老人家所以冇教育不一既情況~
朋友屋企公公婆婆日日話大既曳,唔乖就錫哂細果啲,所以令佢好反叛~


伯爵府

積分: 19444

BK Milk勳章


發表於 19-10-12 22:28 |顯示全部帖子
1998Ruby1998 發表於 19-10-12 21:45
咁星期六日?一個帶細佬出街玩,咁家姐係屋企可以有單獨時間,或者調轉。唔需要話真係 2 小時,quality 勝 ...

明白!謝謝你!


男爵府

積分: 5946

減齡達人勳章


發表於 19-10-12 22:41 |顯示全部帖子
其實小朋友講得出依幾句,証明佢心入面好不安,佢好擔心自己係大人心入面真係好曳, 大人真係會唔鐘意佢。
有啲似係想用依句去「安慰」或「解釋」自己心中既失落, 有啲想係你地口中聽到「係呀, 你咁唔乖,我地唔鐘意你」,然後俾自己一個名正言順既機會去嬲你地,去做一個曳既小朋友。

其實佢講依句, 我覺得代表佢十分在意你地,想你地回應佢。 要多啲同佢打開心窗去傾計,進行有質量既談話。


伯爵府

積分: 18255

Poo得好勳章 開心吸收勳章 美好大世界2017勳章 Xmas吸收勳章 夏天玩到顛 畀面勳章


發表於 19-10-12 22:55 |顯示全部帖子
你個女太叻,注定係激你氣


水晶宮

積分: 70458


發表於 19-10-12 23:02 |顯示全部帖子
本帖最後由 chocolatebean 於 19-10-12 23:22 編輯

回覆 baby2012me 的帖子

會係咩原因, 咁細個已經咁負面, 聽起來好嚴重
女女細時, 主要照顧者是誰, 佢有冇D說話, 行動令女女覺得弟弟得寵?

家人有冇D咩說話令女女覺得弟弟奪去所有人對她的愛? 有冇發生左D咩事令女女咁? 弟弟出世前, 女女性格如何?


水晶宮

積分: 70458


發表於 19-10-12 23:07 |顯示全部帖子
回覆 baby2012me 的帖子

99 有冇重男輕女? 會唔會99唔覺意將姊弟比教, 講左D好傷害既說話?


水晶宮

積分: 63718


發表於 19-10-12 23:08 |顯示全部帖子

回覆樓主:

你將家姐同細老的家庭角色獨立左變得冇連繫,你都講左家姐你湊,細老差唔到工人湊

你要刻意仍造佢地2個的關係,上youtube有好多育兒心得分享可以參考


水晶宮

積分: 70458


發表於 19-10-12 23:20 |顯示全部帖子
回覆 andyan324 的帖子

哥哥好幫得手喎執哂d玩具,
妹妹都要學下啦。

呢2句說話令妹妹聽起來都會唔開心, 覺得你將佢同哥哥比較


大宅

積分: 4906


發表於 19-10-12 23:21 |顯示全部帖子
baby2012me 發表於 19-10-12 20:08
俾我呻下......大女7歲,小二,細仔三歲
家姐一向都比較有性格,凡事只會以自己為中心,同時間又好無自信好 ...

我大女都係7歲,細女就6歲,差一年,女仔係鐘意人哄同錫佢易呷醋,,以前我發現我大女會呷細妹醋時,我就會同大女講,媽咪個肚胎住你二個十個月,經過開刀流左好多血先生左你地,所以你地係媽咪呢世人最愛最愛既二個女,二個都係我寶貝,我地爸爸媽媽老左死左,呢個世界就得返妹妹係你親人,4大長老都過左身啦,所以你地要珍惜妹妹,重覆唔同時段同佢地講,佢哋就會明白,父母最錫就係佢地二個,無分多少,因為二個都係咁生,女仔係鐘意聽肉麻野,一定要父母講出口好愛佢,佢哋先會信,我唔會特別買野比佢地證明我愛佢,因為物質既快樂係短暫既


水晶宮

積分: 70458


發表於 19-10-12 23:32 |顯示全部帖子
樓主, 你要捉緊時間處理女女的問題, 越大越難搞

1 找出原因, 是否主要照顧者偏心所致, 說話做成傷害? 如是, 要暫時隔離佢地
2 媽媽抽時間了解女女內心說話, 了解她為什麼咁諗, 解釋, 填補內心的缺失
3 建立姊弟關係十分重要. 不能只無條件滿足姐姐的要求, 既不能令佢有安全感, 更越來越橫蠻

首頁

尾頁

跳至