少年成長

跳至

首頁
1

尾頁
   1


男爵府

積分: 6747

2019新春慶豚圓 2019勳章


發表於 19-10-13 10:59 |顯示全部帖子
前兩日朝早返工,一入𨋢就見到一個小朋友同佢個家傭姐姐係𨋢入面,本來都冇乜留意,但係個小朋友發現啲好唔耐煩嘅聲音,個小朋友大約五六年級,喺𨋢入面好忟憎咁梳緊頭,跟住佢突然間好忟憎咁喺個家傭手上搶咗個頭箍,我聽到個工人姐姐只係提醒佢下次要早啲起身咁就唔使咁趕。點知個小朋友一聽到仲即刻發脾氣話返個家傭,跟住個家傭姐姐就冇再出聲。但係個細路仔就依然喺架𨋢入面好忟憎發出埋曬啲好冇禮貌嘅聲音,出咗𨋢之後個姐姐想拖返個細路點知個小朋友仲好冇禮貌咁甩開個家傭姐姐隻手。個小朋友嗰副嘴臉乞人憎到連我返工就算啲下屬做錯嘢我都唔會有呢副嘴臉。

見到咁我心入面喺度諗有冇搞錯呀!究竟乜嘢嘅家長可以教到個小朋友咁冇禮貌。 呢個就係典型嘅家教問題,照計如果個小朋友自細跟住個呢個家傭姐姐,而父母亦都有個好榜樣有禮貌咁對個姐姐嘅話個小朋友唔會咁做。我成日都講家傭都係人,係人都會有情緒,其實你對人好人對你好。家傭姐姐做嘢肯做多步同上心啲,其實都可以幫到父母好大忙。我同我老婆都要返工好多時就係家傭姐姐對住我對仔女,只有當佢係家庭嘅一份子佢先至會當我對仔女係自己人一樣去愛錫。人哋都係打份工,你對人好人哋就自然對你好。有啲人可能會覺得家傭只不過係幫自己打工,有冇必要對佢咁好呢?話曬自己都係僱主。我唔知啱定錯,但可能我比較好彩,第一個請嘅家傭就一路湊住我對仔女大,已經做咗好多年,但我淨係知道你要人哋對你好你必然要先自己對人哋好。更加我哋係小朋友嘅榜樣,細路仔出世白紙一張,其實佢就係學緊我哋點樣對人同點樣去處理人際關係。好似我見到嘅呢個小朋友咁,其他人眼中佢只不過係個乞人憎同冇禮貌嘅細路。更加重要係佢嘅父母害咗佢,都係嗰句究竟係點樣嘅父母能夠交出一個冇家教冇禮貌嘅細路呢!

唔知點解有啲人番工做細嘅就希望老闆對自己點好點好,但係一返到屋企自己做老闆就乜都唔記得晒。人係咪真係要咁矛盾呢!


禁止訪問

積分: 152


發表於 19-10-14 02:30 |顯示全部帖子
提示: 作者被禁止或刪除 內容自動屏蔽


複式洋房

積分: 219


發表於 19-10-14 11:33 |顯示全部帖子
我朋友個姨甥女年纪再細少少都係成日發脾氣,又尖叫又掟嘢。 煮咗嘅餸唔啱佢胃口唔食,成支筷子掟去佢嫲嫲度。 有興趣班唔想去就喺房度大喊大叫。 佢父母返工由朝返到晚, 大部分時間都係工人姐姐同我朋友幫手。


侯爵府

積分: 20057

2019新春慶豚圓 2019勳章


發表於 19-10-18 16:39 |顯示全部帖子

回覆樓主:

其實5,6年班細路發脾氣,有其他可能,當然樓主所講嘅可能都一定有,但青春期嘅細路嗰種反叛,有時係好難理解,就算對住父母都會無情白事發脾氣,連佢自己都未必知自己嬲咩,總之係心火盛!
如果係呢個情況,需要大人好耐心教導同多啲關心,如果鬧,會越鬧越出事。
我都希望呢個小朋友係後者,而唔係被縱出嚟


伯爵府

積分: 16734

2019新春慶豚圓 2019勳章


發表於 19-10-18 18:54 |顯示全部帖子
wan_sosin 發表於 19-10-18 16:39
其實5,6年班細路發脾氣,有其他可能,當然樓主所講嘅可能都一定有,但青春期嘅細路嗰種反叛,有時係好難理 ...

樓主可能冇小朋友,未明白。青春期係可以好勁的。
有時同家教未必有關。


侯爵府

積分: 20057

2019新春慶豚圓 2019勳章


發表於 19-10-18 21:42 |顯示全部帖子
1mocha 發表於 19-10-18 18:54
樓主可能冇小朋友,未明白。青春期係可以好勁的。
有時同家教未必有關。
...

我屋企就有個小6嘅,都係經常忟憎,當佢冷靜咗再同佢傾返(出於關心,唔係教訓佢),會發現佢唔係想對人發脾氣,只係覺得啲事情唔係佢所想,就控制唔到爆發情緒。


男爵府

積分: 6747

2019新春慶豚圓 2019勳章


發表於 19-10-18 23:04 |顯示全部帖子
對不起,可能我真係無知啦!原來無禮貌係可以用青春期嚟解釋。咁如果唔係工人姐姐而係喺學校發脾氣鬧老師,咁係咪都可以同老師解釋因為正經歷青春期就可以呢?待人接物嘅禮貌喺一件事,青春期又係另一件事,家長容忍程度高,係咪其他人都一樣呢?冇禮貌黑人憎,唔會因為你青春期就變得冇咁黑人憎。除咗家長會係覺得青春期影響之外,其他人又會唔會咁諗呢?其他人眼中呢一個青春期嘅小朋友又係乜嘢形象呢?真係會有小朋友細個時教到好有禮貌,到青春期會完全冇禮貌,到過咗青春期又會自動變番好?算我無知,我真係唔知,Sorry!!


大宅

積分: 4329

2019新春慶豚圓 2019勳章


發表於 19-10-19 17:20 |顯示全部帖子
其實,樓上的jm只是善意提醒,高小的孩子不禮貌對待傭人有機會是由於青春期情緒影響的可能性,並不是認同孩子的行為。
經歷過青春期父母都知,無論你之前幾用心教,到青春期都有機會可能變咗另一個人,父母頂心之餘,又唔可與他硬碰,這段期間真係將與父母之前儲下的感情儲錢箱,一直倒扣。


民房

積分: 12


發表於 19-10-27 12:43 |顯示全部帖子
csir3290 發表於 19-10-18 23:04
對不起,可能我真係無知啦!原來無禮貌係可以用青春期嚟解釋。咁如果唔係工人姐姐而係喺學校發脾氣鬧老師, ...

只係想講非常之認同!我都朝着依個方面教小朋友待人接物要禮貌。做人要謙卑。

首頁
1

尾頁

跳至
你需要登錄後才可以回帖 登入 | 註冊